Dýisenbi, 26 Qyrkýiek 2022
Kәsip-týbi nәsip 4051 0 pikir 31 Nauryz, 2016 saghat 10:37

ELIMIZDING SYNAQ ZERTHANALARY RESEYLIKTERMEN BÁSEKELESTIKKE TÓTEP BERE ALMAUDA

Otandyq kәsipkerlerdi tehnikalyq retteu, metrologiya jәne akkreditasiya salasyndaghy problemalar alandatyp otyr. Tauarlardy sertifikattaudyng tiyisti jýiesining bolmauy  últtyq qauipsizdikke núqsan keltirui mýmkin.

Osy saladaghy problemalar Almatydaghy Kәsipkerler palatasynda ótken júmys kezdesuinde talqylanyp, olardy sheshu jóninde úsynystar aityldy.  Jiyngha sәikestikti tekseru jónindegi organdardyng ókilderi, jekemenshik synau, mólsherleu jәne salystyru-tekseru zerthanalarynyng basshylary men sarapshylary qatysty.

Jiynda sala ókilderi naqty problemalardy ashyq aitty. Aytalyq, «UniTestNew» JShS sarapshysy Ludmila Kaliyshevich: «Bizding kompaniyanyng naryqqa shyqqanyna kóp boldy. Biz salystyru-tekseru zerthanasy retinde baylanys operatorlaryna qyzmet kórsetemiz, derekterdi jiberu jýiesin, internet tekserisin jýzege asyramyz, – deydi. – Bizding qyzmetke Memlekettik standarttyng ózi kelip jýginedi, sebebi olarda múnday jabdyq joq. Kez kelgen kәsipker ónimge sertifikat alu ýshin, Memlekettik standartqa barady, al olar ony bizge jiberedi. Al kórsetilgen qyzmet ýshin kәsipker bizge de, Memlekettik standartqa da aqy tóleydi. Yaghni, shyn mәninde Memlekettik standart mór men qol qoyghany ýshin ghana aqy alyp otyr. Barlyq synaqtardy, ónimdi testileudi biz jýrgizemiz. Men QR Tehnikalyq retteu jәne metrologiya komiytetine vedomstvomen akkredittelgen synau ortalyqtaryn ashu arqyly búl resimdi jenildetudi súrap birneshe mәrte barghanmyn. Múnday tәjiriybeni reseylikter qolgha alghan bolatyn, al qazir búl RF Memlekettik standarty ýshin de, kәsipkerler ýshin de ynghayly. Biraq bizding ótinishke atalghan shara zannamada qarastyrylmaghan degen jaltarma jauap berildi».

Kelesi kezekte sóz alghan Leica Geosystems Kazakhstan LLP JShS sarapshysy Oleg Delidenkov: «Kompaniya ónimderining qatarynda GNSS/GPS jýieleri, 3D lazerlik skanerleri, qúrylysqa, auyl sharuashylyghyna arnalghan qashyqtyq ólsheuishteri jәne t.b. eng zamanauy jabdyqtar bar. Sertifikat alu ýshin «Qazaqstandyq metrologiya instituty» RMK-gha jýgindik.

Birinshiden, qyzmet merzimi kónilden shyqpaydy (ótinimdi qarau jәne qújatty beru 20 júmys kýninen song ghana oryndalady), al ekinshiden, qyzmetting qúny óte joghary. Reestrge engizgeni ýshin ghana biz 700 myng tenge tóledik, taghy 300 myng tengeni qújattyng memlekettik tildegi audarmasy ýshin talap etti. Biraq mәsele onda emes. Bizding jaghdayda barlyq proseske 5 ay ketti.  Búl kompaniya imidjine núqsan keltirdi. Ortalyq Aziyadaghy barlyq ókildikter kompaniyanyng jana ónimderi tanystyrylymyn jasap satuda. Al biz bolsaq óz kliyentterimizge jarty jyl búrynghy ónimderimizdi de úsyna almaymyz, sebebi olar Qazaqstanda sertifikattalmaghan. Biz sarapshylardyng qarau merzimin qysqartu jәne tauarlar men tútas qyzmetterdi sertifikattau men standarttau rәsimin jetildiru kerek dep esepteymiz», – degen pikir bildirdi.

«Bizding naryqta jekemenshik Resey zerthanalarynyng mýddesi ýshin qyzmet jasaytyn brokerlik jәne konsaltingtik deldaldardyng boluy jaghdaydy kýrdelendirip otyr. Olar kez kelgen ónimdi 2 kýn ishinde tómen baghamen sertifikattap beredi.  Al qazaqstandyq kәsipkerlerding kóp bóligi dәl solardyng qyzmetine jýginip otyrghany zandy. Tehnikalyq retteu komiytetining tabaldyryghyn ailap tozdyrghansha, búl qaghazdy arzan әri tez satyp ala salu onay. Olardyng sertifikattary qanshalyqty zandy? Mәsele osynda.  Ónimdi testileuden ótkizu prosesi beyneti kóp jәne birneshe tәulikte bite qoymaytyn sharua ekeni bәrine belgili.  Búl jalghan qaghazdar barlyq akkredittelgen zerthanalardyn, onyng ishinde  Komiytetting jabyluyna alyp kelmey me? Búdan keyin olargha kim jýginetin bolady?

Biz qazir Kedendik odaq ayasynda júmys jasaghandyqtan, reseylik kompaniyalardyng Qazaqstan aumaghynda qyzmet jasauyna kedergi bolugha qúqyghymyz joq, olardyng qyzmetine tekseris jýrgizuge de qúqyly bolmay otyrmyz.  Búl bizdegi taghy bir problema», – dedi Sertifikattau jónindegi organdar qauymdastyghy tóraghasynyng orynbasary Rinat Bautov.

Pikirlerdi tyndaghan Almaty qalasy Kәsipkerler palatasy diyrektorynyng orynbasary, kezdesuding moderatory Qayrat Qúdaybergen jaghdaydy óz baqylauyna alugha uәde berdi.

«Osynda otyrghan barlyq kәsipkerler men sarapshylargha Almaty q. ÓKP-na naqty úsynystar aitylghan hat joldaudy úsynamyn. Biz, óz kezegimizde, aitylghan problemalardy «Atameken» QR ÚKP-nyng ortalyq apparatynda talqygha salatyn bolamyz. Oghan qosa, ÚKP janynda júmys jasaytyn «Qazaqstannyng syrtqy sauda palatasy» da reseylik sertifikattau organdaryna baylanysty halyqaralyq problemany sheshuge atsalysatyn bolady.  Tauarlardy sertifikattaudyng tiyisti jýiesining bolmauy  el naryghynyng kontrafaktilik tauarlarmen tolu qaupin tudyrady, al búl últtyq qauipsizdikke núqsan keltirui mýmkin», – dedi Qayrat Qúdaybergen.

Abai.kz

 

0 pikir