Kesheli beri jenip alghan medali sany boyynsha Qazaqstannyng aldyna týsip ketken Ózbekstan jayly jazbaghan jan qalmady. Sondaghy sebep ne desey, sol bayaghy sarsyghan stereotiyp.

Siz sporttaghy reytingi ne qylasyz, әlemdik reytingi qarasanyzshy. Biz ózbekten bayaghyda jenilgenbiz, tek әli moyyndamay kele jatyr demeseniz... Jyl sayyn Kolumbiya uniyversiytetining әleumettanushylary tizip beretin eng baqytty elderding World Happiness Report degen reytingi bar. Ár memlekettegi әl-auqat dengeyi men azamattarynyng sol ómirge qanaghattanu dengeyin esepteydi. Sonda búl tizimge kirgen 156 memleketting arasynda 49-shy ornymen biyl Ózbekstan TMD memleketterining arasynda birinshi oryngha shyghyp ketken edi. Qazaqstan odan bes oryn keyin túr... Byltyr ózagham 44-shi orynda bolghan, biz 57-me, 56-ma, sonday birdene...

Álgi reytingi azamattardyng tauardy satyp alu qabiletin, әleumettik qoldau dengeyin (qayghygha týsip qalsa, qaraylasatyn kimi bar, nesi bar), boljanyp otyrghan ómirining úzaqtyghy, jomarttyq jәne qayyrymdylyq dengeyi, jemqorlyqqa qarsylyq immuniyteti, qobaljugha negiz beretin mәselelerining qataryn da sarapqa salady.

Basqasyn bilmedim, ózim kórgen ózbek әkanyng Kәrimov qansha kәrine alyp otyrsa da, auzynan boqtyghy shyqqanyn kórmeppim. Samarqangha barghanda әdeyi taksistining auzyna jauabyna sheyin dayyndap apardym - "jogha, olay dey almaymyn, bәri de jaqsy bolady" dep qútylady. Mahalla-mahallasynda jas-kәri demey aqsaqalyn tyndaydy, sol kóshede araq satqyzbaydy, tentegi bolsa tәrtipke salyp, tәlpish qyzyna tenin tauyp, әiteuir túrmysqa jiberedi. Shyrshyqta әli kýnge deyin baylarynyng ózi tang namazynan song dorba arqalap, kedeylerding esigining aldyna azyq-týlik tastap ketedi degendi estigenmin. Kedey kimning azyq-týlik әkep bergenin sol kýii bilmey ketedi deydi. Riya bolmasyn dep retin keltirgen týri. Enbekqorlyghy bir bólek jyr. Bayy men kedeyining arasy qatty ashylmaghan bizdegidey. Balasyn kóp tuady, samsasyn shayyna ezip jep, sony tamaq qylyp jýre beredi, qoghamdyq senimi qalypty. IJÓ-ning 18 payyzyn auyl sharuashylyghyndaghy diqandary men qoyshylary beredi, bizde ol 4 payyz ghana. Sonyng esebinen bidaydan basqa azyq-týligi, shyryn-suy bir basyna bylay jetedi. Bizde әrkim balasyn bankir ya әkim qylghysy kelse, onda shaghyn biznesin ashyp, kәsipker boluyn kózdetkizedi. Sodan da shaghyn jәne orta biznesining (gastarbayterlerding audarymyn qosa eseptegende) ekonomikadaghy ýlesi 50 payyzday, al bizde 25 payyzdyng tónireginde. Osy qasiyetter bizde qaldy ma?

Demek, ózbekting bizden ozyp bara jatqanyn tek ózimiz ghana kórmey otyrmyz. Odan Erlan Karin aitpaqshy, bәsekeles kóruding qajeti shamaly. Qayta ýireneyik, odan asyp týsuding Feysbukte otyryp "osy sart pa, sart" dep mysqyldaudan basqa týrin tabayyq! Peyilimizdi týzep, keng bolugha, bir-birimizge odan әri jaqyndap, tanystan dos, dostan bauyr bolugha úmtylugha ne kedergi? Óz ýiimizdi ózimiz salyp, óz baqshamyzdy ózimiz suarsaq, odan sorly bolyp qalmaytynymyz ózbekshelegende "aniq".

P.S. Qarapayym adam negizi 160 týs pen renkti ajyrata alady. Al suretshi bolsa, 100 mynday týs pen onyng renkterin ajyrata alady. Ayyrmasyn kórdiniz be, jer men kók! Qysqasy, suretshi bolayyq, tek qara men qonyrdy kóre bermey. 

Órken Kenjebek

Facebook-tegi paraqshasynan