Senbi, 26 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
Jañalıqtar 3299 0 pikir 26 Aqpan, 2015 sağat 10:20

TQJB: «Jas otbasığa arnalğan twrğın üy» jobası jalğasadı

Twrğın üy qwrılıs jinaq banki «Qoljetimdi twrğın üy–2020» bağdarlaması ayasında 60 milliardqa juıq teñgeni byudjetke merziminen bwrın qaytardı.

«Bäyterek» Wlttıq basqaru holdinginiñ enşiles kompaniyası – «Qazaqstannıñ twrğın üy qwrılıs jinaq banki» AQ biıl «2020 jılğa deyin öñirlerdi damıtu» – «Qoljetimdi twrğın üy–2020» badarlaması boyınşa öz bağıtın tolıq kölemde iske asırmaq. Banktiñ baspasöz qızmeti habarlauınşa, salınıp jatqan nısandardı qarjılandıru tolıq saqtalatın boladı. QTQJB «Jas otbasığa arnalğan twrğın üy» jäne «Halıqtıñ barlıq sanatına arnalğan twrğın üy» attı eki bağıtın äri qaray da jüzege asıra beredi.

Birinşi sanat boyınşa 2 164 päter paydalanuğa berilse, al ekinşi sanat boyınşa Banktiñ 5 923 salımşısı päter aldı. Biıl jalpı audanı 540 mıñ şarşı metr bolatın twrğın üyler paydalanuğa beru josparlanıp otır (twrğın üydi paydalanuğa berudiñ jıldıq josparı – 300 mıñ şarşı m.). Qoljetimdi twrğın üylerdiñ bir şarşı metriniñ bağası bwrınğı küyinde qaladı.

2014 jılı Bank «Qoljetimdi twrğın üy–2020» bağdarlamasın jüzege asıru qarqının tömendetken joq. Jıl qorıtındısı boyınşa, jalpı audanı 429,3 mıñ şarşı metr bolatın twrğın üy nemese 7033 päter paydalanuğa berilgen.

«Qoljetimdi twrğın üy – 2020» bağdarlaması ayasında twrğın üy qwrılıs jinaq jüyesiniñ qarjısı tiimdi paydalanılıp keledi. Bwl memleket byudjetine tüsetin salmaqtı azaytadı. Mäselen, twrğızılğan üylerdiñ tölemi retinde Twrğın üy qwrılıs jinaq banki 2014 jılı jergilikti atqaru organdarına 34 milliard teñge audardı. Bağdarlama jüzege asa bastağannan beri, yağni 2012 jıldan beri ötken twrğın üyler üşin Bank äkimdikterge 59,9 milliard teñge audardı.

Esteriñizge sala ketsek, «Qazaqstannıñ twrğın üy qwrılıs jinaq banki» AQ – «Bäyterek» Wlttıq basqaruşı holdingi» AQ-nıñ enşiles kompaniyası. Holding ekonomikanı damıtu jäne ärtaraptandıruğa ıqpal etu, investiciya tartu, klasterlerdi damıtu jäne onıñ enşiles wyımdarında korporativtik basqaru jüyesin jetildiru maqsatımen qwrılğan.

Abay-aqparat.

0 pikir