Býgin QR Parlamentining tómengi palatasy qazaq jerin auksion arqyly saudagha salu turaly zang jobasyn talqygha salypty. «Abai.kz» portaly bas bolyp, kýn tәrtibine shygharyp, әleumettik jelilerde qyzu pikir-talas jýrip, halyqtyng narazylyghyn tudyrghan Últtyq ekonomika ministri Erbolat Dosaevtyng búl úsynysyna kýlli qazaq júrtshylyghy qarsylyq bildirip jatyr. Últ ziyalylary, qogham qayratkerleri, sayasatkerler men BAQ ókilderi kýiinip, Preziydent Núrsúltan Nazarbaevtan arasha súrap, ýndeu joldady. Jerdi satugha jol bermeu kerek ekendigin aitty.  Búl turaly «Abai.kz» portalynda kýn sayyn maqalalar jariyalanyp otyrdy.

Al býgin jana saylanghan deputattar jerdi auksion arqyly jarty baghasyna satyp jiberu turaly mәselege óre-týregelip, qarsylyq tanytuy kerek pe edi, eger ýsh partiyaly parlament búqaranyng bazynasyna qúlaq týrse...

Alayda deputattar dem shygharmapty. Jalghyz ghana Halyqtyq kommunistik partiya jetekshisi Vladislav Kosarev osy jerlerdi latifundisterding menshigine beruge qarsy bolyp, QR premier-ministr Kәrim Mәsimovke deputattyq saual joldaghan.

Osydan son, biz QR Parlamenti Mәjilisining baspasóz qyzmetine habarlastyq. (Dosjan Sәule Maghazbekqyzy jәne Bapakova Sәule Talghatbekqyzy dep kórsetilgen – red.) Mәjilisting baspasóz qyzmeti telefon kótermegen son, deputattyq saualdyng avtory – Halyqtyq kommunistik partiyanyng jetekshisi Vladislav Kosarevqa habarlastyq. (Ary qaray diolog – red.)

- Allo, búl deputat Vladislav Kosarev pe eken?

- Iә dәl ózimin.

- Men jurnalist Núrgeldi Ábdighaniyúly bolamyn, «Abai.kz» saytynan... Býgingi Mәjilis otyrysyndaghy sizding deputattyq saualynyz jayly súrayyn dep edim...

- IYә, maghan sen turaly aitqan, bratishka. Ne boldy, mynalar sening jerindi tartyp alayyn dep jatyr ma (kýldi)...

- Mәsele jalghyz mening jerim turaly emes qoy...

- Jaqsy, týsindim. Býgin men jerdi auksiongha qoyyp satu degenge qarsylyq kórsettim. Ókinishke oray, jalghyzbyn. Dese de, múnday qara pighyldy әreketti qolday almaymyn.

- Nege endi ghana qarsy bolyp jatyrsyz? Búl mәsele kóterilip kele jatqanyna biraz uaqyt boldy ghoy.

- Dúrys aitasyn. Men byltyrghy jyldyng mausym aiynda osy jerdi satu turaly mәsele kótergende óz qarsylyghymdy aitqan bolatynmyn. Sol kezde Ýkimetke deputattyq saual joldadym.

- Dosaev myrza Ýkimetting daghdarystan shyghuynyng jalghyz joly osy dep otyr ghoy...

- Eto vse chepuha! Tyghyryqtan shyghu emes, jekelegen mýddelerding paydasyn eseleu ghana. Ýkimet biyl shildede 1,7 milion gektar jerdi saudagha shygharudy kózdep otyr. Búnymen ayaqtalmaydy. Osydan keyin taghy auylsharuashylyq maqsattaryna tiyesili 7,4 million gektardy satpaqshy. Qazaqstan Ýkimeti naryqtyq liyberaldy qatynastardy auylsharuashylyq jerlerin auksionda jenildikpen satu arqyly odan әri terendetuge tyrysuda. Múnyng artynda payda tabu mýddesi túrghanyn týsinemiz. Biz, kommunist-deputattar, Ýkimetti jer mәselesine qatysty ústanymyn qayta qaraugha shaqyramyz.

- Sizdi ózge әriptesteriniz qoldamady ma?

- Búl jalghyz mening sózim emes. Fraksiyanyng ýni. Al ózge partiyalardaghy әriptesterim óz sayasy ústanymdaryna sәikes, ózderin tiyisti dengeyde ústay bildi.

- Sonda qalay?

- Mәjilis otyrysy ayaqtalghan son, bәri kelip, mening qolymdy qysyp, arqamnan qaghyp, qoldau bildirdi.

- Týsinikti, uaqyt bólip súhbat bergeninizge rahmet.

- Jaqsy... 

Osydan keyin biz tikeley jer mәselesimen ainalysatyn Mәjilisting Agrarlyq mәseleler komiytetine habarlastyq. Qabyldau bólmesindegi hatshy qyz bizdi atalghan komiytetke mýshe Amangeldi Dәurenbaev myrzamen baylanystyrdy.

Telefon arqyly súraghymyzdy qoyyp, pikir súraghan edik, jap-jana deputat: «dәl osy mәselege qatysty eshtene aita almaymyn, renjimeshi bauyrym...», - dep qysqa qayyrdy.

Bekbolat Tileuhan, Baqytbek Smaghúl, Núrtay Sabiliyanov sekildi júrt ózine jaqyn kóretin mәjilismenderding telefondary baylanys ayasynan tys jerde boldy. Aldaghy uaqytta deputat myrzalardyng jer mәselesine qatysty pikirlerin jariyalaytyn bolamyz.

Týiin

Biz búl arada  Mәjilistegi bir partiyanyng bedelin asyryp, bireuin kemsitudi maqsat tútyp otyrghanymyz joq. Bolghan oqighany bolghan kýiinde berdik. 107 deputattyng arasynan jerge arasha týser bir jannyng tabylmauy ókinishti-aq. Sonda, jogharydaghy aty atalghan deputattar Mәjiliste kommunist Vladislav Kosarevting qolyn qysyp, arqasynan qaghu ýshin ghana otyr ma?!.

Núrgeldi Ábdighaniyúly

Abai.kz