Keshe kezekti maqalamyz "Egemenge" shyghyp, el-júrttan Erjan Baytiles bauyrymyz sýiinshi súraghany mәlim. San qily soghystarda zorlyqqa tap bolghan әiel zaty turaly kórgen, jighan derekterimizdi ózegimizden órip shygharyp edik. Bir tarauy tolyq jәne bir tarauynyng manyzdy sóilemderi qysqarghanyn, yaghny zombylyq bolghanyn әdepki jaghday retinde qabyldadyq. "Bastan qúlaq sadaqa" degen maqal - bizding ómirlik ústanym. Múndayda Jarylqap Beysenbay aghamyz "keyin tolyq qalpynda kitabyna kirgizesing ghoy" dep júbatatyn. Aqsuattaghy auyldyng tilimen "týk te etpeydi". 
IYә, bizding auylda barmaghyndy baltamen shauyp alsang da aghalaryng "týk te etpeydi" dey salatyn. Bizding eki-ýsh barmaqta solay "týk te etpegen" baltanyng izderi bar. Tughan aghamyzdyng bizdi qorqytpaq bolyp janymyzdaghy tasqa atqan oghy yrshyp kelip ong ayaqtaghy jilinshigimizdi shaghyp ótkende de "týk te etpegen". Búl jaghdaydy ata-anamyz da bilmey qalghan. "Shóp qorada alysqanda aiyrdyng eki úshy kirip ketti" dey salghanbyz. Onyng qasynda ýlken maqalanyng tórt tarauynyng birin qysqartu tastau shynynda "týk te emes". 
Biz... odan sayyn shyndala týsemiz."Al myqty bolsandar mynanyng bir tarauyn alyp tastandarshy" dep ózimiz artyq sóilem túrmaq artyq sózin bes qaytara qyrqyp, armansyz sýzgiden ótkizgen, teneumen aitqanda: aldymen qazanda qaynaghan, odan ýstine ýlken qara tas bastyrylghan qapta sýzilgen, odan anamyzdyng qayratty alaqanynda kýlshe týrine týsip syghylghan, aqyr ayaghynda jazghy kýn astyndaghy órede keptirilgen qúrty siyaqty maqalamyzdy joldadyq. Ol da tórt tarau. Áy, búl joly qysqartsa odan da shymyr qysqartylmastay etip jazatynymyz haq. 
Árbir syn adamdy shiratuy kerek. Qysqartugha úshyraghanyng - sheberlikting shynyna jetpegenin. Jol ortada bolbyrap, bosap jatqanyn. Árbir qysym - týptep kelgende ziyan emes, payda. Solay. 
Sonymen "Kómilgen "Boran" men kóringen "Boran" atty maqalamyzdy keshe keshkisin, sәtti kýni sәrsenbide ejelgi basylym "Egemenge" qaray attandyrdyq ta, sóremizde taghy kepken qúrt túruy ýshin irkit toly bóshkemizding birine kóz saldyq. Aughan soghysynda ózi jәsir bolyp, elge sonyng atymen basqa adamnyng mýrdesi kelgen Bochkin jayyndaghy hikaya. Jiyrma tórt jyl búryn "Bir tabyttaghy - eki taghdyr" dep qalam terbeppiz. Artynan "Jazylghan jaydyng janghyryghy" degen aidar ayasynda "Aughan qúrbandary - aldau qúrbandary" dep taghy jazyppyz. Shiyrek ghasyr ishinde búl irkit bóshkesi irkildep taghy tolypty. Qazangha qotaryp qaynatugha dayyn. Týste mindetti týrde oinaytyn tenniysimizden keyin qashyp-pysyp monshagha baryp, tәnimizdi tazartyp alsaq, jazugha otyramyz. Al janymyz... әrbir jazghan sayyn óz-ózinen tazaryp túrady. Sol ýshin de jazamyz. 
Bizdiki - jazu. Erjan Baytiles bauyrymyzdyng mekemesining mindeti - qysqartu. Oghan esh kirәjimeymiz. Jalpy, búl bauyrdyng bizding qysqartugha úshyrauymyzgha esh qatysy joq. Qayta onyng da osynday qysqartugha úshyraytyny dausyz. Tek biz siyaqty aighaylap aitpaydy, ishinde jatyr. "Bas jarylsa - bórik ishinde" emes pe. Sonda ekeumizding jayymyzdy taghy bir maqalmen sipattasaq, "aylas qatyn - múndas". O-o, qazaqtyng maqaly, qalay-qalay qalam úshyna qúiyla beredi. 
Hosh, sher tarqady. "Birdin" ishindegi "eki" atty kólemdi maqalagha týs aua kirisemiz. 

Qaynar Oljay

Facebook-tegi paraqshasynan