Düysenbi, 1 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5404. Qaytıs bolğandar — 41
Bw ne mazaq? 3215 0 pikir 13 Qazan, 2016 sağat 10:31

JAMANQWLOV ÄRİPTESTERİNE NEGE JAQPAY QALDI?

Mädeniet jäne sport ministri Arıstanbek Mwhamädiwlınıñ basınan dau arılmay keledi... Sonau bir jıldarı marqwm Rahat Äliev salğan lañ kezinde Arıstanbek mırza Äliev degen familiyasın Mwhamediwlı dep özgertken edi. Sodan beri talay eldiñ nazarına tüsip, türli dau-şarğa iligip, eldiñ külkisine qalıp keledi. Twzı jeñil adam ba dep qalasız... Endi mine, kezekti dauğa kilikti te ketti. «Bwl än bwrınğı ännen özgerek» bolıp şıqtı.

Aktrisa jäne Arıstanbek

Äneugüni ayaq astınan Eñlik Sıdıqova attı aktrisa video jazba taratıp, onda Arıstanbek Mwhamädiwlı T.Jürgenov atındağı Öner akademiyasına tüser kezde özin rektor basımen oynap-küluge şaqırğanın (jınıstıq qatınasqa tartıp, bopsalau) jalpaq jwrtqa jariya etti. Sol-aq eken, bwl äñgime el işine lezde taralıp, qauğa tigen örttey lapıldap, jalındap şığa keldi. Äleumettik jelide jeldey esken jañalıqtı köp adam bölisip, pikir ayttı. Eñliktiñ ministr mırzağa qarata jariya etken video mälimdemesi şıqqan küni keşke akter, teatr qayratkerleri odağınıñ törağası Twñğışbay Jamanqwlovtıñ da video swhbatı jarq ete qaldı. Qalıñ qazaqtıñ köñilinde qazaq handarınıñ, Oraz mergenniñ, Qwnanbaydıñ beynesi retinde ornıqqan ataqtı akter videoda Eñliktiñ aytqanınıñ janı bar ekenin äri Mwhammediwlı rektor bolıp twrğan twstağı basqada qiğaş isterge barğanın ayttı. Söytip, dau ülkeyip, uşığa tüsti. Jelide är jaqtı özinşe qorğaştap baqqan adamdardıñ qarası da molaya tüsti.

Jamanqwlov äriptesterine nege jaqpay qaldı?

Jwrt endi ne bolar eken dep eleñdep otırğanda ertesinde kütpegen jerden teatr qayratkerleriniñ kezekten tıs s'ezdi ötetini mälim boldı. Äuezov teatrında ötken jinalısqa Qazaqstandağı qazaq, orıs, wyğır jäne basqa teatrlardıñ basşıları, ataqtı teatr jäne kino akterleri qatıstı.

Jinalıs bastalğan boyda tağı dau şıqtı. S'ezdiñ ötuine qarsılar joq pa degen dauıs şığısımen-aq, bir künde wyımdastırılğan s'ezdge kelip qalğandarın endi bilgen akterler añ-tañ küyge tüsti de tez esterin jiıp, «Qaydağı s'ezd, bwlarıñ ne? Jinalıs dep kelsek, s'ezdi nesi tağı?» desip şulastı. Minbege N.Sac atındağı teatr direktorı Nadejda Gorobec şığıp, s'ezdiñ ötuine odaq müşeleriniñ besten biri qoldau bildirgenin, jergilikti teatrlarğa habarlağanın, yağni, zañdı ekenin aytıp edi, oğan da bolmadı. Aqırı, minbege teatr qayratkerleri odağınıñ törağası Twñğışbay Jamanqwlov şığıp, odaq jarğısı boyınşa s'ezd ötkizudi plenum şeşetinin äri s'ezd bes jılda bir ret ötetinin jäne plenum s'ezd ötkizu turalı şeşim qabıldasa, onda ol eki ay bwrın habarlanatını, s'ezdge är aymaqtağı teatrdan ökilder qatısuı tiis ekenin aytıp, jarğını körsetti. Twñğışbaydıñ sözinen keyin bwl ne jinalıs degen swraq tipti qoyulana tüsti.

Ministrdiñ abıroyı Mäñgilik elden qımbat pa?

Akterler endi qayter eken dep işten tınıp otırğanda käris teatrınıñ direktorı Lyubov' Ni şığıp, jinaludağı maqsat Prezident N.Nazarbaevtıñ Mäñgilik el ideyası jäne bes institucionaldıq reformasın öner adamdarına tüsindiru ekenin ayta kelip, dayındağan bayandamasın oqıdı. Alayda, Mäñgilik el jayına qalıp, minbege şıqqan är adam Twñğışbay Jamanqwlovtıñ ministr Arıstanbek Mwhamediwlına qarata aytqan videodağı äñgimesine tolıq oyıstı. Jañağı Lyubov' Ni hanım "ministrge bwlay deu tikeley Prezidentke barıp tiedi. Sebebi, Ükimettiñ, onıñ qwramın Prezident bekitedi" dep saldı. Keyingi söyleuşiler Jamanqwlov äreketin sökkenderimen Ni hanımnıñ «biigine» şığa almadı. Söz alğandardıñ barlığı teatr qayratkerleri odağınıñ jwmıs istemey otırğandığın, jarğığa say jwmıs jürgize almay, ärkez qarajattıñ joqtığın ğana aytatın söz ete kelip, Sıdıqovanıñ mälimdemesin sınap, Jamanqwlovtıñ istegeni abıroysız is desti. Tipti, mwnday dauğa aqsaqal Asanäli Äşimovtiñ özi aralastı. O kisiniñ ne degenin jalpaq jwrt telearnalardan kördi. Sonımen, Jamaqwlovtı jaman adam etip şığarğan jinalıstıñ soñı belgisizdikpen ayaqtaldı. Al, Jamanqwlov bolsa, "mwnıñ bäri joğarıdan tüsken tapsırma, söyleuşiler de sol tapsırmanı orındau maqsatında söylep otır" dedi.

Öner adamdarınıñ şwğıl jinalıp, jiın ötkizuine Twñğışbay Jamanqwlovtıñ video arqılı Sıdıqovanıñ sözin rastağanday swhbat berui sebep bolğan sıqıldı. Öytkeni, jiın Jamanqwlovqa arnaldı. Al, öner qayratkerleriniñ şamdanuına Twñğışbay mırzanıñ jeke öz atınan emes, teatr qayratkerleri odağınıñ törağası esebinde älgindey videoğa şığu negiz bolmağan-au dep topşıladıq.

Aytpaqşı, ministr Arıstanbek Mwhamediwlı tün ortasında kelip, oynap-küluge dedektetip alıp ketpekşi boldı dep tağı bir adam şıqtı. Ol – Roza Baqtığalieva. Ministrdiñ özi de bwl daudı wyımdastırılğan äreketke balap, Sıdıqovanıñ da, Baqtığalievanıñ da aytqandarın joqqa şığarıp, olardı bireuler aydap salıp otır dedi.

Bwl daudıñ aqırı nemen tınatını belgisiz...

Abay bolayıq, ağayın!

Kemel Qarasartov

Abai.kz

0 pikir