Senbi, 26 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
Qoğam 3549 0 pikir 26 Aqpan, 2015 sağat 11:35

NAŞAR FUTBOL KİMGE DÄRİ?

Köktemniñ alğaşqı küni «Astana-Arena» stadionında el çempionı – «Astana» men el kubogınıñ iegeri – «Qayrat» komandaları futboldan Qazaqstan superkubogın sarapqa saladı. Oyındı «Habar» telearnası tikeley efirden körsetpek (translyaciyanıñ bastaluı – Astana uaqıtı boyınşa 15.55-te).

Osıdan eki apta bwrın Qazaqstan futbol federaciyasınıñ (QFF) saytında mınaday aqparat jariyalandı: «Qazaqstan superkubogı sarapqa salınatın bwl matçtı reseylik «Sport 1» telearnası da körsetetin boladı. QFF Bükilreseylik memlekettik tele jäne radio habarların taratu kompaniyasımen osınday kelisim-şartqa otırdı». Federaciyanıñ bas menedjeri Asqar Wranhaev öz tüsindirmesinde tipti «Astana» men «Qayrattıñ» oyının Ukrainanıñ «SPORT» arnası da körsetetinin, al bwl arnanı atalmış el halqınan bölek Belarus', Moldova, Litva, Latviya jäne Estoniya elderiniñ de tamaşalaytının aytqan-dı. YAğni, Qazaqstan superkubogı üşin matçtı bwrınğı Keñes Odağınıñ birtalay eli köretin boldı dep jar saldı. Bwl bwl ma, «Türkiya, Qıtay jäne t.b. elderdiñ telearnalarımen de kelissöz jürgizilip jatır» degenin qaytersiz?

Jwrtşılıq bwl habarğa asa quana da, tım sene de qoyğan joq. Öytkeni, birinşiden, «Astana» men «Qayrattıñ» oyını, basqanı bılay qoyğanda, qazaq janküyerleriniñ özin qanşalıqtı qızıqtıradı? Jaraydı, 30 mıñ adam sıyatın «Astana-Arena» üş ay qısta futboldı sağınıp qalğan körermenge lıq tolsın-aq delik. Janküyerliktiñ jazılmas derti qanına siñgen qalıñ jazğan teleekranğa telmirsin-aq. Bükil Qazaqstan qaramaydı ğoy bäribir.

Ekinşiden, osı oyın Resey, Ukraina nemese Litvadağı futbol äuesqoylarınıñ nazarın audaradı degenge QFF şınımen ilana ma? Mäselen, futboldı öte jaqsı köretin meniñ özim joğarıda atalğan elderdiñ komandalarınıñ oyındarın qaray bermeymin. Sebebi, mağan qızıq emes. Angliya, Ispaniya nemese Germaniya çempionattarı, Çempiondar ligası twrğanda, qaydağı bir «Spartak» pen «Zenittiñ», «Dnepr» men «Metallistiñ», «Ekranas» pen «Jal'giristiñ» oyının qaytemin? Sol sekildi kez kelgen orıs, ukrain nemese litvan janküyeri «Astana» men «Qayrattıñ» oyının qaraydı degenge kim senedi?

Üşinşiden, osınday eşkimdi qızıqtıra qoyuı neğaybıl, özgeler üşin reytingi nöl oyındı köriñder dep, jwrtqa jalınu – ıñğaysız emes pe? Qazaq futbolın sırtqa tanıtudıñ basqa da joldarı bar şığar (Mäselen, komandalarımızdıñ oyının jaqsartu, deñgeyin köteru). Onıñ üstine, sport telearnaları qazir Angliya, Germaniya, Ispaniya çempionattarın körsetu üşin talasıp, sol federaciyalarğa qıruar qarajat töleydi. Bwlardıñ reytingi öte joğarı ekenin, el qızığuşılığınıñ orasan zor ekenin biledi. Al bizdiñ matçtı körsetkennen olar ne tabadı? Eşteñe de. Naşar futbol kimge däri? Demek, olar tek bizdiñ tarap aqşa tölese ğana körsetuge kelisim bermek. Öytip aydaladağı bireulerge aqşa tölep janıqqanşa, öz futbolımızdı özimiz-aq körip otıra bermeymiz be?

...Keşe «Sport 1» (Resey), «SPORT» (Ukraina) jäne «TRT Avaz» (Türkiya) arnalarınıñ 1 naurız küngi telebağdarlamaların şolıp şıqtım. «Astana» – «Qayrat» oyını eşqaysısınıñ da kestesinde joq eken. Bäse...

 

Säken SIBANBAY

 

Abai.kz

0 pikir