Düysenbi, 6 Säuir 2020
COVID-19 QAZAQSTANDA. Jwqtırğandar — 584. Jazılğandar — 44. Qaytıs bolğandar — 6
Bw ne mazaq? 4297 0 pikir 8 Säuir, 2015 sağat 10:00

ALMATINIÑ METROSI ADAM ALALAYDI

Almatıdağı metroğa kirip, onıñ igiligin köru qiın bolıp twr. Men basımnan ötken jayttardı bayandayın.

Mine, eki jıl boldı (2013-2015 jıldar) Almatı metrosındağı policeyler meni sebepsizden sebepsiz birneşe ret toqtattı. Nege ekendigin bilmedim. Kiimim taza, qoğamdıq tärtipti bwzğan jan emespin. Sodan azamattıq qwqığımdı alğa salıp, 2014 jıldıñ qazan ayında QR İşki ister ministrligi Qoğamdıq keñesiniñ müşesi Äbildä Äbdikärimovpen kezdesip, osı jaydı aytqan edim, metro policeyleri zañsız äreketterin uaqıtşa doğardı. Alayda, biıl älgi policeyler özderiniñ bwrınğı zañsız äreketterine qaytadan kiristi. Mümkin, bwl mekeme QR İşki ister ministrligine pısqırmaytın, derbes avtonomiyalıq qwrılım şığar? Onısın tüsinbedim...

Bizdiñ Konstituciyamız boyınşa, kez kelgen diskriminaciyağa tıyım salınğan. Meyli, sen afrikalıq bol, aziat bol, eşkim sebepsiz toqtatıp, jolıñdı kesuge qaqılı emes. Men talay şetelde boldım, metrolardı paydalandım: London, Kiev, Rim, Çikago... Ädette şetelde metrodağı policeyler jaydan-jay eşkimdi toqtatpaydı. Nege bizdegi jergilikti metro policeyleri diskriminaciya (alalauşılıq) sayasatın jürgizedi?

Policiya qızmetkerleri meniñ arızıma eşqanday naqtı jauap bermey otır. Memlekettik wyım bolğan soñ, olar osınday arızdarğa zañmen belgilengen merzim işinde naqtı jauap beruge mindetti. Policiya - eşkimniñ jeke menşigi emes. Alayda, meniñ arızıma jauap joq. Tek qana byurokratiyalıq siltemelermen şekteledi. Soñğı eki jıl işinde, şamamen jiırma ret meni sebepsiz toqtattı. Jaraydı, adam tügili elektrondıq-esepteu maşinası da anda-sanda jañılıp keter, biraq, meni sebepsiz toqtatqanı - qatelik emes. Bwl – belgili bir diskriminaciyasınıñ täsiline jatadı, psihologiyalıq qısım. 

Eger men birdeñe büldirgen bolsam: «Mına azamat izdeude jürgen qılımısker», - dep nege ayıbımdı moynıma salmaydı? Kinäsiz bolsam, nege keşirim swramaydı? Almatı metrosı – jer astındağı kölik qozğalısı boyınşa eñ şağın metorpoliten. Jolauşısı da az.

Qazirgi ekonomikalıq dağdarıstıñ kezinde, byudjet şığındarın qısqartqan jön. Öz betimen ketken Almatı metrosındağı İşki ister basqarmasın tügelimen joysaq, byudjetimizdiñ eleuli böligin ünemdeymiz. Metro stanciyalarında anda-sanda qarauıl jasaytın policeylerdi audandıq basqarmalardan jiberuge tura keledi. Söytip, äsem qalamızdıñ ortalığında ornalasqan metro policeyleriniñ keremet ğimaratın balabaqşa nemese qonaq üyi sekildi tiimdi käsiporınğa beruge boladı. Al, bolaşaqta Almatı metrosı ülkeygen soñ mümkin policey basqarması kerek bolar. Äzirşe, onıñ qajettiligi şamalı. Onıñ üstine tirligi - anau. Jartı ğasırğa juıq uaqıttıñ şeginde äreñ iske qosılğan metronı almatılıqtardıñ kädesine jaratqan qala äkimi Ahmetjan Esimov mına äñgimeni estise, qareketsiz qalmas dep oylaymın.  

Daniyar NAURIZ

Almatı

 

Abai.kz

0 pikir