Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4746. Qaytıs bolğandar — 37
2216 0 pikir 22 Jeltoqsan, 2016 sağat 18:12

Ahmetjan Esimov: «EKSPO-2017» körmesi dağdarısqa qarsı bağdarlama retinde jwmıs istedi

«EKSPO-2017» halıqaralıq körmesiniñ qwrılısına 50 mıñnan astam jwmısşı tartılğan. Qwrılısqa 322 otandıq tauar öndiruşiniñ önimi paydalanıldı. Jalpı joba dağdarısqa qarsı bağdarlamalardıñ biri retinde jwmıs istegen. Bwl turalı «Astana EKSPO-2017» WK» AQ Basqarma törağası Ahmetjan Esimov mälimdedi. Bwl turalı «Baq.kz» saytı habarlaydı. 

«EKSPO-2017» halıqaralıq körmesi jobası dağdarısqa qarsı bağdarlama retinde jwmıs istedi. Biz barlıq öñirdegi otandıq tauar öndiruşilermen tığız baylanıs ornattıq. Nätijesinde 322 otandıq tauar öndiruşimen 48,9 mlrd teñge köleminde memorandumğa qol qoydıq. Osılayşa, 50 mıñ azamattı jwmıspen qamtıdıq. Qırküyek jäne qazan aylarında qwrılıs alañdarında 14 mıñnan astam jwmısşı eñbek etti. Qazirgi tañda qwrılıs jwmısınıñ ayaqtalıp jatqandığına baylanıstı 7 500 qwrılısşı jwmıs isteude», - dedi ol.

Sonımen qatar, Ahmetjan Esimov atalmış joba ayasında 1 mln şarşı metr köleminde ğimarattar salınğandığın atap ötti.

«Biz «EKSPO-2017» körmesiniñ qonaqtarına arnalğan twrğın üylerdiñ qwrılısın bitirdik. 324 päterdi paydalanuğa berdik. 1374 päterge şeteldik qonaqtardan ötiniş tüsti. Olarğa bwl orındar tegin berilmeydi. Şeteldik qonaqtar jal aqısın töleytin boladı. Bwdan basqa investorlar salıp jatqan 4 400 päter esebinen elordada twrğın üy qorınıñ kölemi wlğayadı. Biz 1 mln şarşı mert bolatın ğimarattar saldıq. Mwnıñ barlığı 74 gektar aumaqtı alıp jatır», - dedi basşı.

Söz soñında törağa halıqaralıq jobağa investiciyalıq jäne demeuşilerdiñ qarjısı tartılğandığın mälimdedi.

«EKSPO-2017» halıqaralıq körmesine demeuşilerdiñ esebinen 126 mln euro qarjı tarttıq. Sonday-aq, jobağa 211 mlrd teñge köleminde investiciyalıq qarjı bölindi», - dep tüyindedi sözin A.Esimov.

Abai.kz

0 pikir