QR Preziydenti N.Nazarbaevtyng nazaryna!

38 jyldyq tarihy bar respublikalyq Kitap muzeyi jabylmaqshy. Muzeydi taratyp, ornyna Mәdeniyetterdi jaqyndastyru ortalyghyn qúru jóninde Ýkimet basshysynyng qaulysy 2015 jyly 27 jeltoqsanda shyghypty. Búghan deyin «Qazaqkonserttin» jabylghany belgili. Manyzdy mәdeny oshaqtardyng birinen song birining jabyluy mәdeniyetke jasalyp otyrghan  shabuyl  demeske shara joq.

Kitap muzeyining tónireginde qalyptasqan jaghdaydyng jay-japsaryn bilu ýshin Jýrsin Erman myrzagha habarlasqan edik.

Jýrsin Erman, Respublikalyq Kitap muzeyining diyrektory:

-          Kitap muzeyi osydan 38 jyl búryn Quat Qúlmanov, Sheriazdan Eleukenov, Múqan Mamajanov syndy qazaqtyng últshyl, mәdeniyetke janashyr azamattarynyng bastamasymen, Qonaevtyng qoldauymen qúrylghan edi. Múnday Kitap muzeyi TMD kóleminde ýsheu-aq. Biri – Peterborda, Kiyevte jәne Almatyda. Búl muzey – qazaq baspa ónerining tarihy. Muzeyde Abaydyng alghashqy kitabynan bastap, Tashkent, Ystambúl, Qazan, Peterborda shyqqan kóne kitaptar, qoljazbalar, kóshirmeler taghy basqa qazaq baspa jәne baspasóz tarihyna qatysty múralarmen qosa, 70 myng kitap qory saqtauly túr. Muzey qyzmetkerleri ay sayyn oqushylar men studentterdi úiymdastyryp, muzeydi aralatyp, múralardyng tarihymen tanystyryp otyrady. Sheteldikter de kelip túrady.

Surette: Últtyq akademiyalyq kitaphana diyrektory Ýmithan Múnalbaeva

2014 jyly 1-jeltoqsanda Túnghysh Preziydent kýnine baylanysty Últtyq akademiyalyq kitaphana diyrektory Ýmithan Múnalbaeva ministrlik arqyly hat úiymdastyryp, kórmege qoi ýshin Kitap muzeyinen 130-150 siyrek jәdigerlerdi bere túrynyzdar dep súrady. Biz berdik. Biraq, kórmeden keyin súrap alghan kitaptarymyzdy qaytarmay qoydy. Ol kisi ózi pysyq adam eken, bizden alghan kitaptardy kitaphanadan ashqan kitap múrajayyna qaldyramyn dep shu shyghardy. Múnyng ayaghyn «Kitap muzeyining kitap saqtaytyn jaghdayy joq» degen әngime jetkizdi. Búl әngimeni ministr Arystanbek Múhamәdiyúlynyng qúlaghyna әbden qúighan ghoy, sóitip, men ministrge kitaphana men kitap muzeyi ekeui eki basqa nәrse ekenin týsindirip, hat jazdym. Sottasugha deyin bardyq. Sóitip, aqyry ministr Arystanbek Múhamәdiyúly 2015 jyldyng 27 jeltoqsan kýni priemer-minist Kәrim Mәsimovtyng qolymen «Kitap muzeyi taratylyp, Mәdeniyetteri jaqyndastyru ortalyghyna ainalsyn!» degen qauly shyghartty. Bizben aqyldasqan eshkim joq. Bәrin sol Ýmithan Múnalbaeva, Arystanbek Múhamәdiyúly – ózderi kesip-piship, Ýkimetke qauly qabyldatyp sheship tynghan. Búl turaly biz keshe ghana bildik.

Surette: Mәdeniyet jәne óner isteri komiytetining tórayymy Aqtoty Rayymqúlova

Auruhanadan shyqqan boyda Mәdeniyet jәne óner isteri komiytetining tórayymy Aqtoty Rayymqúlova shaqyryp alyp, qaulyny kórsetti.

Surette: QR Preziydenti N.Nazarbaevtyng qabyldauynda otyrghan Mәdeniyet jәne sport ministri Arystanbek Múhamәdiyúly, 2014 jyl.

Búl jerde eng soraqysy, Arystanbek Múhamәdiyúly men Aqtoty Rayymqúlovanyng búl is turaly aitaytyny «Elbasynyng tapsyrmasy» deydi.  Sonda nemene, Elbasy Kitap muzeyin taratyndar, jabyndar dedi me? Búl kisiler osynday jaman sharualardy Preziydentting atyn jamylyp istep alyp, jamanatyn Elbasygha iytere salady. Búl úyat qoy! Elbasy múnday is bolyp jatqanyn bilmeydi de.

Muzeyde jiyrmadan astam adam júmys isteydi.  Bәrining bala-shaghasy, bankten alghan nesiyeleri bar.  Olar qayda barady erten? Kitap muzeyin jauyp tastaghanda, olardyng adam týsinbeytin Mәdeniyetterdi jaqyndastyru ortalyghy degen dýniyelerining kimge keregi bar?! Muzeydegi jәdigerlerdi ýshke bólmekshi: әl-Faraby atyndaghy ortalyq kitaphanagha, Últtyq akademiyalyq kitaphanagha jәne ortalyq muzeyge... Sonda jyldar boyy jinaqtalyp, ýlbirep túrghan siyrek kezdesetin jәdigerlerding toz-tozy shyqpay ma! Mәdeniyetti damytqannyng ornyna bәrin tozdyryp, taratyp jatqan neghylghan ministr búl?!

Redaksiyadan:  Jýrsin Erman myrzanyng súraghyna oray jәne jogharydaghy mәselege baylanysty atalghan qúzyretti organ BAQ-qa naqty jauap beredi dep kýtemiz.

Abai.kz