Júma, 21 Mausym 2024
Biylik 3680 0 pikir 19 Qyrkýiek, 2015 saghat 02:00

OQO: "KERUEN SARAY" TURISTIK JÁRMENKESI ÓTTI

Keshe Ontýstik Qazaqstan oblysy әkimdigining úiymdastyruymen «Keruen saray» – «Silk Road Fair» respublikalyq turistik jәrmenkesi bolyp ótti. Almaty, Aqmola, Jambyl, Aqtóbe oblystarynan kelgen sala mamandary Shymkenttegi «Kórme» zalyna tek maqtauly degen dýniyelerin әkelipti.

Jәrmenkening ashylu saltanatynda oblystyq kәsipkerlik, industriyalyq-innovasiyalyq damu jәne turizm basqarmasynyng basshysy Bauyrjan Omarbekovting atap ótkenindey, ónirimizdegi turistik baghyttardy damytu men tiyimdi kelisimsharttar jasasugha osynday jәrmenkeler mol mýmkindik beredi. Mәselege erekshe mәn berilip otyrghandyghynan bolar, jәrmenkening júmysymen jiti tanysu ýshin Astanadan QR Investisiya jәne damu ministrligining Turizm jónindegi departament diyrektory Ásel Mamajanova kórmege arnayy kelip qatysty.

Bizding oblys Qazaqstanda turizm salasyn damytuda 4 baghyt boyynsha júmys isteytin birden-bir ónir. Olar – ziyarat etu turizmi, ekologiyalyq turizm, emdeu-sauyqtyru turizmi jәne balyq, ang aulau turizmi. Búl baghyttardyng manyzdylyghy erekshe eskerilgenimen Ontýstikte salany damytu men naqty sharalar kóru qadamy songhy kezden beri ghana qarqyn ala bastady.

Ekonomikany damytuda basymdyq berilgen sala retinde syrtqy turizmmen qatar bir kezderi túralap qalghan ishki turizmning tynysyn ashuda basqarmanyng aldaghy kýnge josparlaghan naqty is-sharalary da joq emes. Oblysta tarihy jәne mәdeny 802 eskertkish bar. Onyng 530-y arheologiyalyq, 44-i tarihi, 228-i – sәulet eskertkishi sanatynda.

Ónirimizge shetelden turist tartu men ishki turizmning kórsetkishi songhy kezderi edәuir jaqsarghany, óskeni bayqalady. Ásirese, «Tau samaly» aspaly joly, «Ibragim ata», «Qarashash ana», «Mariyam ana», «Ysqaq ata», «Ismail ata» kesenelerin jóndeu jәne qayta qalpyna keltiru júmystary jýrgizilip, búl nysandardy «Jibek joly» ortalyghynyng tarihy damytu» baghdarlamasyna engizgeli turisterding qyzyghushylyghy artqan. Turistik nysandardy qarjylandyru ýshin tartylyp otyrghan investisiyalyq jobalar da az emes. Sonday jobalardyng arqasynda Otyrar audanynda – 5, Sayram audanynan – 2, Tóleby audanynan – 1, Týrkistan qalasynan 5 nysannyng júmysy jandana týsken.

– Turisterding kóptep keluine әser etushi sebepter – «Keruen saray» – «Silk Road Fair» syndy jәrmenkeler men halyqaralyq turistik kórmeler úiymdastyru, yntymaqtastyq jolymen investisiyany damytu, talapqa say qonaqýy jәne turistik qyzmet kórsetu sapasyn jogharylatu, – deydi oblystyq kәsipkerlik, industriyalyq-innovasiyalyq damu jәne turizm basqarmasynyng basshysy Bauyrjan Omarbekov.

«Keruen saray» – «Silk Road Fair» respublikalyq jәrmenkesinde de birneshe memorandumgha qol qoyylyp, «Riksos Hadisha Shymkent» qonaqýiinde «Ekspo–2017 kórmesin ótkizudegi ónirlik turizmning róli» jónindegi forumnyng túsauy kesildi. Oghan oblys әkimining orynbasary Saparbek Túyaqbaev qatysyp, әlemde bir ghana turizmnen tenge tauyp, bayyp otyrghan memleketterding az emestigin, búl orayda Qazaqstannyng da mýmkindikteri mol ekendigin, onyng ishinde Ontýstikting alar orny orasan ekendigin atap ótti. Turistik jәrmenkege arnayy Europa elderinen kelgen turizmdi damytu salasynyng mamandary joghary qyzyghushylyq tanytty. Jәrmenke ayasynda sonday-aq «Shymkent Konvenshn ortalyghynyn» da ashyluy bolyp, tanystyrylymy ótti.

Jәmila MAMYRÁLI

Abai.kz

0 pikir