Almaty oblysyndaghy Dostyq beketinen Qytay Halyq Respublikasynyng Shenisy provinsiyasyna 2 myng tonna ósimdik mayy jóneltildi.

May tiyegen konteynerlik poyyzdyng alghashqy jóneltilu rәsimine qazaqstandyq «Total Impex» kompaniyasy, qytaylyq «Ayszuy» kompaniyasy jәne Almatydaghy Qytay konsuldyghynyng ókilderi qatysty. Dayyn ónimdi eksporttau jóninde eki el arasynda tiyimdi yntymaqtastyq pen ózara әrekettestik ornatyp, osy isting basy-qasynda jýrgen «Atameken» Últtyq kәsipkerler palatasy úiymdastyru jәne tehnikalyq mәselelerdi sheshuge de qoldau kórsetti. Búdan bylay atalghan dayyn ónim 35 millionnan astam túrghyny bar Shenisy provinsiyasyna túraqty týrde jetkizilip otyrmaq. Qazaqstandyq «Total Impex» kompaniyasynyng diyrektory Dәuren Túrapbekovtyng aituynsha, búl pilottyq joba el ekonomikasyna jana investisiyalardy tartugha úiytqy bolady.

«Joba logistika salasyn jaqsartugha mýmkindik beredi jәne  qytay biznes-qoghamdastyghy ýshin ýlgi kórsetedi. Túraqty jetkizilim nәtiyjesinde elimizge investisiyalar tartugha jol ashylady. Oghan qosa, biylghy jyly Soltýstik Qazaqstan oblysynda bastapqy quattylyghy  jylyna 40-100 myng tonna bolatyn, al, keyinnen  100-150 myng tonnagha deyin jetetin may dәnderin qayta óndeu zauyty ashylady dep josparlanyp otyr», – deydi kompaniya basshysy. Onyng aituynsha, búl ónirde mayly daqyldardy ósiru fermerler ýshin ekonomikalyq túrghydan óte tiyimdi bolmaq.

«Últtyq kәsipkerler palatasynyng arqasynda biz qytaylyqtarmen seriktes boldyq. Endi biz dayyn ónimdi tikeley sata alamyz», – dep atap ótti  D.Túrapbekov.

Kelisim-shart somasy 573 millionnan astam tengeni qúraydy.  Qysqa merzim aralyghynda shamamen 20-40 konteyner jóneltilip, bolashaqta ónim týrleri kóbeyedi dep kýtilude. Qytay naryghy, әsirese, Qazaqstannan keletin ún ónimderine, sýt tauarlary men etke qyzyghushylyq tanytyp otyr. Múnyng bir sebebi, qazaqstandyq tauarlardyng tabighy qúnarlylyghyna, ekologiyalyq tazalyghyna baylanysty ekeni sózsiz.

 Abai.kz