Särsenbi, 1 Säuir 2020
Jazdım-jañıldım... 3111 0 pikir 29 Qazan, 2015 sağat 11:18

AHMETOV İSİ: BYUDJET AQŞASIN WRLAU


28 qazanda Qarağandı oblıstıq sotında Ahmetov isi boyınşa kuägerlerden sotta jauap alu jalğasıp, qılmıstıq istiñ bastı keyipkerleriniñ biri – käsipker, «Eco-treatment systems» kompaniyasınıñ direktorı Duman Nwrbaev sotqa tüsinik berdi. Öz sözinde ol byudjet aqşasın wrlau sızbasına Qarağandı oblısınıñ äkiminiñ eks-orınbasarı Ğabit Mwhambetovtiñ belsene qatısqanın jetkizdi. Ayta ketelik, äri sottaluşı äri kuäger retinde sotqa deyingi tergeudegi jauaptarında ol bwl jaydı aytpağan bolatın.

Sot zalında ol 2010 jılı «Eco-treatment systems» kompaniyasın qalay qwrğanın, 2011 jılı «Centr-stroy komplekt NS» JŞS-niñ jaldamalı direktorı E. Asanovpen jäne Qazaqstandıq önerkäsiptik korporaciyanıñ vice-prezidenti Ä.Aqmoldaevpen qalay tanısıp, iskerlik qarım-qatınas ornatqanın äñgimeledi. Aytuınşa, onıñ özi men kompaniyasın Qarağandı qalasınıñ industrialdıq parkindegi şaruaşalıq-twrmıstıq suağarlardı tazalaytın stanciya jobasına Ä.Aqmoldaev şaqırğan. Ol birden kelisimin beredi. Keyinirek D.Nwrbaevtı Qarağandı oblısı äkimdiginiñ ğimaratında ötetin jinalısqa şaqıradı. Oblıs äkiminiñ orınbasarı Ğ.Mwhambetov ötkizgen jinalısqa Ä.Aqmoldaev, E.Asanov, A.Esse, V.Leven qatısıp, twrmıstıq ağın sulardı tazalau jüyesin salu mäselesi talqılanadı. Osı basqosuda Ğ. Mwhambetov çeh tehnologiyasınan bas tartıp, «Eco-treatment systems» kompaniyasınıñ jobasın jüzege asırudı wsınadı. 

Kuägerdiñ aytuınşa, bwl mäsele aldın-ala şeşilip qoyıptı. Ol osı mäsele jöninen Ğ.Mwhambetovpen birneşe ret kezdesken. Sonday kezdesulerdiñ birinde oblıs äkiminiñ orınbasarı oğan atalğan nısan boyınşa kelisim-şarttıñ qwnınıñ 15 payızın para esebinde berudi wsınadı. Bwl oqiğanıñ qalay bolğanın kuäger bılay äñgimelep berdi: «Bir jolı Ğ. Mwhambetovtiñ kabinetine kirgenimde ol «Eco-treatment systems» kompaniyasına atalğan jobanı iske asıruda qoldau körsetetinin ayttı. Söytip, artınşa mağan belgili bir talaptar qoyılatının eskertti. Kabinetinde otırğan kezimde Ğ. Mwhambetov keñse jiıntığınan bir paraq qağaz alıp, oğan öziniñ qolımen «15 payız» degen sandı jazıp, qağazdı meniñ qolıma berdi. Eger qosalqı merdigerlikke kelisim-şarttı eşqanday qiındıqsız alamın deseñ, kelisim-şartta körsetilgen qarjınıñ 15 payızın mağan beresiñ dedi. Men istiñ män-jayın birden wqpadım. Sodan soñ  Ğ.Mwhambetov eger de qoyılğan talaptarmen kelisetin bolsañ, qosalqı merdigerlik kelisim-şartın alasıñ dedi. Mağan oylanuğa uaqıt beriletinin, biraq jauaptı keşiktirmeudi jetkizdi. Sol kezeñdegi kompaniyanıñ qiın qarjılıq jağdayın eskere kele, men Ğ. Mwhambetovtiñ wsınısımen kelistim».

D.Nwrbaevtıñ aytuınşa, Ğ. Mwhambetovpen köp kezdesuleriniñ birinde joğarı lauazımdı şeneunik odan: «Seniñ kompaniyaña joğarıdağı lauazımdı twlğalardan kim qoldau körsetedi?» dep swraydı. Ol: «Biz joğarıdağı lauazımdı twlğalardıñ eşqaysımen baylanısımız joq. Tek narıqtıq qağidattarmen jwmıs isteymiz» dep jauap beredi. Sol kezde oğan Ğ. Mwhambetov: «Olarmen jwmıs istep qalğan jağdayda bizdiñ aramızda (Äsirese, Qarağandı oblısınıñ äkimi S. Ahmetovtiñ müddesi) müddelerdiñ qayşılığı tuındamauı kerek» dep eskertedi.

Ämina BÄKİR

Abai.kz

0 pikir