Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
Bilik 2454 0 pikir 31 Qazan, 2016 sağat 12:21

«BASTAU» KINOFESTIVALİ – JASTARĞA BERİLGEN ÜLKEN MÜMKİNDİK

Kinoöndiris salasına erekşe lep keldi. Qazir jaña tolqınnıñ nağız öner jasauına mümkindik tuğan uaqıt. Äsirese, bwğan elimizde dästürli türde ötip keletin «Euraziya», «Şäken jwldızdarı» halıqaralıq kinofestival'deriniñ qosar ülesi köp. Al osımen altınşı märte jalauın jelbiretken «Bastau» kinofestivaliniñ jastar şığarmaşılığın şıñdaudağı alar ornı turalı äñgime basqa.

Festival'diñ bastı maqsatı – Europa men Aziyanıñ jas kinematografisteriniñ arasında ıntımaqtastıq ornatu, olardıñ jwmıstarın qoldap, damıtuğa qol wşın beru, türli janrlarda kino tüsiruge degen qızığuşılıqtı arttıru.

Almatıda 24-29 qazan aralığında ötetin studenttik fil'mder men kinomektepterdiñ VI Halıqaralıq «Bastau» kinofestivali saltanattı  türde şımıldığın türdi. Biıl «Bastau» festivaline Qazaqstandı qosa alğanda, 36 älem elderinen 305 ötinim kelip tüsken. Qwramına rejisser Rımbek Älpiev jetekşilik etken, sonımen qatar rejisserler Damir Manabay, Azat Hakimov, Elya Gil'man, kinosınşı Kärim Qadırbaev engen irikteu komissiyası konkurstıq bağdarlamağa 57 fil'mdi tañdap aldı. Bwl fil'mder Bekmambetov Cinema 3D kinoteatrında qazannıñ 25-27 aralığında körsetilip, körermen közayımına aynaldı.

 «Bastau» – türli janrlardağı qısqa metrajdı fil'mder sayısı. Wyımdastıruşılardıñ aytuınşa, kino tilin damıtatın däl osı qısqa metrajdı fil'mder. Al, studenttik fil'mder jaña stil'ge tolı. Olar mäñgilik taqırıptarğa jaña dem berip, zamanınıñ jaña keyipkerlerin somday biledi. «Bastau» kinofestivaliniñ «Erekşe oqiğa» bağdarlaması ayasında tayauda 21-inşi Pusan halıqaralıq kinofestivalinde «Üzdik qısqametrajdı fil'm» atalımı boyınşa rejisser Elzat Eskendirdiñ «Öliara» attı tuındısı köpşiliktiñ qoşemetine bölenip, jüldeli orınğa ie bolğanı kino öndirisi salasındağı ülken märtebe. Sonday-aq, «Erekşe oqiğa» bağdarlaması ayasında Vladimir Men'şovtıñ «Qwdaylardıñ qızğanışı» jäne jaqında ömirden ötken irandıq kinorejiser Abbas Kiarostamidıñ «Meni üyiñe ala ket» attı kinolentaları kinosüyer qauımnıñ köñilinen şıqtı.

Biıl «Bastau» kinofestivaliniñ erekşeligi – köptegen elderde tanımaldılıqqa ie bolğan «Köşe kino festivali» («Festival' uliçnogo kino») jobasınıñ sätti jüzege asuı. Al festival'diñ wyımdastıruşısı jäne direktorı Aleksandr Şeryakov «Bastau» ayasında şeberlik därisin ötkizip, kölemdi kinojobanı qalay jüzege asıruğa bolatındığı turalı äserli äñgimesin bayandadı. Sonımen qatar festival' ayasında ötken «Televidenie jäne jaña media: tili, tehnologiyalar jäne model'der» attı ğılımi-tehnologiyalıq konferenciyada Halıqaralıq kinomektepter  qauımdastıqtığına jaña müşeler qabıldauğa baylanıstı    qol qoyu räsimi ötti. 

«Bastau-2016» halıqaralıq qazılar alqasınıñ qwramına keñestik jäne reseylik teatr jäne kino akteri, kinorejisser, scenarist, prodyuser, «Oskar» jüldesiniñ iegeri Vladimir Men'şov (qazılar alqasınıñ törağası), gollivudtıq qoyuşı operator Hiro Narita («Jwldızdı jol Vİ»,  «Tabıttıñ äñgimeleri», «Qımbattım, men balalardı kişireyttim»), britandıq jazuşı, kurator, rejisser, azialıq kino mamanı Djasper Şarp, reseylik aktrisa Anna Gorşkova («Bayğws Nastya»), sonımen qatar tanımal qazaqstandıq akter, scenarist, rejisser jäne prodyuser Nwrtas Adambay kirdi. Sonday-aq festival'ğa qwrmetti meyman retinde Sankt-Peterbor kino jäne telearna institutınıñ rektorı Aleksandr Evmenov, New York Film Academy professorı Lidiya Sedrone, Whistling Woods  International ündi kinomektebiniñ scenaristi, professor Aşvini Malik, iran prodyuseri Ali Kamali, Şota Rustaveli atındağı Tbilisi teatr institutınıñ professorı David Djanelidze jäne Irannıñ  Karnameh Institute of Arts and Cultures attı kinomektebiniñ negizin qalauşılardıñ biri Ali Reza Soltani Şirazi şaqırılğanın ayta ketken jön.

Kinofestival' ayasında CILECT Kinomektepteriniñ halıqaralıq qauımdastığı sätti jwmıs istep keledi. Qauımdastıq arqasında studentter özara täjiribe almasıp, AQŞ, Resey, Türkiya jäne basqa da elderde käsibi biliktiligin jetildirip, bedeldi kinofestival'derde jüldege ie boluda. Äsirese, qauımdastıq jwmısınıñ nätijesi T.Jürgenov atındağı Qazaq wlttıq öner akademiyası studentteri eñbeginen körinedi. Büginde akademiyanıñ studentteri «Euraziya» jäne «Şäken jwldızdarı» halıqaralıq kinofestival'deriniñ, «Şabıt» jäne «Jiger» jastar şığarmaşılıq festivaliniñ, «Äulie Anna» jäne «Jaña közqaras» studenttik kinofestival'deriniñ jeñimpazdarı atanıp jür. 

«Bastau» kinofestivali – ülken joldıñ bastauı. Ol jaña ideyalar, közqarastar men şeşimder körinis tapqan kino tuındıları. Däl osı festival' jas rejisserler men scenaristerdiñ öz jobaların iske asıruına mümkindik tuğızıp, şığarmaşılıq jwmıstarına şabıt sıylaydı.  

Sergey Azimov, «Bastau» halıqaralıq kino festivaliniñ prezidenti:

– Bayqauğa kino salasındağı JOO-nıñ studentteri de, äuesqoy rejisserler da qatısa aladı. Biz öz mindetimizge adal, öz atımızğa layıq boluğa tırısamız. Öytkeni «Bastau» – jaña közqaras pen şığarmaşılıq erkindiktiñ bastauı boluı tiis. Bayqauğa 18 ben 35 jas aralığındağı Qazaqstan azamattarı qatısa aladı. Wsınılğan jwmıstar dramaturgiya, vizualdı şeberlik jäne scenariyde söz bolğan taqırıptıñ özektiligi sındı üş talap boyınşa bağalanadı.

«Bastau» – kinomektepterdiñ festivali. Biz osı arqılı älemdegi kinomektepterdiñ qauımdastığın qwrdıq. Kezinde  İ, İİ «Bastau» kino festivaline qatısqan kinomektepter memorandumğa qol qoyğan bolatın. Büginde bwlardıñ sanı 50-ge jetip otır. Biıl festival'ge birneşe kinomekteptiñ ökilderi qatıstı. Kinoindustriyası damığan Ündistan, Iran, Gruziya, Amerika, Wlıbritaniya, t.b. memleketterden mamandar keldi. Biz kinomektepter qauımdastığın ne üşin qwrdıq? Büginde studentter jeke kelisim boyınşa kinomektepterge erkin barıp, bilim alıp, täjiribe almasa aladı. Senesiz be, N'yu-York kinoakademiyasında 50-den astam qazaq jastarı oqıp jatır. Mwnday mümkindik eşbir memlekette joq.

Ärine, «Bastaudı» alğaş ötkizgen jıldarı biraz kedergi tuındadı. Ol kezde  kinofestival' jauında jwrt bile bermeytin. Qazir studentterdiñ şığarmaşılıq jwmısı barısında edäuir tanımal boldıq. Sol siyaqtı kinofestival'diñ ädilqazı alqası da  osal emes. «Oskar» jüldegeri Vladimir Men'şovtıñ ädilqazı törağası boluı kinofestival'diñ mañızdılığın arttıra tüsedi. Al qarjılandıruı jağınan «Euraziya» kinofestivalimen salıstırsaq, jer men köktey. Onıñ byudjeti on, on bes ese köp. Mäsele tek aqşada emes. Är festival'diñ öz talabı, atqarar mindeti bar. Bizdiñ festival' jastarğa auaday qajet. YAğni, jastar festival'di özderi ötkizip, özderi basqaradı. Halıqaralıq qazılar alqasımen qatar festival' ayasında dästürli türde studenttik qazılar alqası da jwmıs isteydi. Sebebi olar qwrdastarınıñ jwmısın bağalaydı.  Olardıñ qatarında Türkiya,  Qazaqstan, Gruziya, Qırğızstan, Resey ökilderi bar.

abai.kz

0 pikir