Qazaqstandaghy Últtyq Qauipsizdik Komiytetining búrynghy tóraghasy Nartay Dýtbaevtyng ústalyp, qamaugha alynuy, tayauda ornynan taydyrylghan ministr Q. Bishimbaevtyng ýstinen tergeuding jýrip jatuy, kezinde «ekinshi Beriya» atalghan Aslan Musinning elshilikten birden zeynetke ketirilui,  zeynetkerler qorynyng basshysy R. Erdanaevtyng aqsha jep qamaugha alynuy,  t.b. sheneunikterding jii paramen ústalyp jatuy, «tirkeu» turaly zannyng ayaghynyng kýn ótken sayyn ýlken aighaygha úlasa bastauy, bireulerding ashyqtan-ashyq Astana jezókshelerin bay qytaylargha saudalamaq bolu әreketi, orta bilim beretin mektepterge zorlap engizilgen «ýsh tildilik», t.b. qoghamdaghy týitkilder qordalanyp kelip, eldi jaylaghan ekonomikalyq daghdarystyng sony ýlken sayasy daghdarysqa ainalyp bara jatuy nelikten

Osy arada basyn ashyp alatyn bir nәrse, halyqty ózderine ashyq qarsy qoyyp otyrghandardyng ózining tek biylik tarapynan bolyp otyruy - taghy da amalsyz oigha qaldyrady.

Sonda búl arandatushy biylik ókilderi ashyqtan ashyq qazirgi preziydent N. Nazarbaevqa qarsy shyghyp otyrghanday әser etedi.

Sonymen biylikting joghary eshelonynda taq talasy men baq talasy bastalyp ketken joq pa degen  kýdik qylang beredi.

Onyng ýstine dәl osy tústa  Múhtar Ábilәzovting Fransiya abaqtysynan bosap shyghyp, bizdegi sayasy jýiege ashyqtan ashyq qarsy shyghyp, kýn sayyn әrtýrli dengeydegi sayasy aqparattar  taratuy, onsyz da ishterinen әzer tynyp jýrgen halyqtar arasyna, әsirese, óz otanynda ógey balanyng kýiin keship otyrghan osy memleketti qúrushy Qazaq últynyn  arasyna ýlken bir dýrbeleng әkelmey me degen de kýdik joq emes.

Álemdik sayasy aqualdyng kýrdelenui, bizding biylikke ýnemi «әkelik qamqorlyq» jasap kelgen jәne shetel tarapynan әrtýrli ekonomikalyq sanksiyalargha úshyraghan  Reseyding ózining ekonomikalyq jaghdayynyng kýn sayyn nasharlauy, AQSh-qa san qúbylghan Tramptyng preziydent bolyp kelui, ushyghyp túrghan Siriya men Ukraina jaghdayy da týpting týbi Qazaqstandaghy sayasy aqualgha óz әserin tiygizbey qoymaytyn siyaqty ma, qalay?

Últ baylyghyn úrlaumen, tonaumen, olaryn ýnemi shetel asyrumen kelgen, shetelderdegi qaptaghan ofshorlargha jýzdegen milliardtaghan dollarlar jasyrghan naghyz qazaqstandyq elitanyng da taghdyry qyl ýstinde túrghanday әser etedi...

Endi olar qit etse, úrlaghandaryn shetel asyryp, ózderi artynan qashyp baryp, jasyryna qoyatyn qulyqtarynyng da bolashaghy senimsiz әri búldyr bolayyn degendey me, qalay?..

Júmash Kókbóri

Abai.kz