Toghyzqúmalaqtan Europa chempionaty Shvaynfurtta (Germaniya) 23-24 shilde aralyghynda ótti. Europa chempionatyna Germaniya, Fransiya, Grekiya, Shveysariya, Ispaniya, Resey, Chehiya jәne taghy basqa onnan astam memleket sportshylary qatysty. Chempionat shveysar jýiesi boyynsha, erler men әielder arasynda úiymdastyryldy.

Europa chempionaty ashyluyna Dýniyejýzilik toghyzqúmalaq federasiyasynyng preziydenti Alihan Baymenov pen Qazaqstan Mәdeniyet jәne sport ministrligi Sport jәne dene shynyqtyru isteri Komiytetining tóraghasy Elsiyar Qanaghatov, Shvaynfurt meri Karl Hayns Kauchok qatysty.  

«Toghyzqúmalaq - qazaqtyng dýniyejýzilik mәdeniyetke qosqan jarqyn ýlesining biri. Chempionat  - intellektualdyq sayys, mәdeny shara ghana emes, mәdeny múramyzdy nasihattau joly. Búl – dýniyejýzilik federasiyanyng qúrylghan kýninen bastap algha qoyghan mindetterining biri», - dep atap ótti Alihan Baymenov. 

Dýniyejýzilik federasiya 2009 jyldan beri toghyzqúmalaqtan ýsh ret әlem chempionatyn ótkizip, ýshinshisine 25 el ókilderi qatysqan. Chempionattardyng ótuine otandyq kәsipkerler Dinmúhammed Ydyrysov, Kenes Raqyshev, Erlan Áshim, Maqsat Ramanqúlov, Erghaly Ibragimov qolghabys tiygizude. Songhy jyldary memleket tarapynan da toghyzqúmalaqty damytugha jýieli kónil audaryluda. Qazirgi tanda toghyzqúmalaqpen ainalysatyn qazaqstandyqtar sany 200 mynnan asty. Alda Aziya chempionatyn úiymdastyrugha Qytay ókimeti óz tarapynan qoldau kórsetuge niyet bildirip otyr.

Europa chempionaty barysyndaghy halyqaralyq turnirge Qazaqstan Últtyq qúrama komandasy mýsheleri de qatysyp, sheteldik sportshylardyng sheberligin arttyryp, tәjiriybe jinaqtauyna kómek kórsetti.  Jarysqa qatysushylar men toghyzqúmalaq әuestenushileri – negizinen Europa elderinde túryp jatqan jergilikti halyq. 

Chempionat ayasynda, sonday-aq, últtyq oiyndy halyqaralyq dengeyde odan әri damytu mәseleleri de keninen talqylandy.