Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Sayasat 6341 0 pikir 12 Aqpan, 2015 sağat 10:10

MINSK KEZDESUİ NÄTIJE BERE ME?

Äne boladı, mine boladı dep TMD keñistigin ala tayday büldire jazdağan NORMAND formatındağı äygili törttiktiñ Minsk kezdesui keşe bastalıp ta ketti. Putin men Poroşenkonıñ ekeuara qol alısuımen bastalğan kezdesude Resey, Germaniya, Franciya jäne Ukraina elderiniñ basşıları ne mäseleni talqıladı? Qanday uağdalastıqqa qol jetkizdi? Kezdesudiñ «kün tärtibine» qoyılğan Ukrainadağı Oñtüstik-Şığıs probleması şeşiletin boldı ma?

«112 Ukraina» telearnasınıñ habarlauına qarağanda, Minsk kezdesuinde Donbasstağı teketiresti retteu problemasına qatıstı mäseleler tolıq şeşimin tapqan körinedi. Äytse de, «äli eşkim moyınday qoymağan» Doneck jäne Lugansk Halıq respublikalarınıñ aumağındağı Resey-Ukraina elderiniñ şekarasına baqılau jasau mäselesiniñ bası aşıq qalıp otır. Sonday-aq, Minskidegi kelissöz barısında atalıp otırğan şekaralıq aymaqtardağı şekara qızmetiniñ kadrlıq qwramın mindetti türde jergilikti twrğındar arasınan jasaqtau jöninde wsınıstar jasaldı. Mwnımen qosa okkupaciyalanğan aumaqtarda «halıqtıq miliciya» qwramaların qwru men osınau aymaqtağı jaña bilik ökilettiginiñ merzimi mäselesi de kezdesu kezinde aktual'di mäseleler retinde qaraldı. «Minskidegi kelissöz asa kürdeli jağdayda ötip jatır desek te, kezdesu qorıtındısı sätti ayaqtaladı dep ümittenemiz» dedi atalmış telearnağa bergen tüsiniktemesinde Ukraina sırtqı ister ministrliginiñ ökili Evgeniy PEREBIYNIS mırza.

Esimizge tüsire keter bolsaq, Resey, Ukraina, Franciya prezidentteri Vladimir Putin, Petr Poroşenko, Fransua Olland jäne Germaniya kancleri Angela Merkel' qatısıp jatqan NORMAND formatındağı Minsk kezdesui keşe toğız sağattan astam uaqıtqa sozılıp, onda NORMAND törttigi kelissöz barısında köterilgen mäselelerdiñ taza tehnikalıq jaqtarın talqılağan bolsa, bügin – yağni, aqpannıñ on ekisi küni Ukraina janjalına qatıstı qwjattarğa qol qoyıluı mümkin.

Marat MADALIMOV.

 

Abay.kz 

0 pikir