«Jer kodeksine» auylsharuashylyghy alqaptaryn satu jóninde arnayy ózgeris engizildi dep habarlaydy «Qazaqstan» arnasynyng janalyqtar qyzmeti. Jer kodeksine jasalghan týzetuler sharualar arasynda talqylanyp jatqanyn eske salghan Últtyq arna tilshisi Ekonomika ministri Erbolat Dosaevtyng sózine sýiene otyryp,  búdan bylay qazaq jeri auksion arqyly  satylatynyn habarlady.

Jer telimderi aldymen aghylshyn tәsili arqyly auksiongha týsedi. Ótpegen jaghdayda, bastapqy qúnynan  50 payyzgha deyin tómendep, gollandyq әdis boyynsha iyesin tabady. Al, jalgha berilip kelgen jerler osy uaqytqa deyin paydalanghan iyelerine jenildikpen satylady.

«Qazir, elimizde 100 millionday gektar jer úzaq merzimdi jalgha alynghan. Al, jeke menshikte bar – joghy 1,2 payyz», -  deydi ekonomika ministri  Erbolat Dosaev.

Qysqasy, kәri tarihta «Úly dala» atalghan, bahadýr babalarymyz qytaymen, oryspen, jonghar-qalamaqpen, sart-sauanmen qidalasyp jýrip alyp qalghan baytaq jerimiz endi býgingi kópúltty qazaqstandyqtardyng jeke menshigine ainaludyng aldynda túr. Jalgha alghannan góri menshiktegi jerding qadiri artyq ekendigin dәn egip, biday oryp jýrgen aghayyn jaqsy biledi. Mysaly, «Qazaqstan» arnasynyng tilshisine jayqalghan eginjay alqabynda, masaghy mayysqan qalyng bidaydyng ortasynda túryp súhbat bergen  Anatoliy Usolkin deytin kisi: «Jalgha alghan jerge iyesi dúrys qaramaydy. Paydalanady, sodan song tastap kete beredi. Al, jer jekemenshik bolsa, ony kýtip-baptaydy, tozdyrmaydy», - degendi aitady.

Anatoliy Usolkin keshegi qara shekpendilerding úrpaghy bolsa kerek. Bәlkim, Lev Tolstoydyng «Adamgha qansha jer kerek?» atty shygharmasynda beymәlim dalagha ketip qalghan bas keyipkerding kinidiginen taraghan әuletten shyghar. Ony tergep, teksermeymiz: óitkeni bizde «ortaq tarih pen taghdyr qosqan» júrttyng qarasy qalyn. Elimizde mәselenki, oroshtar men yukagirler, saamdar men selikupter, udegeyler men vepter de (t.b.) 150 últtyng biri atanyp, ómir sýrip jatyr (Myna siltemege qaranyz: (http://old.abai.kz/content/kazakstan-khalky-oroshtar-saamdar-selkupter-udegeiler-yukagirler ). Qazaqstan Respublikasynyng azamattary retinde olar da shamasy jetse, jerdi satyp alyp, iygiligin kóruge qaqyly.  Múnyng syrtynda synaryn qazaqstandyq qyz-kelinshekterding arasynan tauyp, Qazaqstannyng azamattyghyna qol jetkizgen hanzular men EAEO-nyng ayasynda ayaqty alshang tastap jýrgen soltýstiktegi kórshilerimiz de ekonomika ministri jariya etken 100 million ga jerdi auksionda oinatuy әbden mýmkin. Degendey-aq, QHR-gha resmy barghan saparynan oralghan bette Elbasymyzdyng ózi 15 mln ga jerding bos jatqanyn eskertken edi. Sonyng izinshe, mine, 100 mln.ga jerdi naqty iyesin tauyp jekeshelendiruding qajettiligi kýn tәrtibine shyghyp,  «Jer kodeksine» auylsharuashylyghy alqaptaryn satu jóninde arnayy ózgeris engizilip te ýlgerdi.

Qazirgindey qysyltayan, qiyn shaqta qolynda qarjysy bar adam jer saudasynan kóp útary sózsiz. Al, jerdi jekemenshikke satudan týsken payda әlemdik daghdarys pen Reseyge salynghan sanksiyalardyng salqynyn sezip otyrghan Qazaqstannyng budjetine kiris kirgizui mýmkin. Biylikting jappay jekeshelendirudi tezdetuge pәrmen etuinde, mine, osynday astar bolsa kerek.

Abai.kz