Seysenbi, 11 Tamız 2020
COVID-19 QAZAQSTANDA. Jwqtırğandar — 100164. Jazılğandar — 73702. Qaytıs bolğandar — 1269
Ekonomika 1978 0 pikir 1 Qazan, 2016 sağat 00:00

Almatı men ŞQO aymaqaralıq ıntımaqtastıqtı nığaytadı

Almatıda öñiraralıq kooperaciyanı nığaytu masqatında megapolis investorları men käsipkerleri Şığıs Qazaqstan oblısınıñ äkimi Danial Ahmetov bastağan delegaciyamen kezdesti.

Şara barısında Almatı äkimi Bauırjan Baybek megapoliste otandıq öndiruşiler men azıq- tülik qauipsizdigine erekşe män beriletinin jetkizdi. Bwl Memleket basşısı alğa qoyğan mindet ekendigin, onı özara birlesip jüzege asırudıñ bereri moldığın da atap ötti.

«Biz elimizdiñ segiz oblısımen baylanıs ornattıq, kezdesuler nätijesinde Almatı qalasına önimdi tikeley jetkizu boyınşa 30 kelisimge qol qoyıldı. Almatı – önim ötkizudiñ bastı narığı, soñğı bes jıl işinde qala twrğınınıñ qatarı 20%-ğa ösip, 1,7 mln. adamnan astı, tayaudağı 15 jıl işinde 46%-ğa jetedi dep kütilude. Jıl işinde 1 trln teñge türatın azıq- tülik qoldanıladı, onıñ 300 mlrdı – import. Äleuetimiz ülken » , - dedi B.Baybek.

Almatı äkimi äkimşilik kedergilerdi joya otırıp, agrokeşen salasında baylanıs kölemin arttıru qajettigin ayttı.

« Qala importınıñ qwrılımına taldau jürgizu barısında mol kölemde importtalatın 86 sauda tobı anıqtaldı. Mısalı, irimşikter men qws etteriniñ teñ jartısı, şwjıq jäne sarı may önimderiniñ 40% -dan astamı importtaladı eken. Bizdiñ mindetimiz olardıñ ornın özimizidiñ sapalı otandıq önimdermen toltıru»  , - dedi B.Baybek.

Atap öterlik jayt, biılğı jıldıñ mamır ayında almatılıq sauda orındarına ŞQO-nıñ önimderi tüsken bolatın. Şeberlik sınıptarı ötkizilip, bügingi küni ŞQO qalağa önimniñ 100 türin jetkizude. Eki jaq ta özara kelise otırıp, importtıq önimdi almastıratın tauar şığarudı arttırmaqşı.

ŞQO-nıñ äkimi Danial Ahmetov öñirdiñ industrialdı quatı men agrarlıq potencialınıñ joğarı ekendigin ayttı. Tayaudağı 15 jıl işinde öñirdiñ investiciyalıq tartımdı äri damığan aymaqqa aynalatındığın atap ötti.

«Biz süt önimderin köp öndiremiz, mal şaruaşılığı salası jaqsı damığan, öñirde qws etin öndiru jobası jüzege asuda. Biz investorlarğa qajetti önim öndiru üşin 90 000 gektar suarmalı jer wsına alamız»,  - dedi D.Ahmetov.

Kezdeusge qatısqanda ŞQO är öñirinen jetkizilgen 50 tonna baldıñ dämin tatıp, «MagnumCash&Carry» gipermarketiniñ assortimentimen tanıstı.

abai.kz

0 pikir