Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
Sayasat 6404 0 pikir 13 Säuir, 2015 sağat 17:44

QAZAQSTAN – QITAY: INTIMAQTASTIQ JOLI

«Qazirgi jäne bolaşaq jobalar Qazaqstan men Qıtay ıntımaqtastığın bekite tüsedi» dep sanaydı belgili sayasattanuşı, şığıstanuşı ğalım Konstantin Sıroejkin Künşığıstağı körşimen qarım-qatınasımız turalı oylarımen bölise otırıp. Otandıq aqparat agenttikteriniñ saualına jauap bergen Sıroejkin mırzamen bolğan äñgimeniñ wzın-ırğası tömendegidey.

- Ötken jılı Prezident «Nwrlı jol» bağdarlamasın wsındı. Qıtayda da osınday bağdarlama bar. Bastı ideyası tüsinikti. Halıqqa qanday jaña mümkindikter berui mümkin?

- Qıtayda wlttıñ qayta jañğıruın qamtamasız etetin «qıtay armanı» dep atalatın öziniñ wlttıq bağdarlaması bar. «Nwrlı jol» – köliktik infraqwrılım men qayta industriyalizaciyalau siyaqtı naqtı mindetterdiñ jüzege asırıluın qamtitın wlttıq bağdarlama. Al bwl degeniñiz – jaña öndirister, jaña jwmıs orındarı. Sondıqtan, taktikalıq twrğıda bizdiñ bağdarlamamız da, Qıtaydıñ qwjatı da köp jağdayda wqsas.

- Büginde Qazaqstan köliktik äleuetin damıtudı belsendi jürgizip keledi. Sizdiñşe, tağı qanday perspektivalı jobalardı qolğa aluğa boladı?

- Perspektivalı jobalar köp, biraq, eñ bastısı, bizge qazir ekonomikanıñ naqtı sektorı men auılşaruaşılığına köñil bölgen jön. Auılşaruaşılığı boyınşa bizde mıqtı bäsekege şıdas beretin basımdıq bar.

- Infraqwrılımdı investiciyalau Aziya bankiniñ iske qosıluınan bizdiñ el qanday payda körui mümkin?

- Banktik nesielerdi jeñildikpen alıp, bizdiñ müddemizge say keletin jobalardı jüzege asıruğa mümkindik beredi. Qazaqstannıñ osı bankti qwruşı elderdiñ biri boluınıñ özi basımdıq äkeledi.

- Jibek jolınıñ ekonomikalıq beldeui. Qazaqstan ekonomikasınıñ ösuine bwl jobanıñ ıqpalı qanday?

- Qazaqstan – geografiyası boyınşa tranzitti memleket. JJEB şeñberindegi barlıq kölik bağıttarı bizdiñ territoriyamızben ötedi. Birinşiden, Qıtaydıñ müddesin qazaqstandıq köliktik-logistikalıq infraqwrılımdı damıtu üşin paydalanuğa mümkindik. Ekinşiden, tranzittik däliz üşin aqşa. Üşinşiden, jaña jwmıs orındarı. Törtinşiden, Qıtaymen ıntımaqtastıq salaların keñeytu. JJEB arqılı tek jol qwrılısı salasında emes, ekonomikanıñ naqtı sektorında da ıntımaqtastıqtı arttıramız.

 

Abay-aqparat.

0 pikir