Särsenbi, 1 Säuir 2020
Jañalıqtar 2076 0 pikir 2 Jeltoqsan, 2015 sağat 10:58

NAURIZBAY AUDANINDA SEL JÜRDİ

Almatı qalasınıñ Naurızbay audanında lay köşkini üydi basıp qalğan. QR İİM TJK baspasöz qızmeti Almatı qalasında bağbandar qoğamında bolğan lay köşkini turalı aqparat taratqan. Bwl turalı nur.kz saytı jazadı.


Vedomstvonıñ mälimetterine süyensek, 30 qaraşa küni 23:49-da Almatı qalasınıñ Naurızbay audanında «Alma» bağbandar qoğamına tiesili jer telimderiniñ birinde lay köşkini orın alğan.

Oqiğa ornına kelgen Almatı qalalıq TJD qızmetkerleri su qwbırı jarılıp, topıraqtıñ ılğaldanuına sebep bolğanın anıqtadı. Lay massasınıñ kölemi 120 tekşe metrdi qwraydı.

Oqiğa saldarınan sayajaydağı eki qabattı üydiñ şatırı jäne üy aulasında twrğan «Volga» avtoköligi zaqımdandı. Japa şekkender men qwrban bolğandar joq.

«Qazseldenqorğau» mekemesiniñ tehnikasımen sağat 2.28 şamasında jüretin jol tazalandı. Su beru toqtatıldı. Oqiğanıñ qaytalanu qaupi joq.

Qauipsizdik retinde jaqın mañdağı uçaskeelrdiñ 5 twrğını qauipsiz jerge köşirildi. Oqiğa ornı «Qazselden qorğau» MM men TJ böliminiñ qızmetkerleriniñ baqılauında.

Abai.kz

 

0 pikir