Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Käsip-tübi näsip 3588 0 pikir 31 Qazan, 2016 sağat 17:23

Alğaşqı 5 memleket Astanadağı EKSPO aumağındağı pavil'ondarğa ie boldı

 

«Astana EKSPO-2017» wlttıq kompaniyasınıñ basqarma törağası Ahmetjan Esimov düysenbi küni halıqaralıq körmege qatısuşı 5 memleketke, atap aytqanda Qıtay, Franciya, Germaniya, Vengriya jäne Türkiyağa alğaşqı pavil'ondardı tapsırdı. Bwl turalı Vlast' saytı habarlaydı.

«Biz üşin, bizdiñ wlttıq kompaniya üşin erekşe kün bolıp otır. Sebebi, halıqaralıq pavil'ondar, 1374 orınğa arnalğan EKSPO-qalaşıq, EKSPO-keñse, işki ister böliminiñ ğimaratı jäne Energiyanı zertteu ortalığı sekildi körmeniñ bes negizgi nısanınıñ qwrılısı ayaqtaldı. Atalğan ğimarattardıñ jalpı aumağı 482 mıñ şarşı metrdi qwraydı», - dep mälimdedi Esimov pavil'ondardı tapsırudıñ saltanattı şarası barısında.

Bügingi kün «mazmwndıq tolıqtırudıñ  belsendi kezeñiniñ bastaluın» bildiretindigimen mañızdı dep atap ötti Esimov.

«Körmeniñ aşıluına 222 kün qalğanda biz pavil'ondar men twrğın üylerdi tapsırudı bastadıq. Bwl uaqıt pavil'ondarımızdı sapalı türde toltıru üşin jetkilikti boladı dep oylaymın. Ekijaqtı baylanıstı qamtamasız etu üşin arnayı tehnikalıq byuro aşıldı, sonımen qatar akkreditaciyalıq ortalıq jwmısın bastaydı», - dep habarladı wlttıq kompaniya basşısı.

«Özderiñiz körip otırğanday, biz sizderge zañ keñesterinen bastap özgedey wyımdastıru mäselelerine deyin qamtitın körmege  qatısuşılarğa arnalğan jan-jaqtı kömek körsetuge äzirmiz», - dep sözin jalğastırdı ol.

Esimov EKSPO jobasınıñ kürdeli dağdarıs uaqıtında jüzege asırılıp jatqanın eske salıp ketti. Alayda «memleket basşısınıñ tolıqqandı qoldauımen» ol «dağdarısqa qarsı eñ şınayı bağdarlamalardıñ birine» aynaldı. Körme qwrılısı men dayındığına Qazaqstannıñ barlıq derlik aymağındağı 300-den astam otandıq käsiporın jwmıldırılğan.

«Osılayşa joba 50 mıñday jwmıs ornın qwrıp, saqtap qaluğa mümkindik berdi. Tek osı qwrılıs alañınıñ özinde ğana 14 mıñ adam jwmıspen qamtılğan», - dedi ol.

Kompaniya basşısınıñ sözine qarağanda, bwdan bölek nısandar qwrılısı kezinde jergilikti kompaniyalar 492 mlrd teñgeni qwraytın somağa jwmıs atqarıp, qızmet körsetken.

«Sfera» wlttıq pavil'onı, kongress-holl jäne qonaq üy sekildi körmeniñ özge nısandarı boyınşa da jwmıs kestege säykes jürgizilip otır. Kelesi jılı qoğamdıq orındardı äzirleudi, aumaqtı abattandırudı wyımdastıru josparlanuda», - dedi kompaniya törağası.

Kompaniya ökilderiniñ aytuınşa, Vengriya pavil'onınıñ aumağı 411,9 şarşı metrdi qwraydı. Wyımdastıruşılardıñ sözine qarağanda, «Bolaşaq energiyası bizdi biriktiredi» degen pavil'on taqırıbı eldegi energiyanıñ qoljetimdi közderiniñ geografiyalıq jäne ekonomikalıq erekşelikterine negizdelgen. Pavil'on su, kün jäne jel eli bolıp tabılatın Vengriyanıñ sipatın aşa tüsip, elektr jäne qalalıq josparlau salasındağı eñ soñğı qwrılğılardı körsetedi. Sonımen qatar 2017 jıldıñ 20 tamızı körme ayasındağı Vengriyanıñ wlttıq küni bolıp anıqtaldı.

Germaniya pavil'onınıñ aumağı 1249,5 şarşı metrdi qwraydı jäne «Energiyağa bastar jolda» dep ataladı. Franciya 1069,1 şarşı metrden twratın pavil'onğa ie bolıp, onı «Jasıl damuğa arnalğan energetikalıq bwrılıs» dep atadı. Jasıl energetika salasındağı öz jwmıstarın Franciya bolaşaq qalası, jañğırtılatın energiya jäne ekologiyalıq kölik türleri attı üş taqırıp ayasında wsınadı. Qıtay 1000 şarşı metrdi qwraytın pavil'ondı aldı. «Jasıl Jibek jolı» attı bwl nısannıñ erekşeligi QHR-diñ Jibek jolınıñ boyındağı jäne bükil älemdegi memlekettermen energetikalıq seriktestiginiñ jaña oyın aşıp körsetetin bolaşaq energiyasınıñ arman teatrı bolmaq.

Abai.kz

0 pikir