Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Qoğam 4270 0 pikir 26 Aqpan, 2015 sağat 11:08

ÜSENOVTER. SU JAÑA OTBASILIQ «OQIĞA»

Qazaqstandağı eñ tanımal äuletter qatarına jatatın Üsenovter otbasına qatıstı tağı da şu şıqtı. «NewTimes.kz» aqparat agentiginiñ habarlauınşa, bwl jolğı dau osı otbası ieligindegi «Injenerno-stroitel'naya kompaniya «YUgSanTeh Servis» JŞS-na qatıstı tuındap otır.

Mäseleniñ mänisi mınada: Almatı qalasınıñ twrğını Dina Saurıqova öz qwqınıñ ayaqqa taptalğanın aytıp, sotqa arızdanğan. Arızdanuşı almatılıq eki qwrılıs kompaniyasın jeke menşiktegi jer telimin zañsız ielenip, qwrılıs jwmıstarın jürgizip jatır dep ayıptaydı. Qazirgi küni qalanıñ Süyinbay dañğılınıñ boyında jürgizilip jatqan qwrılıs jwmıstarı birneşe üleskerdiñ menşigi bolıp tabılatın jer telimine zañsız jobalanğan. Jobanı qolğa alğan kompaniyalar isti jerdiñ naqtı iesiniñ biri bolıp tabılatın Dina Saurıqovadan eşqanday rwhsat almastan jürgize bergen. Kompaniya basşılığına jasağan eskertuinen eşqanday nätije körmegen Dina hanım aqırı sotqa şağım tüsirgen. Oqiğanıñ qızığı osı jerde: jer telimin zañız ielenip otırğan eki seriktestik: «AsarStroyServis» jäne «Injenerno-stroitel'naya kompaniya «YUgSanTeh Servis» kompaniyalarınıñ soñğısı... Üsenovter otbasınıñ müşesine tiisti ekendigi belgili boladı. Äñgimeniñ ärisi tipten qızıq: sot azamatşa Saurıqovanıñ arızın qaraudan bas tartadı. Sebebi...

Azamattıq qwqı ayaq astı bolğan Dina bolsa bwl istiñ artında Üsenovter twrğanın aytıp, bwqaralıq aqparat qwraldarınan araşa swrauğa mäjbür bolıptı...

Endi «Injenerno-stroitel'naya kompaniya «YUgSanTeh Servis» JŞS-na oralayıq. Bwl seriktestiktiñ Maqsat Üsenovtiñ äpkesiniñ atına tirkelgen, qwrılıs narığında jwmıs istep kele jatqan äjeptäuir kompaniya ekeni jasırın emes. Onıñ üstine Maqsat Üsenovti ataq-dañqtıñ asqarına şığarğan jol-kölik oqiğasınıñ biri atalğan kompaniyağa tiisti avtoköliktiñ qatısuımen orın alğan bolatın. Ol ötken jıldıñ qaraşa ayında Maqsat mırzanıñ taqımında apatqa wşırağan A078 VP nömirli «Mercedes» edi...

 

Abai. kz

0 pikir