Särsenbi, 8 Säuir 2020
COVID-19 QAZAQSTANDA. Jwqtırğandar — 704. Jazılğandar — 51. Qaytıs bolğandar — 6
Bizdiñ şeneunik 4303 0 pikir 29 Qazan, 2015 sağat 08:15

ÄKİMDER QAYDA TWRADI?

Köbimizdiñ köñilimizde jürgen köp swraqtıñ biri: oblıs äkimderi qayda twradı? Bir biletinimiz joğarğı şendi äkimder üşin memlekettik rezidenciyalar bar. Al, atalğan «qorğan - saraylar» memlekettik byudjetten qarjılandırıla ma, älde, olardıñ  bar şığını äkim mırzalardıñ qaltasınan  ötele me? Tipti, keybir derekközderine süyensek, osınday rezidenciyalardıñ memleketke aytarlıqtay borışı da bar - mıs.

informburo.kz saytınıñ aqparattarına süyensek, OQO, SQO, BQO, Mañğıstau, Qarağandı, Qızılorda jäne Aqtöbe oblıstarında äkimderge arnalğan arnayı  memlekettik rezidenciyalar joq eken. Al Qızılorda oblısı äkiminiñ baspasöz qızmetiniñ aytuınşa, Qırımbek Eleuwlı atalğan oblıstıñ tuması bolğandıqtan, äke-şeşesinen mwrağa qalğan öz üyinde twradı. Aqmola jäne Şığıs Qazaqstan  oblıstarında da mwnday rezidenciyalar joq deydi äkimdiktegiler. Al oblıs basşıları memlekettik twrğın üy bağdarlaması boyınşa berilgen jeke baspanasında twradı eken. Äkim mırzalar kommunaldıq jäne özge de şığındardı öz jalaqısınan töleydi. Sendik, bwğan da.

Endi qay äkim qayda twartının şolıp köreyik.

 Pavlodar oblısı

Pavlodar oblısınıñ äkimi Qanat Bozımbaev mırza tergeu jwmıstarınıñ ayaqtalmağanın jeleu ete otırıp, jurnalisterdiñ saualına jauap beruden bas tartqan eken. Dese de, Qanat mırzanıñ rezidenciyası Kenjeköl auılında ornalasqanı mälim boldı. Mälim bolmay  qaytsin?! Bwl anau-mınau emes, atı şulı rezidenciya ğoy.  Äneu bir äleumettik jelige keñinen taralıp ketken beyne roliktegi rezidenciya osı kisige tiesili. Äkim mırza men onıñ balasın bopsalağandar isi äli tüyindelmegen soñ Qanat Bozımbaev ta rezidenciya turalı aqparat beruden bas tartsa kerek. Tüsinistikpen qarayıq, oğan da. Degenmen, sputnikten tüsirilgen mına bir surette Qanat mırzanıñ «aq üyi» memleket basşısınıñ resmi rezidenciyasınıñ däl qasında ornalasqanı körsetilgen. Tipti, birneşe twrmıstıq ğimarattar men tennis kordı jäne tikwşaq alañşası da salınğan eken:

 Almatı oblısı

 Al, Almatı oblısı äkimi Amandıq Batalov mırzanıñ baspasöz qızmeti bir degennen Taldıqorğan qalasında rezidenciya bar ekenin aytıp bergen. Aytpaqşı, Amandıq mırzanıñ «aq sarayı» oblıstıq byudjet esebinen qamtamasız etiledi eken. Jılına 12 million teñge jergilikti byudjetten osı bir rezidenciyanı wstap twruğa bölinedi. Biraq, bwl rezidenciyada qanday da bir merekelik şaralar nemese jeke basqa qatıstı keşter ötkizuge tıyım salınğan.

Al äkim mırzanıñ apparat basşılığınıñ aytuınşa, bwl saraydı küzetuşiler üşin jalaqını memleket tölemeydi. Sonday-aq, oblıs äkimi bwl rezidenciyada köp uaqıt bolmaytındıqtan, ğimarat tek resmi şaralarğa arnalğan. Al kommunaldıq şığındar ortaşa eseppen jılına 451 400 teñgeni qwraydı.

 Almatı qalası

Almatı qalalıq äkimşiligindegiler de qalada rezidenciya bar ekenin aytqan. «Almatı qalasındağı rezidenciya Respublika alañınıñ mañında ornalasqan. Ğimarat jergilikti byudjetten qarjılandırıladı. Bwl resmi rezidenciya bolğandıqtan aulada merekelik şaralar ötkizilmeydi»,-deydi äkimdiktegiler.

 Jambıl oblısı

Mwnday rezidenciya Taraz qalasında da bar bolıp şıqtı. Ol da memleket qazınasınan qarjılandırıladı.

 Atırau oblısı

Al Atırau oblısı äkiminiñ baspasöz qızmetiniñ habarlauınşa, oblıs äkiminiñ rezidenciyası turalı soñğı kezderi jii jazıp jatqandığın aytıp, qanday da bir aqparat beruden bas tartqan.

 Tüyin: Äkimderdiñ köpşiligi ötirikti şınday, şındı Qwday wrğanday etip söyleytinin büginde ekiniñ biri biledi. Ras, qoy. Olar sendiredi. Biraq,  şındıqtı aytarğa köp äkimniñ batılı jetpeydi.  Äsirese, qanşa jalaqı alatını men qayda twratını turalı lajı bolsa jaq aşpauğa beyim. Biraq, biz joğarıda mısalğa keltirgen äkimder memleket esebinen qarjılandırılatın üylerde twratının moyındadı.  Aq saray, qımbat kölik, qara közildirik  pen täuir kiim talay äkimniñ bügingi kelbeti. Sırtqa sır aldırmaudıñ sırı bwl. Olar rezidenciyalarda, jaylı üylerde twradı. Olar qala köşelerindegi keptelisterdi kesip ötedi. Sebebi, «soprovojdeniyası»  bar. Auıl-qıstaq twrğındarınıñ hal-jayınan da habarı şamalı. Olardıñ ädetki äleumettik twrmıstı bayqay bermeytini de sondıqtan...

 Nwrgeldi Äbdiğaniwlı

Abai.kz

 

0 pikir