Düysenbi, 25 Mamır 2020
COVID-19 QAZAQSTANDA. Jwqtırğandar — 8322. Jazılğandar — 4352. Qaytıs bolğandar — 35
Bilik 2852 0 pikir 1 Jeltoqsan, 2015 sağat 03:00

OQO BİLİM BASQARMASI MALAYZIYADA TÄJİRBIE ALMASTI

Malayziya memleketiniñ Miri qalasındağı RIAM tehnologiyalıq institutınıñ şaqırtuımen 2015 jıldıñ qaraşa ayında «Oñtüstik SPK» mamanı Il'yas Babaev pen oblıstıq bilim jastar sayasatı jäne tilderdi damıtu basqarmasınıñ Käsiptik bilim beru jäne kadrlar dayındau böliminiñ basşısı Rahiya Asanova is saparda bolıp qayttı. Mwndağı maqsat täjiribe almasu jäne investiciyalıq jobalardı tartu.

Sonday-aq RIAM tehnologiyalıq institutınıñ mwnay öndiru salası boyınşa afşorlıq zonada jwmıs isteytin älemdik därejedegi mamandardı dayarlauda bilim jüyesimen tanısu. YAğni, atalmış institutta,
-injener-mehanik;
-avtokölik injeneri;
-elektr injeneri;
-tötenşe jağdaylar boyınşa ört söndiruşi jäne suda qwtqaruşı;
-avtomatika jäne elektrlendiru;
-kulinariya;
-naubayşı (pekarnya)
mamandıqtarı boyınşa mamandar dayarlaydı.
RIAM tehnologiyalıq institutında Malayziyalıq oqu bağdarlamasımen qatar (oqu merzimi 2 jıl 3 ay) qosımşa Halıqaralıq standarttarğa kiriktirilgen arnayı sertifikattarğa ie Britandıq 8 oqu bağdarlaması (oqu merzimi 1,5 jıl) qosa oqıtıladı. Britandıq bağdarlamamen oqitın studentterdiñ bilimin Britandıq oqu orındarınıñ özderi bağalaydı, sertifikatın beredi jäne onı bitiruşilerdiñ 95 payızı joğarı bağa aladı eken. Nätijesinde Britandıq bağdarlamanmen bitirgen arnayı sertifikatı bar bitiruşiler Angliya, Amerika jäne Evropa elderine joğarı oqu orındarına tüsuge mümkinşiligi bar nemese kez kelgen şeteldik kompaniyalarda jwmıs isteuge kedergisiz qabıldana aladı. Al Malayziyalıq bağdarlamamen bitiruşiler tek qana sol elde jwmısqa qabıldanumen şekteledi eken. Atalğan institut şeteldik iri kompaniyalardıñ swranısına säykes mamandar dayarlaydı. Bwl institutta oqu aqısı şamamen 7000 AQŞ dollar.
Sonımen qatar, tötenşe jağdaylar boyınşa ört söndiruşilerdiñ mwnay önimderi saqtalğan cisternalardı örtten qorğau oqu-jattığu trening sabaqtarı men suda qwtqaruşılardıñ tikwşaq suğa qwlağan jağdayda qwtqaru-jattığu trening sabaqtarına qatıstıq.
Malayziya memleketiniñ bilim jüyesi tömendegişe qalıptastırılğan.
-mektepke deyingi bilim beru 3-6 jas;
-bastauış bilim beru 7-11 jas;
-jalpı orta bilim beru 12-17 jas;
-orta arnaulı käsiptik bilim beru 17-19,5 jas. Memlekette jekemenşik jäne memlekettik bilim wyımdarı jwmıs jasaydı. Bilim salasına erekşe köñil böletini körinip twr. Öytkeni, aeroport jäne t.b. qoğamdıq orındarda oqu orındarı turalı bilburttar ilingen.

2. Bilim salasına investiciyalıq jobanı tartu turalı.
RIAM tehnologiyalıq institutınıñ qwrıltayşısı DaTO Hi King Çiong Şımkent qalasında «Öñdeuşi salada tehnikalıq jäne qızmet körsetetin eñbek kadrların dayarlau jäne qayta dayarlau boyınşa 700 orınğa arnalğan käsiptik jäne aymaqaralıq ortalıq» (odan äri-Ortalıq) qwrılısı ornına salınatın qwrılıs nısanınıñ (äzirge josparlap otırğan atı-Halıqaralıq tehnikalıq kolledj) jobasımen tanıstırdı. Ortalıqtıñ bekitilgen qwrılıs jobasına Investordıñ qarajatı esebinen salınuına baylanıstı arhitektorlıq körkem säuletti ğimarat salu jäne halıqaralıq standarttarğa säykestendiru maqsatında özgerister engizilgen. Qwrılıstıñ jalpı alañı 8 ga jerdi qwraydı. Kolledj 700 orındıq oqu korpusı, 200 orındıq jataqhana, oğan qosa:
-praktikalıq sabaqtar ötetin şeberhana ğimaratı;
-tennis alañı;
-boleybol alañı;
-basketbol alañı;
-futbol alañı;
— tikwşaq konatın alañ;
-ört söndiru jäne suda qwtqaruşı mamandarın dayarlauda trening-täjiribe sabaqtarın ötkizetin basseyn;
-avtotwraqtar salu josparlanğan. Bwl kolledjde joğarıdağı atalğan mamandıqtardı dayındau josparlanıp otır.
Investordıñ qarajatı esebinen salınatın qwrılıs jobasınıñ jalpı qwnı şamamen -12mln AQŞ dolların qwrap otır. Qwrılıstı salu merzimin 2 jılğa josparlap otır. Oblıstıñ bilim salasına, sonıñ işinde mamandar dayarlauğa investiciyalıq jobanı tartuğa aldın-ala joğarıdağı aytılğan jwmıstar jürgizilgenin, ü.j. 10-15 jeltoqsan künderi aralığında RIAM tehnologiyalıq institutınıñ qwrıltayşısı DaTO Hi King Çiongtıñ arnayı is saparı bizdiñ oblısqa josparlanıp otırğandığı jäne osı is saparında oblıs äkimine investiciyalıq jobalar boyınşa aldın-ala Kelisim qwjattarı resimdelu josparlanıp otırğandığın bayandaymın.
Osığan oray, Sizdiñ kelisimiñizben joğarıda aytılğandar negizinde kelesi jwmıstardı atqaru qajettiligi tuındap otır.
1.İs sapar qorıtındısı boyınşa oblıs äkimine bayandau;
1.Şımkent qalasında «Öñdeuşi salada tehnikalıq jäne qızmet körsetetin eñbek kadrların dayarlau jäne qayta dayarlau boyınşa 700 orınğa arnalğan käsiptik jäne aymaqaralıq ortalıq» qwrılısın ayaqtau jwmıstarın investormen jürgizuge, sonday-aq nısandı Oñtüstik Qazaqstan oblısı äkimdiginiñ teñgerimine ötkizuge baylanıstı QR Bilim jäne ğılım ministrligine oblıs äkimi atınan hat joldaudı jäne odan äri ministrliktiñ kelisimi negizinde Qazaqstan Respublikası Ükimeti tarapınan tiisti qwjattardı resimdeu mümkindigin qarastıru;
2.Investiciyalıq jobalar boyınşa Kelisim qwjatınıñ jobasın dayındau.
Sonımen qatar, Malayziya memleketiniñ bilim jüyesiniñ täjiribesinen oblısta mamandar dayarlauda bilim jüyesin jetildiru üşin tömendegini wsınamın:
1. Memleket basşısınıñ soñğı uaqıtta älemdegi 130-dan astam asa iri kompaniyalarımen investiciyalıq jobalardı Qazaqstanğa tartu boyınşa jasalğan Kelisimderiniñ işinde bizdiñ oblısqa tartılatın investiciyalıq jobalarğa säykes mamandar dayarlau üşin Halıqaralıq standarttarğa kiriktirilgen arnayı sertifikattarğa ie Britandıq oqu bağdarlamalarımen qosımşa oqıtudı oblısta äzirge 2 kolledj jäne 2 mektepke pilottıq jobamen engizu qajet dep esepteymin.

http://bilim-uko.gov.kz


 

0 pikir