Jwma, 7 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
Ädebiet 6380 0 pikir 16 Säuir, 2015 sağat 13:14

ABAY MWRAJAYI: QOLÖNER TUINDILARI KÖRMESİ AŞILDI (foto)

Abay memlekettik tarihi-mädeni jäne ädebi-memorialdıq qorıq-mwrajayında 2015 jıldıñ säuir ayınıñ 15 küni №4 naşar estitin balalarğa arnalğan mektep-internatımen birlesken «Mereyli belester jäne ruhani qwndılıq» attı körmesiniñ aşılu saltanatı ötti.

Wlı aqın Abay Qwnanbaywlınıñ 170 jäne Wlı Jeñistiñ 70 jıldığına oray qala twrğındarı men qala qonaqtarınıñ nazarına №4 naşar estitin balalarğa arnalğan mektep-internatı oquşılarınıñ qolöner tuındıların wsınu, jas şeberlerdiñ jwmısın nasihattau, öskeleñ wrpaqqa ülgi etu - körmeniñ negizgi maqsatı boldı.

Mädeni şara Abay mwrajayınıñ jetekşi ğılımi qızmetkeri, QR Mädeniet qayratkeri Ibraeva Ümitqayşa Ahmetqaliqızınıñ alğı sözimen aşıldı. Barısında eki mekeme arasındağı şığarmaşılıq baylanısına, tınıs-tirşiligine toqtalıp, aldağı uaqıtta da jalğasın tabadı degen senim bildirip, №4 mektep-internat wjımın alğıs hatpen marapattadı.

№4 naşar estitin balalarğa arnalğan mektep-internatınıñ direktorınıñ tärbie isiniñ meñgeruşisi Indira Twrsınbekovna atalmış mekemeniñ auqımdı is-şaralarına, körmeniñ aşılu maqsatına toqtaldı.

Jarıssözde Semey qalasınıñ Şäkärim atındağı memlekettik universitetiniñ professorları, QR Suretşiler Odağınıñ müşeleri, QR Mädeniet qayratkeri Ötepbaev Nwrbwlan Nwğımanwlınıñ, Makarov Qwmar Eskendirwlınıñ pikirleri tıñdaldı.

Saltanattı aşılu barısında QR Mädeniet salasınıñ üzdigi, änşi Berik Omarov, Ä.Qaşaubaev atındağı filormoniyanıñ änşisi Eruova Gülşattıñ orındauında Abaydıñ «Ata-anağa köz quanış», «Özgege köñilim toyarsıñ», «Tat'yananıñ hatı» änderi aytıldı. №4 mektep-internatınıñ dombıra ansambliniñ «Bastau» küyi men «Qazaq bii»körermender nazarına wsınıldı.

Körmeni Semey qalasınıñ ziyalı qauım ökilderi, Mädeniet böliminiñ qızmetkerleri, wstazdar men bwqaralıq aqparat qwraldarı jäne №4 mektep-internat wstazdarı men oquşıları tamaşaladı. BAQ-ı ökilderine körme jöninde swhbattar berildi.

Abay qorıq-mwrajayınıñ ğılımi hatşısı S.A.MWQATAEVA

Abai.kz

0 pikir