Seysenbi, 11 Tamız 2020
COVID-19 QAZAQSTANDA. Jwqtırğandar — 100164. Jazılğandar — 73702. Qaytıs bolğandar — 1269
Qarbalas 2395 0 pikir 1 Qazan, 2016 sağat 00:00

HH ğasırdıñ bası. Tarihqa jañaşa közqaras

Qazaq wlt-azattıq qozğa­lısınıñ jetekşisi, Alaş­orda avtonomiyalıq ükime­tiniñ törağası  Älihan Bökey­hanovtıñ 150 jıldığın YUNESKO köleminde atap ötu şa­ralarınıñ ayasında Abay atın­dağı Qazaq wlttıq pedagogi­kalıq univer­siteti men Qa­zaqstan tarih­şı­ları qauım­dastığı­nıñ wyımdastıruı­men «Eura­ziyanıñ türki jäne mwsılman halıqtarınıñ sayasi köş­bas­şıları: twlğalar, ideyalar, tağdırlar. HH ğasırdıñ bası» attı halıqaralıq ğı­lımi-täjiribelik konferenciya ötti, - dep jazadı Egemen Qazaqstan gazetiniñ tilşisi.

Jiında qazaqtıñ azattığı jolında ter tögip, egemendik üşin eñbek siñirgen, alğaşqı wlttıq ideologiyanıñ negizin qalağan qayratkerdiñ sayasi kelbeti turalı belgili tarihşılar bayandama jasap, Alaş ideyasın biik wstaytın ta­nımal twlğalar söz aldı.

Konferenciya qatısu­şı­ları Ä.Bökeyhanovtıñ wlt tari­hındağı ornın, qoğam qayratkeri, Wlt-azattıq qoz­­ğa­­lısınıñ jetekşisi re­tin­­degi qızmetin bügingi köz­qaras jäne metodologiyalıq ws­­ta­­nım twrğısınan qorıtu mäse­­­lelerin talqıladı. Tarih ğılı­mınıñ doktorı, profes­sor M.Qoygeldiev barlıq wlt­şıl­dardıñ köşbasşısı bol­ğan qayratkerdiñ qazaq wltına qajet reforma üşin küresi turalı ayta kelip, qazaq wlttıq ideyasınıñ maqsatına jete al­mau sebebi men Alaş qozğa­lısınıñ jeñilu sebep­teri­ne toqtalsa, «Egemen Qazaq­stan» respublikalıq gazeti» AQ Basqarma törağası, profes­sor Darhan Qıdıräli Äli­han Bökeyhanovtıñ türki ha­lıq­tarımen baylanısı jäne türki älemi ideyasınıñ twtas­tığı turalı äñgime­ledi. Wlttıq bolmıstı joyu­ğa wm­tılğan sayasi jüyeniñ mädeni mwramızdı talqandau maq­satımen twtas wlttı qayrat­ker­lerinen, iskerlerinen, ruhani jetekşilerinen, bilimdi­leri­nen ayırğan ozbır sayasatına qayratker twlğanıñ qar­sı­lığı Memlekettik qızmet salasındağı Astana Öñir­lik ha­bınıñ basqaruşı ko­m­i­teti töra­ğası Älihan Bay­me­novtiñ oyımen tarqatıldı.

Al Qorğanıs ministr­liginiñ Äskeri-tarihi muzeyi­niñ ğılımi qızmetkeri, saya­sattanuşı Berik Äbdiğali «Ä.Bökeyhanov pen Alaş äskeri» mäselesin söz ete twrıp, Alaş ideyasınıñ jeñi­lis tabuınıñ tağı bir sebebin birneşe ret ündeu jasalsa da, müddeles odaqtastıñ, qara­jat pen mamannıñ bolmauınan atoy sala almağan Alaş ükimetiniñ äskerimen baylanıs­tırıp, köpşilikke beymälim bolıp kelgen alaşordanıñ äskeri jaylı mwrağattardan tabılğan tıñ derektermen bölisti.

Professor Köşim Esma­ğan­betov qayratkerdiñ ğılı­mi mwraların söz etip,  jaña­dan tabılğan 40-qa juıq eñbe­giniñ köptomdıq jinaqqa enbey qaluına qınjılıs tanıt­tı. J.Balasağwn atın­dağı Qırğız wlttıq univer­si­tetiniñ professorı Asqarbek Bedelbaev pen Işanalı Ara­baev atındağı Qırğız memle­kettik universitetiniñ docenti Jwmağwl Baydildeev Älihan Bökeyhanovtıñ qırğız ziyalılarımen baylanısın tarihi derektermen sabaqtastıra otırıp äñgimeledi.

Konferenciyanıñ ekinşi bölimi Alaşqa ayanbay qızmet etip kele jatqan abıroylı ğalım, älihantanu isine zor eñbek siñirgen professor Mämbet Qoygeldievtiñ 70 jıl­dıq mereytoyına arnalıp, aytulı ğalımnıñ ğılı­mi qızmeti men azamattıq kel­­betine bağa bergen qwttıq­taular joldandı.

Aygül Ahanbayqızı

0 pikir