Es bilgeli jaz jaylauda, qys qystauda óstim. Ata әjemning qolynda kýbi pisip, shisha sýrtip alansyz alty jasqa deyin jýrdim... Jaylaugha "Syrt" degen jerge artynyp-tartynyp kóshetinbiz, barghannan qoyshylardyng "bir shәugim shәilәri" bastalatyn.

Qatar qatar tizilgen kiyiz ýilerdegi balalarmen arqa-jarqa aralasyp, bir ýige qonyp jýre beretin edik. Sol kórshilerding barlyghyn tuys dep oilaytynmyn, olardyng bizge "ýsh qaynasa sorpamyz qosylmaytynyn" es kele bildik qoy. Eshkim de qumaytyn, shettetpey óz balasynday qarap, qamqor bolghan qarapayym qazaghym ai... Qazir mýlde bólek әlem...

Shamnyng shishasy - defisiyt! Jaylaugha ýsh shisha satyp aparyp, solardyng qauipsizdigin qyzghyshtay qoritynbyz. Shishany syndyrsang qatang jazagha úshyraysyn, tayaqty jaqsylap jeysin... Shisha syndy degenshe - qaranghylyq basty degeysin... Auyldan "aptalapki" kelgenshe kesh bata salysymen shisha syndyrghanyng ýshin jazalanyp,sóz estip otyrasyn. Al ol "aptalapkisi" týskir aiyna bir-aq ret sýiretilip әreng jetedi ghoy... Jol jónekey jetkenshe bizge kerek tauary tausylyp ta qaluy mýmkin...

Ay sayyn keletin avtomonsha da esimde... Eki-ýsh bólmeli, syrtynan ot jaghatyn monsha mәshiynege qyzyghyp ainalshyqtap shyqpaytynbyz... 

Arnayy keletin kino da bir tanqalarlyq kórinis bolatyn... Alys jaqyndaghy qoyshylar jiylyp kelip, әppóóóq bolyp ilingen postelding (apamdar seysep deytin) aldyna jayghasatyn, dyryldap baryp qosylyp, kәdimgi ýlken ekrangha ainalatyn. "Kinodaghy adamdar sol ekrannyng artynan shyghyp jatyr" degen oimen, kino qoishy aghalarymyzgha maza bermey ilingen "seyseptin" artyna túra jýgiretinimizde esimde qalypty...

Apa-әjelerimizding kiyiz basyp, bilektegenderi... alabota qaynatyp "búzaushyq" degen sabyn jasap shygharatyndary, jýn iyirip, qúraq qúraytyndary kóz aldymda... netken qayratty da, jigerli jandar edi shirkin...

Tauda ósken raughashtyn dәmi әli kýnge auzymnan ketpeydi, aluan týrli gýlderdi kórip qaysysyn júlaryndy bilmey esing shyghatyn... 

"Japan kóbelek, japan kóbelek", "qon kóbelek qon kóbelek" dep kóbelekterdi qualap jýrip ústap alyp, qos qanatyn júlyp, qoy qylyp baghatynbyz... Qanatyn tabanymyzgha jaghyp, "jýirik bolamyn" dep yrymdaytynbyz...

Bәrinen de keremeti sýt tartqan tabaqtyng manyzyn jalau, ony jalau ýshin ter tógip enbek etip, sýt tartatynbyz... Ár qaysysymyz jýz retten kýbi pisip baryp qymyz ishetinbiz... Enbekpen kelgen nannyng tәtti bolatynyn da sanamyzgha bala kezden qúighan eken ghoy, ýlkenderimiz... Al qazir dayyn asqa tik qasyq bolatyndardyng qarasy kóóóp...

Keshqúrym atamyz peshting týbinde jantayeeep jatyp, qonyr dombyrasyn kýmbirletip qoyyp qúlaqtyng qúryshyn qandyryp, әnin salyp, kýiin shertip tәtti úiqygha batyryyyp jiberetin....

Múnyng bәrin jazyp otyrghandaghy sebebim: keshe týs kórdim, týsime balalyq bal shaghym kirdi, osy әlemde jýr ekenmin, baqyttymyn... Oyanyp ketkenime qatty renjidim... kózimdi qayta júmdym, biraq qayta ol әlemge bara almadym...

Pysy: Sondaghy týigen oiym әr uaqyt óte manyzdy, óz órnegimen baghaly jәne qúndy eken... Býginning qadirin bilmeseng ertengi kýning ókinishpen ótedi eken... Ár sәttin, әr adamnyn, әr isting qadirin bilgen jón ekeeeen...

Aynash Áldiybekova

Facebook-tegi paraqshasynan