Düysenbi, 28 Qırküyek 2020
COVID-19 QAZAQSTANDA. Jwqtırğandar — 107775. Jazılğandar — 102736. Qaytıs bolğandar — 1699
Körşiniñ köleñkesi 5253 0 pikir 28 Aqpan, 2015 sağat 11:49

RESEY «ARNAYI OPERACIYALIQ KÜŞTER» KÜNİN ATAP ÖTTİ

Bügin Reseyde alğaş ret «Arnayı operaciyalıq küşter» küni merekelenip jatır. Bwnday künniñ qızıl datağa engiziluine RF Prezidenti Vladimir Putin keşe, beysenbi küni ğana jarlıq şığarğan.

BBC jañalıqtarınıñ jazuınşa, Putinniñ jarlığı qwqıqtıq aqparattarğa arnalğan internet portalda jariyalanğan. Aqparatqa say, jarlıq jariyalanğan sätinen bastap küşine enedi. Mamandandırılğan arnayı küşter merekesi retinde nelikten 27 aqpan tañdap alınğanı qwjatta körsetilmegen.

Esteriñizge salatın bolsaq, «Azattıq radiosı» Resey körşisi Litvanıñ azamattar üşin äskeri qızmetti qayta mindetti qılıp, NATO-men birlesip särsenbi küni äskeri jattığu ötkizgenin habarlağan edi. Sonday-aq Estoniyada da Täuelsizdik künine oray Narva qalasında äskeri parad ötkizilip, Reseymen şekaralas aymaqta NATO-ğa müşe birneşe memlekettiñ äskerleri qatısqan äskeri jattığular jasalğan. Jattığular barısında amerikalıq soğıs tehnikaları şekaradan nebäri  300 m ğana qaşıqtıqta jürip ötken. Pol'şa men Baltıq elderi bıltır Resey Qırımdı anneksiyalap alğan soñ NATO äskerlerin öz territoriyalarına ornalastıruğa ötiniş bergen bolatın.

BWW-nıñ mälimetine say Ukrainadağı konflikt qwrbandarı sanı 5800 adamğa jetken. Birneşe memlekettik kelisim men Älem elderiniñ alañdauşılığına qaramastan reseyşil separatister şığıs Ukrainanıñ birqatar öñirlerine tınıştıq bermey keledi. Ukrainanıñ şığısındağı äskeri qaqtığıstar men sayasi twraqsızdıqqa Batıs elderi men AQŞ Reseydi ayıptaydı.  Al Resey biligi äskeri qaqtığıstarğa öziniñ mülde qatısı joq ekenin aytudan tanbay keledi.

Nwrğali NWRTAY

Abai.kz

0 pikir