Düysenbi, 6 Säuir 2020
COVID-19 QAZAQSTANDA. Jwqtırğandar — 584. Jazılğandar — 44. Qaytıs bolğandar — 6
Bw ne mazaq? 3118 0 pikir 20 Naurız, 2017 sağat 15:57

TIESİLİ ZEYNETAQIMDI ALMAYINŞA – ÖLMEYMİN...

Eldegi keleñsiz jağdaylardıñ betin aşıp, ädilettiliktiñ jolın swrap, prezident Nwrswltan Nazarbaevqa 1989 jıldan beri 42 hat jazıp, endigi 43-hattı bireulerge jazdırıp otırğan – 95 jasqa ayaq basqan qart, mügedek äje dep biliñizder.

Eñbek kitapşama jazılğan mälimetter boyınşa, 41 jıl eñbek etippin, kadr bölimi qızmetkerleriniñ salaqtığınan tört-bes jıldıq eñbekaqım jazılmay qalıptı. Ötken ğasırdıñ 60-jıldarı Oñtüstik Qazaqstan Ölkelik oqu böliminde qızmette jürip, kölik apatına wşıradım. Täşkent, Şımkent qalalarındağı auruhanalarda aylap jatıp, 1962 jılı ekinşi toptağı eñbek mügedegi boldım. Zeynetaqımdı dwrıs alıp otırmın. Meniñ köterip otırğan mäselem – «VTEK» tekseru qwjattarı boyınşa, közimniñ körmeuine baylanıstı, II sanattağı eñbek mügedegine tölenetin qosımşa aqını zañdı türde qwptalğan zeynetaqımen birge töleu tärtibine qatıstı ädiletsizdik. Sondağı közimniñ körmeuine baylanıstı eñbekke jaramsızdığıma belgilengen qosımşa tölem – 1162 teñge. Joğarıda otırğan basşılar sol zañdı aqımnıñ tölenuin orındatuğa nege älsiz? Osı jağdaydı tekserip, ädilettilikti ornatuı tiis organdar meniñ hatımnıñ basındağı «95 jastağı mügedek» degen sözdi oqidı da, «alji bastağan, demek, oğan zeynetaqısın köbeytu ne kerek» deydi de, ükimettiñ zeynetkerlerge şığarğan qaulı-qararların tizbektep, paraq-paraq hat jazadı da, oğan qanağattanbağan jağdayda «sotqa jüginiñiz» degen jattandı jauappen ayaqtaydı.

Zañgerler men tekseruşi mırzanıñ da sauatı naşar ekenin 95-tegi «aljığan äje» bılayşa tüsindirgenin ayıp etpessizder: Prezident äkimşiligi, ükimet basşıları, Bas prokuratura meniñ joldağan arızıma bergen jauabın Şımkenttegi oblıstıq äleumettik qamsızdandıru departamentine jiberip otırdı. Eñbek ministriniñ orınbasarı bolğan V.Romanov pen oblıstıq eñbekti qorğau basqarmasınıñ bastığı E. Mahatovtıñ, OQO boyınşa departamenttiñ bwrınğı basşıları B.Sızdıqov jäne V. Daronin mırzalardıñ memleket qaulısına süyenip, tekseru komissiyasın qwrıp, onıñ qorıtındısın jäne «mindetti türde tölenu kerek» dep qoltañba soqqan jauabı da küni büginge deyin orındalğan joq. Otız jılğa juıq uaqıtta ädildikke qol jetkizuge zarığudamın. Meniñ swrap otırğanım – mañday terim men taban aqım emes pe?

Tekserudiñ qorıtındısınıñ zañdı qwjattarı boyınşa, 32 000 teñge alıp jürsem, ötken jılı OQO Eñbekti qorğau departamenti «qatelesip, sizge artıq aqşa töleppiz, endi jüz mıñdı qaytarıp alamız, äzirşe pensiyañızdı jibermeymiz» dep, bas buhgalter qoñırau şaldı. Osınday swmdıqqa ne deuge boladı? Zañda osınday öreskeldik bar ma? Men eşkimge de artıq aqşa töle dep ötiniş jazğan joqpın ğoy.

Prokuror mırzalar, tekserudiñ zañdı türi bılayşa boladı: eki jaqtı mekemeniñ vedomostarın salıstıru arqılı tekseru jasaydı. Mine, osı jolmen tekserseñizder, eki düniede de qatelespeysizder. Ötken jılı OQO Eñbekti qorğau departamentinde mağan aqşa audarıp jürgen kassir är ay sayın tiesili aqşanı jiberedi. Jönin swrasam, «men qatelesippin» deydi. Al qatesin tüzetip, qaytadan meniñ aqımdı jinaqtap tölemeydi. Tipti «Qazpoşta» basşılarınıñ biri bolğan Sıyırbaevtıñ özi «keşirim swrap», hat jiberdi. Ol da ötkinşi ğana jauap bolıp şıqtı.

Jağday bäribir bayağışa bolıp jalğasa berdi. Men de lajsız büginge deyin şıdaudamın. Bas prokurordan kelgen hatta OQO äkimşiligindegi qwjattar arhivte saqtalmağandıqtan, mälimet tolıq bolmadı dep jazıptı. Sol qwjattardıñ mendegi tüpnwsqası dälel emes pe? Nege qaperge almadı? Demek, tekserudiñ mäni-mağınası joq ekendigin tüsindim. Men onday arhivterdi tekser dep ötingem joq, tek qana 1989 jılğı «VTEK»-tiñ zañdı qwjatı boyınşa tölem aqımdı talap etudemin ğoy. Ükimettiñ şığarğan qaulısın tömendegiler tüsinbeytin kezeñge tap boldıq. Qaulını sotqa joldap, zeynetaqığa qosımşa tölemdi daulau kerek degen sauatsızdıqqa jol berip, prezident qol qoyğan, parlament maqwldağan qaulı sotta qaralmaytının bilmeytin sauatsızdarğa ne deuge boladı?

Prezidenttiñ halıqtan keletin mıñdağan hattardı oquğa uaqıtı az ekendigin men jaqsı bilemin. Men eki diplomnıñ iesimin, sauattımın da, özgelerge de şamalı bolsa da, sabaq bolsınşı dep, äri prezidenttiñ qwlağına jetsin degen ümitpen endi «DAT» arqılı hat joldap otırmın.

Otbasımda 5 adam bir künde kölik apatınan qaytıs boldı. Olardı jalğız özim jerledim. Mağan qaraytın jalğız qızım Vasiliya bes qappen kelgen ölikterdi körip, äsirese kelinim Ğaliyanıñ bası bölek qaptan wşıp tüskende, jındanıp ketip, qazir psihdispanserde jatır. Mağan qaraytın adam joq.

Osı hattan keyin de jalğız ötinişim: prezident Nazarbaev zeynetaqıma qosımşa «közi körmeytini üşin» degen 1989 jıldan bergi aqımdı tügel tölemey otırğandardı tärtipke şaqırıp, ötinişimdi qanağattandıradı degen oydamın.

Olay bolmağan künde meniñ hatıma jauap ta jazbañızdar, men bügingi lauazımdı basşılardan zañdılıq şeşim kütpeymin. Basqaşa jauaptarıñızdı oqığım kelmeydi! Men 95-ke kelsem de, tiesili aqımdı almayınşa ölmeymin.

Dämen ÜSEMBEKOVA, qart äje

Almatı qalası

«Obşestvennaya poziciya»

(proekt «DAT» №10-11 (375) ot 16 marta 2017 g. 

0 pikir