Shymkentting irgesindegi «Mәrtóbe» qoqys poligonyna baylanysty jergilikti túrghyndar búqaralyq aqparat qúraldary arqyly óz narazylyghyn bildirgen bolatyn. Osy týiitkildi mәsele tónireginde Shymkent qalalyq túrghyn ýi-kommunaldyq sharuashylyq bólimining basshysy Mәlik Ábdinúrov BAQ ókilderine arnayy brifing úiymdastyrdy. 

Eske salar bolsaq, ekologiyalyq retteu jәne baqylau komiytetining Ontýstik Qazaqstan oblysy boyynsha ekologiya departamentining 3 aqpandaghy №297 búiryghymen Qaratau audany túrghyndarynan jinaqtalghan túrmystyq qaldyqtar tolyghymen «Mәrtóbe» poligonyna tasymaldanyp kelgen. Biyl atalmysh poligongha jobamen 39 myng tonna túrmystyq qaldyqtar tóguge rúqsat etilgen. Qazirgi tanda «Taza qala» MKK-ning sheshimimen múnda kýnine 23-25 tonna kólemde qaldyq tasymaldanuda. Yaghny orta eseppen qoqys jinau alanshasyna әr kýni jetkizilgen qaldyqtar kólemi 10-13  jýk kóliginen aspaydy. 
Shymkent qalasynyng tazalyghy men kóriktiligine basa mәn bergen qala  әkimi Ghabidolla Ábdirahymov poligon aumaghyna jaqyn ornalasqan túrghyndardyng talabyn eskere otyryp, osydan bir ay búryn atalmysh poligondy kóshiru turaly tapsyrma bergen bolatyn. Sebebi, atalmysh poligon ondaghy kópqabatty ýilerden nebәri jarty shaqyrym qashyqtyqta ornalasqan. Qazir jauapty sala mamandary jana qoqys paligonynyng ornyn qarastyruda. Jana oryn anyqtalghan jaghdayda, Mәrtóbe qoqys paligony tolyghymen jabylmaq. 
Búl mәsele sәikesinshe әleumettik shiyelenistik tuyndauyna alyp keluin eskere otyryp qala әkimdigi tarapynan Mәrtóbe eldi mekenining qoldanystaghy qoqys poligonyna qosymsha 2,15 gektar jer telimin bólu júmystaryn qolgha aluda. Ári poligon territoriyasyna jaqyndap ketken túrghyn ýiler men qoqys tastaytyn jerding ara qashyqtyghyn 2005 jylghy №137 búiryq talaptaryna sәikestendiruge mýmkindik berip, sanitarlyq ara qashyqtyqty 502 metirden kemtpeudi qadaghalauda.  
Sonymen qatar qosymsha bólinetin jerding qorshauyn qalpyna keltiru jәne dezinfeksiyalyq shúnqyrdyng (dezinfeksionnaya yama) qúrylysy jýrgizuge tiyisti tapsyrmalar berildi. Qosymsha bólingen jer telimining syiymdylyghy 3 jylgha eseptelgen. Osy uaqyt kezinde qala әkimdigi tarapynan atalghan aumaqtargha qyzmet kórsetetin jana poligongha jer telimin izdestirip bólu jәne investorlardy engize otyryp óndeytin zauyt qúrylysynyng júmysyn jýrgizu josparlanuda.

Abai.kz