Jerdi satu men jalgha beru mәselesine qatysty «Abai.kz» portalyna arnayy súhbat berip, kókeyimizdegi qordalanyp jatqan kóp súraqqa naqty әri dәleldi jauap berip, mәselening mәn-jayyn týsindiruge tyrysqan viyse-ministr Qayyrbek Óskenbaev myrza da keshe bastyghy Dosaevtyng sonynan otstavkagha ketkenin habarlaghan edik.

Últtyq ekonomika ministrligining basshysynyng búrynghy orynbasary Qayyrbek Óskenbaev otstavkagha ketui jayly pikirin jәne endi nemen ainalysatynyn aitty, - dep habarlaydy Tengrinews.kz sayty. 

«Óz kezinde senim bildirgen Memleket basshysyna zor alghysymdy bildiremin - men eki ret viyse-ministr boldym, birinshisinde turizm jәne sporttyng viyse-ministri, ekinshisinde últtyq ekonomika viyse-ministri boldym. Otanymnyng iygiligi ýshin júmys isteuge mýmkindik bergenine alghys aitamyn. Áriyne, ýkimet pen ministrimning senimin aqtamaghanym ýshin Memleket basshysynan keshirim súraymyn. Óz otstavkama tek jaqsy jaghynan qaraymyn jәne maghan qatysty dúrys sheshim qabyldandy dep esepteymin», - dedi Óskenbaev. 

Qayyrbek Aytbayúly otstavkagha ketken song naqty nemen ainalysatynyn aitpaghanymen, biraz uaqyt demaludy jón kórgen sekildi.

«Ázirshe eshtenemen ainalyspaymyn, kishkene bolsa da demalamyn, sodan keyin óz qyzmetimdi úsynamyn, jeke sektorgha baratyn shygharmyn», - dedi eks-viyse-ministr.

Ol Memleket basshysynyng Jer kodeksining naqty qay tórt normagha moratoriy jariyalaghany jayly aitqany turaly súraqqa jauap berdi.

«Qazir onda jer komissiyasy júmys istep jatyr, olar qay normalar jayly sóz bolghanyn anyqtaydy, meninshe bilikti mamandar mәseleni sheshedi», - dedi Qayyrbek Óskenbaev.

Ayta keteyik, osyghan deyin Qayyrbek Óskenbaev viyse-ministr bolyp túrghanda jer zannamasyna qatysty b»zding portalymyzgha ekskluzivti súhbat berip, 49 jylgha jalgha alyp otyrghan sharualardyng jerlerin eshkim tartyp almaytynyn týsindirgen edi (http://abai.kz/post/view?id=7649).
Abai.kz