Ótken júmada Elbasy «Astana EKSPO-2017» últtyq kompaniyasy» AQ basqarmasynyng tóraghasy Ahmetjan Esimovti qabyldady, - dep habarlaydy Aqordanyng resmy sayty.

Endigi jyly Elordada ótui tiyis Halyqaralyq kórmening qúrylysyn úiymdastyru júmystary jóninde tәptishtep túryp aityp bergen Ahmetjan Esimov myrza qúrylys júmystaryn biyl ayaqtaugha uәde berdi.

Sóitip biylghy jyldyng ayaghyna deyin qúrylysy tap túinaqtay bolatyn kórmening paviliondary qazan aiynda qoldanysqa úsynylmaq. Jospar boyynsha, paviliondar – halyqaralyq qatysushylargha, al túrghyn-ýiler delegasiya mýshelerine beriledi eken.

Delegasiya demekshi, belgili, belgisiz sebeptermen ótui-ótpeui ekitalay bolghan kórmege 103 el men 17 halyqaralyq úiym qatysugha ótinish bildirgen. Olardyng 82-si kelisimshartqa qol qoyyp, naqty qatysatynyn rastaghan.

Aytpaqshy, Astanada ótetin Halyqaralyq EKSPO-2017 kórmesi kezinde taghy 61 memleket ózderining Últtyq kýnderin atap ótkizu ýshin kýnderdi belgilip, tipti ózara bólisip te ýlgeripti.

Sóitip, bir kezderi budjeti talan-tarajgha týsken «Astana EKSPO-2017» kórmesining tizginin ústaghan eks-әkim Ahmetjan Esimov osylay dedi.

Esimovke deyingi tórt jylda júmysy bir ilgeri baspaghan EKSPO-nyng qúrylysy biyl-aq bituge jaqyn ekendigi mәlim boldy. Sonymen qatar, Halyqaralyq kórmening qúrylys júmystaryna elimizding 296 kompaniyasy atsalysqan eken. Astanada jәne basqa da aimaqtarda qúrylysqa tikeley nemese janama týrde 46 myng adam júmyspen qamtylghany da ras. Esep bergen Esimovting sózderine sýiensek, ýptep ketken qarjydan qalghanyna qatyryp salghan qalashyq qazan aiynda qatysushylargha berile bastaydy. Aytpaqshy, osy joly qúrylystan 131 milliard tenge taghy ýnemdep qalghan. Búl búl ma, aldaghy uaqytta ýnemdelgen qarjy kólemi taghy ósui mýmkin eken.

Ras, Ermegiyaev isinen keyin Elordada ótetin kórmening keleshegi búlynghyr tartqan edi. «Búl kórme el budjeti ýshin qyp-qyzyl shyghyn әkeledi» dep boljaghan sarapshylardy da, kadrlarynyng qymqyryp-jymqyryp ketkenine qynjylghan Elbasyn da sendire bilgen Esimovting esebi osy boldy. Sonymen Esimov Elbasynyng aldynda «qaharman» obrazyn oinap, ensesi tik shyqty.

Endi taldap kóreyikshi, eger Esimov aitqanday qúrylys júmystarynan ýnemdelgen 131 milliard (búl uaqytsha ghana esep) tenge budjetke qaytarylghany ras bolsa, «Astana EKSPO-2017» AQ basqarmasy eski Ýkimetten jalynyp-jalpayyp, qazaqstandyqtardyng zeynetaqy qorynan 15 milliard tengeni ne ýshin súrap otyr? Qordan bólinetin qarjynyng naqty qanday maqsatqa júmsalatyny da aitylghan edi?! EKSPO-2017 aumaghynda qúrylys nysandaryna, naqtylap aitsaq, kórme territoriyasynda salynyp jatqan «MEGA» sauda ortalyghynyng qúrylysyna... Eger EKSPO qarjygha múqtaj bolmasa, Smaghúlovtyng sauda ortalyghyn salu ýshin qazaqstandyqtardyng zeynetaqy qorynan 15 milliard tengeni nege bólgizdi? Kim? Esimov Elbasyna ótirik esep bergen be degen kýdikti oidyng tuatyny da ras.

Qalay bolghanda da «afera» jasaldy. Ázirge týsiniksiz jayttar kóp-aq. 

Núrgeldi Ábdighaniyúly

Abai.kz