Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
5812 0 pikir 2 Jeltoqsan, 2016 sağat 10:28

NAMAZHANALARDIÑ JABILUI - TÄUELSİZDİKTİÑ 25 JILDIĞINA TARTU MA?

Astana äuejayındamın. Namaz oquğa arnalğan bölmeni jauıp tastağalı namazdı uaqıtında oqu uayım boldı. Arı-beri qarap ıñğaylı orın tappağan soñ bwrıştağı baspaldaqtıñ şatırğa şığatın twsına barıp, jaynamazdı jayıp, sonda oqıdım.

Därethanada bir şeteldik ayağın juıp jatır. Ondağı jwrt onıñ bwl äreketin tüsine almay, jaqtırmağan keyip tanıtuda. Namazın äy şayğa qaramay bos orınğa barıp oqi saldı. Keşe Hanşatır sauda üyindegi namazhananıñ esiginde qara qwlıp twrğanın körgenmin. Bwl ne sonda?

Täuelsizdigimizdiñ 25 jıldığına arnalğan tartuı ma? Joq, keñes kezeñine keri keldik pe? Joq älde ekstrimizmmen kürestiñ türi me? Älemniñ kez-kelgen äuejayında (Amerika, Europanı da qosıñız) namaz oquğa arnayı orın bölingen. İşinde däret aluğa barınşa jağday jasalğan. Jaraydı namaz oqitın el azamattarımızdı eskermey, qwqıqtarın taptay bersin! Biraq biz örkenietti elmiz. Äne-mine 30 eldiñ qatarına qosılamız dep wrandatıp jatırmız. Älemniñ barlıq elderimen tığız qarım qatınastamız. Islam ınımaqtastıq wyımına törağalıq ettik. Elbası wmrası men qajılığın ötep qaytı. Jwrt bizdi mwsılman eli dep biledi. Söyte twra kelgen şeteldikterdiñ ayaqtarın qoğamdıq därethanada judırıp, namazdarın ayaq astı bolatın jerde oqıtıp qoyğanımız qalay? Namaz oqitın adam äyteuri bir jolın tauıp, Alla mindettegen parızın oqidı. Biraq qay jerde?

Beybereketsizdikke öz qolımızben itermelemey, öz elimizdiñ qadirin tüsirmey namazhana aşuğa ne kedergi?! Aşuğa emes, bar namazhananı jabuğa ne sebep? Ekstremizmnen saqtanu ma? Namazhananıñ bwrışına "bwl jerde uağız aytuğa bolmaydı" desek, jetkilikti emes pe? Kimmen söylessem, barlığı biliktiñ bwl şeşimine narazı. Mwsılmandardı bilikke narazı köñilge itermeleytin mwnday isterge kim jauaptı? Joq älde "Käpir bilik" deytin takfirilerge öz qolımızben dälel dayındap berip jatırmız ba? Olay bolsa, täkfirilermen küresip, bosqa şabılıp qaytemiz?! Ötkende ministr Nwrlan Ermekbaev mırzamen kezdeskenimde, osı jağdaydı jetkizgenmin. Feysbukta jekke akkauntın aşıp, qoğamnıñ pikirin tıñdaymın degen soñ, tağı da jamağattıñ ünin jetkizip otırmın.

Qayrat Joldıbay

Abai.kz

0 pikir