Beysenbi, 28 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4893. Qaytıs bolğandar — 37
Jañalıqtar 2002 0 pikir 27 Qazan, 2015 sağat 11:33

NARIMBAEV QAMAUDAN BOSATILMADI

Almatı qalalıq sotınıñ apellyaciyalıq kollegiyası «wlt arazdıqtı qozdıru» babı boyınşa küdikti dep tanılğan azamattıq belsendi Ermek Narımbaevtı twtqındau turalı sot şeşimine qarsı apellyaciyalıq arızdı qabıldamadı.

​Sud'ya Ardaq Eşeev Narımbaevtıñ apellyaciyalıq arızın BAQ jäne qoğamdıq wyımdar ökilderiniñ qatısuınsız qarau turalı qaulı şığardı. Qamauda otırğan Narımbaev sotqa şaqırılğan joq. Ermek Narımbaevtıñ advokatı Janar Balğabaeva Azattıqqa bwl sottıñ soñğı şeşimi ekenin habarladı. Ol «is oñ şeşilmegen jağdayda adam qwqıqtarı jönindegi BWW komitetine şağım beriletinin» ayttı.

Ermek Narımbaev 12 qazan küni Almatıdağı üyine tintu jürgizgen soñ wstalğan. Sot onıñ üyqamaqta qaldıru nemese kepilge bosatu turalı ötinişin qanağattandırmay, 15 qazanda eki ayğa twtqındau turalı şeşim şığarğan.

Ermek Narımbaevpen qosa jäne tağı bir azamattıq belsendi Serikjan Mämbetälin de Facebook äleumettik jelisinde avtorı Mwrat Telibekov delingen basılmağan kitaptıñ üzindilerin jariyalağanı üşin jauapqa tartılğan.

26 qazanda qalalıq sot Serikjan Mämbetälinniñ de twtqındauğa qatıstı apellyaciyalıq arızın qanağattandırmadı.

Ermek Narımbaev bilikti sınağanı üşin birneşe märte jauapqa tartılğan, «rwqsat etilmegen narazılıq şarasına qatısı bar» degen ayıppen äkimşilik twtqında bolğan. Serikjan Mämbetalin özi basqarğan «Ruhaniyat» partiyası 2011 jılğı parlament saylauına qatısudan şettetilip, partiya törağası qızmetinen bosatılğan soñ äleumettik jelilerde bilikti jii sınap pikir jazğan.

Abay-aqparat

0 pikir