Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Bilik 2575 0 pikir 1 Jeltoqsan, 2015 sağat 03:00

KÖLİK KÖP, KÖLDENEÑ MÄSELE DE AZ EMES

Büginde Şımkenttiñ tınıs-tirşiligin köliksiz közge elestetu mümkin emes. Qala twrğındarınıñ köbisi qoğamdıq kölikti paydalanadı. Al qoğamdıq kölikterdiñ qızmetine qatıstı  mäsele jii qozğalatın taqırıptıñ biri. Bwl rette tasımal barısındağı kemşilikter, avtobus jürgizuşisi jwmısındağı tärtip bwzuşılıqtar jii aytıladı. Bolaşaq megapolis üşin kölik jüyesiniñ äleumettik-ekonomikalıq jäne ekologiyalıq jağınan tiimdiligi men mañızı erekşe. Osı orayda olardıñ qızmeti qanday? Jwmısına jolauşılardıñ  köñili tola ma?

Qalalıq jolauşılar köligi jäne avtomobil' joldarı men qalalıq jol patrul'dik policiya polkiniñ insrektorları birge qoğamdıq kölikterge reyd wyımdastıruda. Keşki reyd «Avto-Nwr» bazarınıñ ayaldamasında jürgizildi. Aldımen jol saqşıları jürgizuşilerdiñ qwjattarın egjey-tegjeyli tekserdi.

Nätijesinde №135, 52, 3, 103, 91 bağıttarına qatınaytın avtobustardıñ jwmısı talapqa say kelmeytini anıqtaldı. Arnayı formaları joq, jolauşılarğa bilet taratılmağan. Keybir kölikterde jolauşılar şamadan tıs köp bolıp şıqtı.

– Söz joq, qala mädenieti avtobustardan bastau alatını belgili. Al avtobustarğa belgilengen orınnan artıq adam aluğa bolmaydı. Zañ da, tärtip te – bärine birdey. Talaptardı saqtamağan jürgizuşiler men konduktorlarğa eskertu berdik. Qoğamdıq kölik salasında qızmet körsetu sapasın köteru maqsatında reydtik şaralar aptasına eki ret jürgizilude, – deydi qalalıq jolauşılar köligi jäne avtomobil' joldarı bölimi basşısınıñ orınbasaı Jarqın Baydullaev.

Jalpı alğanda qoğamdıq kölik mäselesinde atqarıluı tiis keleli şaralar jetkilikti. Qoğamdıq kölik jürgizuşilerdiñ mädenietin arttıru men olardıñ jol erejelerin saqtau mäselesin jiti qadağalau qajet. Azamattarımızdıñ qauipsizdigin saqtau jayı da nazardan tıs qalmauı tii.

Reyd kezinde 5 avtobus jürgizuşisine eskertu berilip, №38 mikroavtobustıñ iesine 5 aylıq eseptik körsetkiş köleminde ayıppwl salındı. Mwnday reydter aldağı uaqıtta da jalğasadı.

Abai.kz

0 pikir