Qazaq elindegi oqu oryndarynda әrtýrli dengeydegi diplomdar satylady. Mektepke deyingi úiymdargha, yaghny balabaqshalargha jәne memleket tegin oqytugha tiyisti mektepterding ózderine balany ornalastyrudyng belgili bir dәrejedegi «tariyfi» bar. Bilim salasyndaghy memlekettik satyp alu jýiesin sybaylas jemqorlyq jaylaghan - barlyghy satylady, barlyghyn satyp alugha bolady. Osynday jaghdaydy bile túra... Bilim jәne ghylym ministrligi mýlde eshtene istemeydi.

«Núr Otan» partiyasy janyndaghy sybaylas jemqorlyqpen kýresetin respublikalyq qoghamdyq kenesting minbesinen mәjilismen Meruert QAZYBEKOVA túp-tura osylay dedi. «Esep komiyteti jaqynda ghana bilim salasy boyynsha 18,3 milliard tenge kólemindegi budjet jәne basqa da zandylyqtardyng óreskel búzylghanyn anyqtady, - dedi MERUERT hanym mәlimdemesi barysynda naqty derekterdi atap kórsetip, - al múnday mәsele 2013 jyly 26,3 milliard tenge, ótken jyldyng toghyz aiy boyynsha 38,2 milliard tengeni qúraghan eken. Bilim salasy boyynsha ótken jyldyng toghyz aiynda 228 sybaylas jemqorlyq qylmystary tirkelgen bolsa, búl kórsetkish 2013 jyldyng toghyz aiynda 117 degen sifrdyng ainalasynda bolypty. Demek, jyl sayyn sybaylas jemqorlyq dengeyi kóterilip bara jatyr degen sóz... Ótken jyly osy bilim salasynyng ministri (Aslan Sәrinjipovti aitady) alty ay ishinde bir de bir azamatty qabyldamapty. Onyng qabyldauyna ózge týgili, bizding ózimiz de (mәjilis deputattaryn aitady - M.M.) kire almadyq...»

Mәjilismenning aituyna qaraghanda, ótken jyldary Bilim jәne ghylym ministrligi mektepterding himiya kabiynetterine qajetti qúral-jabdyqtargha qatysty memlekettik satyp alu bayqauyn ótkizip, nәtiyjesinde bilim salasynyng 569 memlekettik mekemesine eki milliard tengening himiyalyq qúrylghylary satylyp alynghan eken. «Alayda atalmysh qúrylghylar kýni býginge deyin iske qosylmay, shang basyp, bosqa jatyr» dedi Meruert Qazybekova.

Qyzyq! Qay jaghynan alyp qarasanyz da – qyzyq! Ótkende ghana Esep komiyteti auyl sharushylyghy ministrligining iygerilmey qalghan... iygerilui bylay túrsyn, iygerilui kezinde «aty bar da, zaty joq» «saghym firmalargha» qoldy bolyp ketken milliardtar tizimin ashyp aityp, ATTANdy salyp edi. Sol ATTAN sol kýii... aitylghan jerinde ATTAN bolyp qalyp ketti. Taza kóz boyaushylyq! Odan beri kóp te uaqyt ótken joq, alayda kópshilik ony úmytyp ta ýlgerdi. Qaybir jyldary Auyl sharuashylyghy ministri Asyljan MAMYTBEKOV asyl túqymdy shet eldik búqa-siyrlardy syrt elderden úshaqpen tasyp edi. Elimizge. Milliondaghan dollarlar júmsalghan sol ASYLJAN ministrding asyl túqymdylarynyng aldy aram ólip, arty әlige deyin esin jimay jatqan kórinedi, estuimizshe. Ángimemizge arqau bolyp otyrghan Bilim jәne ghylym ministrligining milliardtaghan qarjygha shet elderden aldyrghan himiyagha qatysty qúral-jabdyqtary da, ashyghyn aitayyq, ASYLJAN myrzanyng asyl túqymdy shet eldik maldarynyng kebin kiyip otyrghangha úqsaydy. Mәjilismen MERUERT hanymnyng minbeden aitqandarynan bizding týsingenimiz osy. Al endi әngimening ashyghyn aitatyn bolsaq, «mәjilismen MERUERT hanym da, basqalar da ayaq astynan nege osy belsendi bolyp ketti?» degen súraq tuady. Súraqqa jauap, әlbette, bireu-aq: birneshe jyldan beri bar-joghy bilinbeytin mәjilismenderding býgingi belsendiligi aldaghy jyly bolyp qaluy tiyis parlamenttik saylaugha qatysty bolsa kerek, óitkeni MERUERT hanymnyng da, Meruert hanym siyaqty basqa deputattardyng da «oyana bastauy» osynday oilargha jeteleydi. Al endi MERUERT HANYMNYNG ayaq astynan «aytyp-aytyp tastaghan әdiletti» syny... dәl sol aitylghan jerinde – «Núr Otannyn» manayyndaghy minbelerding ainalasynda qalyp ketedi. Múnyng da ashyghyn aitayyq.

Marat MADALIMOV.

Abay.kz