Ádilet ministrligi Aqtaudaghy qatang tәrtiptegi týrmeden qashqan 21 adamnyng 8-i ústaldy dep habarlady. Ishki ister ministrligi keminde alty qashqynnyng atyp óltirilgenin aityp otyr. Ázirge bostandyqta jýrgen qalghandaryna izdeu jariyalandy.

Ádilet ministrligi Aqtaudaghy qatang tәrtiptegi týrmeden qashqan 21 adamnyng 8-i ústaldy dep habarlady. Ishki ister ministrligi keminde alty qashqynnyng atyp óltirilgenin aityp otyr. Ázirge bostandyqta jýrgen qalghandaryna izdeu jariyalandy.

Mausymnyng 22-i kýni tanerteng Manghystau oblysy Aqtau qalasyndaghy GM 172/1 qatang rejimdegi qamau mekemesinen qashqan 21 adamnyng 8-i ústaldy, olardyng qashuyna týrme manyna eki kólikke minip kelgen qaruly belgisiz adamdar bolysqan dep habarlady Ádilet ministrligining ókili Erbolat Erimbet seysenbi kýni Astanada ótken brifingte.
«Qaza bolghandar men jaralanghandar da bar. Qashqyndardy bayqap qalghan №6656 әskery bólimning sarbazy qarudan oq atqan. Oghan jauap retinde týrme manyna kelgen belgisiz adamdar oq atyp, sarbaz jaralandy», - dedi Erbolat Erimbet.
Alayda ministrlik ókili naqty qansha adam qaza tauyp, qansha adamnyng jaraly bolghandyghy turaly aqparat bere almaytynyn aitty.
«Qazirgi uaqytta búl oqighagha qylmystyq atqaru jýiesi komiyteti qyzmetkerlerining qatysy bar-joghy tekserilip jatyr», - dedi Erbolat Erimbet.
Ádilet ministrligi resmy ókilining sózinshe, búryn-sondy búl koloniyada sottalghandardyng jappay qashyp ketu oqighasy bolmaghan. Qazaqstan qylmystyq kodeksi boyynsha, qamaudan qashyp ketken azamattargha negizgi jaza merzimine qosymsha taghy jeti jylgha deyin jana merzim qosyluy mýmkin.
Azattyq radiosyna Aqtaudaghy búl tótenshe oqigha kezinde oq tiyip jaralanghan eki adamnyng auruhanada jatqany mәlim boldy.
«Eki adam týsti. Bireui - әskery sarbaz, ekinshisi - ishki ister departamenti arnayy tobynyng qyzmetkeri. Birining ókpesine oq tiygen, oghan qazir ghana operasiya jasap shyqtyq, endi ol jansaqtau bóliminde jatyr. Onyng jaghdayy óte auyr. Al ekinshisi - sol jaq jambasynan jaralanghan. Onyng jaghdayyn ortasha dep baghalap otyrmyz, - dedi Azattyqqa týsinikteme bergen Manghystau oblystyq auruhanasy bas dәrigerining orynbasary Maqsút Sarqúlov.
Seysenbi kýni «Interfaks-Qazaqstan» agenttigi Manghystau oblystyq sot-saraptama mekemesine silteme jasap, atys saldarynan qaza bolghan 7 adamnyng denesi qalalyq mәiithanagha jetkizilgenin habarlady.
Sol kýni týsten keyin Qazaqstan ishki ister ministrligining saytynda Aqtaudaghy oqigha jayynda baspasóz habarlamasy jariyalandy.
Onda qamaudan qashqandardy nysanagha alyp atqan qarauylda túrghan ishki ister әskeri sarbazynyng oghyna ilikken ýsh sottalghan adam kóz júmghany jәne sarbazdyng ózine qarsy qarudan oq atylyp, ol jaraqat alghany aitylghan.
«Qarauyldyng izge týsu toby qashqyndardyng birine mekemeden 200 metr araqashyqtyqtan jaraqat keltirdi. Qashqyndardyng bir bóligi Aqtau qalasynan 13 shaqyrym jerde salynyp jatqan ghimaratqa jasyryndy. Izge týsu toby jәne ishki әskerler әskery bólimining jiyntyq jasaghy ghimaratty qorshaugha aldy.
Odan keyin sol jerge kelgen oblystyng IID «Arlan» arnayy maqsattaghy bólinisining ústau toby shabuyldy jýzege asyrdy. Nәtiyjesinde 3 sottalghan qaytys bolyp, bireui ústaldy. Qashyp ketken sottalghandardyng jýrgen jerin anyqtau jәne olardy ústau boyynsha sharalar qabyldanuda», - dep habarlady Ishki ister ministrligining baspasóz qyzmeti.

Manghystau oblystyq prokuraturasy osy oqighagha qatysty qylmystyq is qozghady. Oblystyq polisiya qamau ornynan qashqan 11 adamgha qylmystyq izdeu jariyalady. Olardyng toghyzy - kisi óltirgeni ýshin, bireui - «qaraqshylyq» pen «tonau», jәne bireui «terrorizm» qylmysy boyynsha sottalyp, Aqtau týrmesinde jazasyn ótep jatqan.

Búghan deyin keybir aqparat qúraldary mausymnyng 22-i kýni jergilikti uaqytpen tanghy saghat tórtten kete Aqtaudaghy qatang rejimdegi qamau mekemesining syrt jaghyna avtokólikke minip kelgender qarudan oq atyp, 20 adamnyng qamaudan qashyp shyqqany turaly habar taratqan bolatyn.

Býgin tanertennen beri Aqtau qalasynyng kóshelerinde baqylau kýsheytilip, qaruly saqshylar men polisiya qyzmetkerleri kýdikti jýrginshilerding qújattary men avtokólikterdi tekserip jatqany turaly habar jetip otyr.

"Azattyq" radiosynyng veb-saytynan