Seysenbi, 11 Tamız 2020
COVID-19 QAZAQSTANDA. Jwqtırğandar — 100164. Jazılğandar — 73702. Qaytıs bolğandar — 1269
Bilgenge marjan 3827 3 pikir 17 Naurız, 2017 sağat 14:27

«HABAR» ARNASINAN MEREKELİK ŞAŞU (FOTOREPORTAJ)

Naurız meyramı qarsañında «Habar» telearnasında «Şayhana men Toyhana» myuziklı körsetilmek. Tüsirilim jwmıstarınıñ eñ qızıqtı sätterin bizdiñ fotoreportajdan köriñizder.  

Kartina jelisi boyınşa oqiğa Şımkent qalasında bir-birine qarama-qarsı ornalasqan eki meyramhana ieleriniñ arasında bastaladı. Aşılğan künen bastap bäsekeles bolğan Qaldıbay men Hayrulla qonaqtarğa talasıp, talay qızıqqa tap boladı. Olardıñ arasındağı baqtalastıq büginde biznes emes, otbasılıq qarsılastıqqa aynalğan.

Eger Qaldıbaydıñ qızmetkerleri toyhananıñ aldın künine eki ret tazalasa, Hayrullanıñ qızmetkerleri birinşi su şaşıp, keyin aulanı tört ret sıpırıp şığadı. Hayrulla baqşasına alma ağaşın otırğızsa, Qaldıbay toyhananıñ aldına pal'ma egip bärin tañqaldırmaq. Klient kelgendegi eki jaqtıñ tartısı tipti qızıq. Olardıñ ärqaysısı qonaqtı öz meyramhanasına kirgizu üşin «soğısuğa» dayın. Qaldıbay balday qımız ben quırdaq wsınsa, Hayrulla «jaña pisken palaudıñ til üyirer dämine jeter eşnärse joq» deydi. Eki körşiniñ bwl äreketteri kündelikti qaytalana bergendikten, qızmetkerler ğana emes, qonaqtar da bwğan üyrengendey. 

Olardıñ arasındağı kikiljiñ şegine jetken twsta, Hayrulla men Qaldıbaydıñ bauırları birin-biri wnatatındığı anıqtaladı. Eki ğaşıqtıñ mahabbatı jaulasqan körşilerdiñ jürekterin jibite alar ma eken,  bwl «soğıstıñ» soñı wlan asır toymen ayaqtaladı ma älde toydıñ da şırqı bwzılar ma, mwnı 22 naurız küni köresizder.

- Jıldağı dästür boyınşa «Habar» telearnası Naurız merekesine oray körermenderine köptegen sıy äzirleude. Solardıñ biri «Şayhana men Toyhana» myuziklı. Jobanıñ bastı erekşeligi elimizdiñ ontüstigine barıp tüsirgendigimiz. Özderiñiz biletindey ol aymaqqa köktem erte keledi, kün jılı, aua-rayı qolaylı boldı. Osı bir myuzikl arqılı oñtüstik halqınıñ naurızdı qalay toylaytının, salt-dästürlerimizdi, sonday-aq osınau eski meyramnıñ tüpki maqsatı – birlik, dostıq pen tatulıq ekenin körsetkimiz keldi», - deydi joba jetekşisi Isqaq Düysembaywlı. 

Teatrlandırılğan qoyılımda Almat Saqatov, Janatbek Baytekenov, Jwldızay Düysenbieva, Äygerim Qalaubaeva, Jiger Auıpbaev, Jwldız Ömirğali sındı tanımal öner ieleri bastı rölderdi somdaydı.

Abai.kz

3 pikir