Halyqaralyq auyr atletika federasiyasy (IWF) Qazaqstangha 50 myng dollar kóleminde aiyppúl saldy. Osyghan deyin búqaralyq aqparat qúraldarynda qazaqstandyq auyr atletter doping qoldandy degen kýdikke ilingendigi turaly aitylghan bolatyn. Búl turaly «abai.kz» portaly  Azerisport.com saytyna silteme jasay otyryp habarlaydy.

Halyqaralyq auyr atletika federasiyasy (IWF) aiyppúldardardy kýdikti sportshylardyng sanyna qatysty eseptegen. AQSh-tyng Hiuston qalasynda ótken әlem chempionatynda jarys erejesin búzyp, doping qoldandy degen aiyp әzirbayjandyq 6 atletke, reseylik 4 atletke, Qazaqstan, Moldava jәne KHDR-dan 9 sportshygha taghylghan bolatyn.

Halyqaralyq auyr atletika federasiyasy (IWF) Ázirbayjangha 200 myng dollar, Reseyge 100 myn, Qazaqstan, Moldova jәne KHDR-gha 50 myng dollardan aiyppúl salghan.

Federasiya talaptary boyynsha, atalghan memleketter jarys erejesin óreskel búzghany ýshin sanylghan aiyppúldy tólemese, 2016 jyly Rio-da ótetin Olimpiada oiyndaryna berilgen olimpiadalyq liysenziyadan aiyrylady.

Esterinizge sala keteyik, osynyng aldynda Halyqaralyq auyr atletika federasiyasy (IWF) tarapynan qazaqstandyq ýsh sportshygha әlem chempionatynda jarys erejesin búzyp, doping qoldandy degen aiyp taghylghan. Olar:  Hiuston chempionatynyng kýmis jýldegeri – Almas Óteshov, qola jýldeger – Jasúlan Qydyrbaev pen Ermek Ómirtay.

Osyghan baylanysty biz qazaqstandyq sport jurnalisterining jәne mamandardyng pikirin bilgen bolatynbyz.

Ruslan Medelbek, sport jurnalisti:

- Doping izi tabyldy. Demek, Qazaqstangha aiyppúl salynady. Qazaqstan doping erejesin búzdy. Sportshynyng kýdikke ilinuining ózi doping erejesin búzu bolyp sanalady. Al Qazaqstan aldaghy uaqytta qalayda sportshylarynyng taza ekenin dәleldeui qajet. Biraq búl óte qiyn jaghday. Qalay bolghanda da Halyqaralyq auyr atletika federasiyasy "Qazaqstannyng ýsh sportshysy doping qoldandy" degen kýdiktiler tizimine engizdi. Tizimge enuding ózine aiyppúl salyndy. Dopingting ekinshi tekserisining qorytyndysyn shygharugha shamamen 2-3 ay kerek. Ol birden shygha salmaydy. Sportshylar men Qazaqstan auyr atletika federasiyasy "biz tazamyz" deydi, al Halyqaralyq auyr atletika federasiyasy óz sheshiminen taymaydy. Naqty sheshimdi ekinshi tekseristen keyin alamyz. Ol sheshim Qazaqstan sportshylarynyng doping qoldanghanyn dәleldese onda oghan kónuge tura keledi. Al taza shyqsa onda Almas Óteshov pen Jasúlan Qydyrbaev Rioda altyn men kýmisti eshkimge bermeydi. Barlyghy Qazaqstan ýshin sәtti ayaqtalady dep ýmitteneyik

Aleksey Ni, Auyr atletikadan Qazaqstan qúramasynyng bas bapkeri:

- Búl jigitter auyr atletikagha keshe ghana kele salghan adamdar emes. Qydyrbaev әlem chempiony boldy. Óteshov jyl sayyn kýmis medali alyp keledi. Mysaly, Aziya oiyndary men Álem chempionatynda eki ret kýmis aldy. Búlar jogharghy klasty sportshylar. Aqylgha syimaytyn dýniye. Hiustongha sportshylarymyzdy dopingpen dayyndaytynday aqymaq emespiz. Búl jigitter Rio Olimpiadasynda Altyn men kýmisti ózara sarapqa salatyn edi. Osylaysha, qazaqtan túnghysh Olimpiada chempiony shyghatyn edi. Bizge qarsy qasaqana jasalyp otyr. Saraptamany chempionat ótken AQSh-ta emes, Kelidegi zerthanada jasauy tiyis. Biz de óz mýddemizdi qorghaymyz. Áli sheshim shyqqan joq. Aqyrghy sheshimdi Federasiya aitady. Men qaytalap aitamyn. Búl jerde Qadyrbaev pen Óteshov jeuge bolmaytyn nәrseni jep qoydy degen aqylgha syiymsyz. Búnda sayasat jatyr. Bizding sportshylar Rio Olimpiadasynyng basty favoritteri. Olardyng jolyn kesu kimderge tiyimdi? Bәrine. Hiustondaghy chempionattyng aldynda kóp sózder aityldy. Álem chempionatyna Resey men Qazaqstan sportshylary kelmeydi dedi. Sebebi, doping zertteudi AQSh mamandary jasaydy. Olardyng sayasy ústanymdary sәikes kelmeydi. Sondyqtan Resey men Qazaqstan chempionattan bas tartty degen sózder kóp aityldy. Mening pikirim – búl qastandyq. Biz qansha jyldan beri qazaq últynan túnghysh chempion әzirleu ýshin ter tóktik.  Qydyrbaev túnghysh әlem chempiony boldy. Endi Olimpiada chempiony bolatyn qos birdey sportshymyz – Almas pen Jasúlannyng jolyn kesip otyr. Biz әli óz mýddemizdi qorghaymyz. Búl jigitterge qiyanat jasaugha bolmaydy.

Núrgeldi Ábdighaniyúly

Abai.kz