Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Käsip-tübi näsip 4779 0 pikir 16 Qaraşa, 2016 sağat 11:18

QAZAQSTAN FOTOGRAF KÖZİMEN

«Qazaqstanğa süyispenşilikpen» fotobayqauınıñ qorıtındısı şıqtı, - dep habarlaydı Abay-aqparat.

Bayqauğa 98 qatısuşıdan 655 fotojwmıs kelip tüsken.  Qatısuşılar arasında käsibi fotograftar da, äuesqoy fotograftar da bar.  Ädil qazılar qwramına wyımdastıruşıdan 1 adam, bas demeuşi 1 adam, fotobayqau demeuşisi 1 adam, Atameken Business Channel 1 adam jäne olardıñ qatarına tağı eki käsibi fotograf qosılıp, jeñimpazdardı anıqtadı.

Odan bölek, qazılar alqası iriktegen 100 üzdik foto «Körermen közayımı» atalımına qatıstırıldı.  Osı atalımnıñ jeñimpazına «Balqaş» emdeu-sauıqtıru keşeninde demaluğa, 2 adamğa arnalğan 7 kündik joldama berildi. Jeñimpaz «Atameken» Wlttıq käsipkerler palatasınıñ Facebook äleumettik jelisindegi resmi paraqşasında (#MenQazaqstandıjaqsıköremin birıñğay heştegi ayasında) 2016 jılğı 11 qazan men 11 qaraşa aralığında ötkizilgen aşıq dauıs beru nätijesinde anıqtaldı.

Jeñimpazdardıñ biri – «Almaty region field» jwmısın wsınğan Aleksandr Vlasyuk.

Aleksandr Vlasyuk Almatı qalasınıñ twrğını.  Suretke tüsiruge bala kezinen qwştar, al käsibi türde bwl ispen 2006 jıldan bastap aynalısıp keledi.  Fototüsirilimniñ barlıq janrların: tabiğat körinisi, portret (sonıñ işinde balalardıñ portreti), säulet, natyurmort, inter'er, reportajdı tüsirilim, studiyalıq portfolio qamtidı dese boladı. Aleksandr fotobayqaudı wyımdastıruşılar wsınğan sıylıqtı jeñip aldı, yağni Qazaqstan Respublikası Prezidenti İs basqarması oğan «Almatı Resort» medicinalıq ortalığınıñ şipajayına 2 adamğa arnalğan 7 kündik demalıs joldamasın berdi.

Fotobayqaudıñ kelesi jeñimpazı – Il'ya Afanas'ev.

Il'ya Almatı qalasınıñ käsibi fotografı.  2015 jılı Nikon Ambassador Kazakhstan märtebesine ie bolğan. Qazaqstannıñ käsibi fotograftarı qauımdastığınıñ müşesi, «Vıstrelı v golovu», «ProLog» jobalarınıñ avtorı, «Altın ob'ektiv – 2015», «Altın ob'ektiv – 2014», «Köktemgi Qazaqstan – 2013» fotobayqaularınıñ jeñimpazı.

Il'yanıñ jwmıstarında Orta Aziya men Qazaqstannıñ tañğajayıp tabiğatı beynelengen. Il'yanıñ impressionizm qağidasına negizdelgen  «Bozjıra şatqalı» attı jwmısında da swlu tabiğat körinis bergen. Il'yağa fotobayqaudıñ bas demeuşisi – SCAT äuekompaniyası Almatı-Sian'-Almatı bağıtı boyınşa eki adamğa arnalğan wşu joldamasın tartu etti.

 

Fotobayqaudıñ üşinşi jeñimpazı – Gülnar Añsağanova.

Qostanay qalasınıñ tuması bayqauda «Balalıq şaq» jwmısı arqılı jeñimpaz atandı. Ol L.N. Gumilev atındağı Euraziya wlttıq universiteti jurnalistika fakul'tetiniñ 4 kurs studenti.   Gülnar – äuesqoy fotograf. Altı jıl bwrın äkesi alğaşqı fotoapparatın sıylağannan beri suretke tüsirumen äuestenip keledi. Fotografiya salasınıñ barlıq janrları oğan jat bolmağanımen, bärinen de adamdardı suretke tüsirgendi qwp köredi eken.

Facebook äleumettik jelisindegi «Atameken» WKP-nıñ resmi akkauntınıñ paraqşasında "  (#MenQazaqstandıjaqsıköremin birıñğay heştegi ayasında) 2016 jılğı 11 qazannan 11 qaraşağa deyingi aralıqta jürgizilgen aşıq dauıs beru qorıtındısı boyınşa «Piligrims» jwmısımen Elena Çuykova jeñimpaz atandı (217 dauıs jinağan).

Elena Qazaqstannıñ tuması bolğanımen (Öskemen qalası), Riga qalasında (Latviya) twradı.  Ol käsibi fotograf, Balalar jäne otbasılıq fotograftar qauımdastığınıñ müşesi.  Elenanıñ baspasöz-qızmetinde fotograf retinde jwmıs istegen täjiribesi bar. Büginde ol otbasılıq fotografiyanıñ jaña bağıtı – zamanaui «layfstayl» stilinde jwmıs isteydi. Ömirlik mäni bar jayttardı zerttegendi, suretke tüsirgendi wnatadı.

«Körermen közayımı» atalımında jeñiske jetken Elenağa fotobayqaudıñ demeuşisi – Qazaqstan Respublikası Prezidenti İs basqarmasınıñ medicinalıq ortalığı «Balqaş» emdeu-sauıqtıru keşenine 2 adamğa arnalğan 7 kündik demalıs joldamasın tartu etti.

Abay-aqparat

 

 

0 pikir