Beysenbi, 28 Nauryz 2024
Asqangha - tosqan 6649 0 pikir 28 Sәuir, 2016 saghat 13:24

JYLYTU JÝIESI: JYLYTPAYDY - JYLATADY

Elimizdegi kommunaldyq qyzmetter – týrli kemshilikterge toly sala. Pysyqay kommunalishikter halqymyzdy su, elektroquatpen, jylytumen qamtamasyz etuding ornyna, býkil qoghamymyzgha ortaq shiykizat týrlerin saudagha salady.  Sonau toqsanynshy jyldardyng birinshi jartysynda, jylpos Qajygeldiyn, Mashkevich, Shodiyev pen Ibragimov beligiyalyq «Traktebeli» kompaniyasyna Almatynyng energetika jýiesin satyp jiberdi.

Keng baytaq, asa jomart qazaq jeri kóptegen últtar men taypalardyng qarqyndy damuyna barynsha jaghdaydy jasap baghuda ghoy qazir. Alayda, kimge bolsa da  «Shanyraqqa qara!» dep aitudy úmytpau kerek shyghar. Almatydaghy qúrylys-kommunaldyq sharuashylyqtyng jetekshilerining deni – ózge júrttyng ókilderi. Mysaly, «Almaty jylu jelileri» JShS-ning bastyqtary kóbinese qazaq emes: onyng kommersiyalyq diyrektory – Marina Hohlova, jylu energiyasy satu basqarmasynyng bastyghy – Oksana Galilova, monitoring bólimining bastyghy – Yuliya Davydova, esep qúraldaryn baqylaytyn qyzmetining bastyghy – Dmitriy Fedukov jәne Namangan kóshesi, 39a, mekenjayynda ornalasqan energetikalyq jýiening mengerushisi – Oliga Lepilina. Sondyqtan da olardyng resmy sayty www.alts.kz tolyghymen Reseyding memlekettik tilinde jýrgiziledi. Siz orys tilin bilmeseniz, Reseyde tipti sypyrushy retinde júmysqa ornalasa almaysyz. Al, asa qonaqjay Qazaqstanda onyng memlekettik tilin bilmeytin bireuler tabysty әri yqpaldy lauazymdardy iyelenude.

Aytpaqshy, soltýstiktegi kórshilerimizding әngimelerine den qoyayyq. Biyl, tatar jurnaliysi men blogeri IYrek Murtazin ózining irek-murtazin.livejournal.com/1654216.html maqalasynyng astynda mynaday týsinikteme qaldyrdy: «Ya uje let desyati govoru o neobhodimosty audita senoobrazovaniya uslug JKH. U menya esti silinye podozreniya, chto ony bezbojno zavysheny....» Onyng oqyrmany, Peterburg blogeri colobus1.livejournal.com bylay jauap qaytardy: «Vashy podozreniya sovershenno opravdany. Inache kak obiyasniti stoimosti diyrektorstva v upravlyaiyshey kompaniy v million dollarov». Qazan qalasynda ómir sýretin bauyrymyz soltýstik Palimiranyng túrghysynan súrady: «Otkuda sifra?» Piyterlik bloger aitty: «Mne, kak stroiytelu, let pyati nazad predlagaliy». Kórdiniz be, qúrylys-kommunaldyq sharuashylyqtyng salasyndaghy lauazym iyelerining paraqorlyq qúny óte qymbat! Aqsha ainalymy jaghynan Almaty Peterburgpen shamamen teng týsedi, sondyqtan ontýstik astanamyzdyng da paraqor preyskuranty piyterlik baghalardan artyq bolmasa, kem týspeydi. Osy salanyng asa isker bir  adamy búrynghy Enbek jәne әleumettik qorghau ministri N. Korjovanyng kýieui A.Korjov edi. Búl Korjovtyng para alyp sottalghany turaly 1997 jyldyng 18 sәuirinde, «Karavan» gazetinde «Koe-chto o muje ministra Korjovoy» atty shaghyn maqala jaryq kórgen de bolatyn.

 

A. I. Korjovtyng tughan inisi Mihail de qarjy mәselelerining jilik mayyn ishken «qayratker». Ádette, qylmys jasap aiyptalghan kisilerding tughan-tuysqandaryn jauapty qyzmetterge taghayyndamaydy. Soghan qaramastan, Misha atyshuly «Almatyjer» memlekettik kommunaldyq kәsiporyny diyrektorynyng birinshi orynbasary bop istedi. Netken daryndy kisi! Bәlkim, búnday jauapty lauazymgha ornalasuy ýshin ol geodeziya, kartografiya men sәulet ónerining iygergen shyghar? Kim bilsin?  

Taqyrybymyzgha oralayyq. Bizdegi  jyryndy kommunalishikter neshe týrli әdister oilap tabuda. Mysaly, ystyq pen salqyn sudyng sanauyshtaryn bes jyl sayyn ózgertui nemese aqyly tekseristen ótkizui – búqara halyqty qanaugha arnalghan kezekti aila. Kezinde, su sanauyshtar  qanshama tútynushylarymyzdyng qarjy-qarajatyn ýnemdedi! «Sudyng da súrauy bar» demekshi, múqiyatty týrde eseptelgen sudy paydalanu otbasylyq budjetke sәl jenildik әkeldi. Al, tap sol kezde tabysy azayghan pysyqay kommunalishikter ýshin qiyn kezeng bastaldy. Degenmen,  olar taghy da iskerlik tanytty. Jaraydy, tútynushylar su sanauyshtary arqyly uaqytsha qarjy-qarajatyn ýnemdey bersin. Biraq, olardy әr bes jyl sayyn әlgi sanauyshtardy   ózgertuge resmy týrde mәjbýrleu kerek! – dep sheshti olar. Oghan qosa, tútynushylardyng jeke ómirine bas súghatyn baqylaushylardy da әr ýige jii jibere bastady.  Osy arada sheteldik tәjiriybege jýgineyik. Mәselen, Germaniyada su sanauyshtary synghansha paydalanylady. Sebebi, tehnikalyq qúral-jabdyqtardyng qyzmet merzimin qalay boljay alasyn? Mýmkin, ol bir jyl ishinde synady әlde jiyrma jyldan song isten shyghady. Sonymen qatar, pedant nemister de tútynushylardyng jeke ómirin syilap, jyl sayyn bir-aq ret qana su sanauyshtaryn kórsetkishterin tekseruge keledi.

Onay oljagha masattanghan bizding obyr kommunalishikter  osy kýni jana talap qoydy: Almatyda jiyrma segiz myng pәter ystyq sudan ajyratylady, eger olardyng iyeleri «qazaq» jer-suynyng qojayyndaryna qosymsha tólem jasamasa. Jemqor kommunalishikterding qaharyna ilingen pәter iyelerining biri – zeynetker Tolqynay Maqasheva. Onyng bolmashy zeynetaqysynyng mólsheri – otyz segiz myng tenge. Soghan qaramastan, búl kisi úqypty týrde pәteraqysyn tóleydi. Tipti, jylytu ýshin on tórt myng tengeni artyq tóledi. Onyng derbes shotynyng nómiri: 003922553. Tolqynay hanym ýnemi  su sanauyshtarynyng kórsetkishteri boyynsha tiyisti tólemderin jasaydy. Biraq, ghalymsymaq kommunalishikterding payymdauynsha T. Makashevanyng su sanauyshtary bayaghydan beri isten shyqty, sebebi әlgi bes jyldyq merziminen song olar auystyrylmady. Mýmkin, T. Maqasheva ózining kip-kishkentay pәterinde monsha ashyp alghan shyghar (әzil) Álde, onyng shaghyn ýiinde su shiykizatyna zәru óndiristik seh ornalasqan ba eken (әzil)? Qalay desek te, qúryghy úzyn qatygez kommunalishikter әlgi úqypty zeynetkerdi de boryshkerler qataryna qosyp, oghan birneshe ret «sotqa beremiz!» qaraqaghaz jiberdi. 

Áriyne, әlgi «qaraqaghazdaghy»  «qaryzdardyn» eleuli bóligi T. Maqashevanyng jalghan boryshy tәrizdes ótirik mindettemeler bolyp tabylady. 

Sayyp kelgende, QR bas prokurory retinde janadan taghayyndalghan Jaqyp Asanovqa qúlaqqaghys! Qúrylys-kommunaldyq sharuashylyqta oryn alatyn zansyzdyqtardy qatang týrde jazalau qajet. Siz 1997 jyldan 2001 jylgha deyin Qazaqstan Respublikasy Bas prokuraturasynda Bas Prokurordyng agha kómekshisi – Áleumettik-ekonomikalyq saladaghy zandylyqty qadaghalau basqarmasy bastyghynyng orynbasary, keyin osy basqarmanyng bastyghy retinde qyzmet ettiniz. 2006 jyly «Qazaqstan kommunaldyq jýieleri» AQ-nyng diyrektorlar kenesining tóraghasy retinde júmys istediniz. Sondyqtan, osy salany býge-shigesine deyin bilesiz. Kezinde, shyghyngha batqan «Qazatomónerkәsip»-ti halyqaralyq dәrejedegi kompaniyagha ainaldyrghan, myndaghan jana júmys oryndaryn úiymdastyrghan Múhtar Jәkishev on tórt jylgha bas bostandyghynan aiyrylghan. Múhang naqaqtan kýigen qazekeng ghoy... Al, milliardtaghan tengeni qymqyrghan kommunalishikterdi on tórt jyl týgil, on bes tәulikke eshkim otyrghyzbaydy. Sonymen qatar, parlament tarapynan osy saladaghy tәrtipsizdikterding qadaghalanghany jón.  Eng dúrysy, qúrylys-kommunaldyq sharuashylyqty memlekettik nemese qoghamdyq menshikke ótkizu kerek. Sebebi, býkil halqymyz ýshin ortaq baylyq – qúrylys-kommunaldyq sharuashylyq – bәzbireulerding offshor zonalaryndaghy esep-shottarynyng kózi bolmaugha tiyis! 

Daniyar NAURYZ

Abai.kz  

 

 

 

0 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1562
Alashorda

Qojanov mejeleu nauqanynda (Jalghasy)

Beybit Qoyshybaev 2253
Ghibyrat

Qaysar ruhty ghaziz jan

Múhtar Qúl-Múhammed 3516