Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
Bilgenge marjan 3459 0 pikir 29 Qañtar, 2016 sağat 12:25

«QAZAQ HANDIĞI» SERIALIN ŞETELDİK JURNALIST «TAQTAR OYININA» TEÑEDİ

«Qazaq handığı» serialına özge elderden qızığuşılıq bildirip jatır.

Amerikalıq jurnalist Djoanna Lillis Eurasianet.org saytında jariyalağan materialında qazaq serialın äygili «Taqtar oyınına» teñegen. Avtor jazbasında «Qazaq handığı» älemdegi eñ tanımal telejobalardıñ biri — «Taqtar oyınına» bäseke bola alatının jazğan, sonday-aq avtor qazaqstandıq serialdıñ syujeti ğana emes, vizualdıq estetikasınıñ da tartımdı ekenin atap ötken. Bwl turalı Today.kz jazdı.

Al QR Mädeniet jäne sport ministrligi taratqan aqparatqa säykes, «Qazaq handığı» serialına Qıtay telearnaları qızığuşılıq tanıtıp otır. Äzirge naqtı eşteñe aytılmaydı, biraq Qıtay telearnalarınıñ birine satu turalı kelissözder jürgizilip jatqan körinedi. Jalpı bwl telefil'mge basqa elderden de qızığuşılıq bar eken, sol sebepti serial qazaqşa tüsirilse de, keyin orıs, türik jäne ağılşın tilderine dublyajdalatın boladı.

Qazaq memlekettiginiñ 550 jıldığına arnalğan «Qazaq handığı» serialınıñ tüsirilimi 2015 jılı küzde bastaldı. Kartina rejisseri — Rüstem Äbdiraşev, bastı rölderge elimizdiñ köptegen tanımal akterleri qatısıp jatır. Prem'erası 2016 jıldıñ naurız ayına josparlanğan. Deval'vaciyağa baylanıstı fil'm tüsirilimi biraz qiındıqqa wşırap, akterler gonorarın ala almay jürgendigi jaylı jazğan bolatınbız. Qarjı tapşılığına baylanıstı, halıqtan kömek swrap, kraudfanding jüyesimen aqşa jinalatını da habarlandı. Qazaqeli550.kz saytındağı aqparatqa sensek, qazir 100 million teñgeden astam jılu jinalğan.

Derekközi: baistars.kz

Abai.kz

 

0 pikir