Särsenbi, 3 Mausım 2020
COVID-19 QAZAQSTANDA. Jwqtırğandar — 11796. Jazılğandar — 5941. Qaytıs bolğandar — 44
Bilik 2113 0 pikir 3 Jeltoqsan, 2015 sağat 03:00

JEÑİMPAZDARDI KÖRİP JASTARDIÑ JİGERİ ARTTI

Sporttıñ belgili bir türin nemese salauattı ömir saltın nasihattaudıñ jolı köp. Şımkent qalasınıñ äkimdigi bwl mäselege jañaşa qırınan keludi közdedi. Üşinşi megapoliske esimi älemge tanımal sportşılardıñ kelip, jastardıñ arasınan tabıluı sonıñ bir körinisi. Sözimizge dälel: Qazaqstan veloqauımdastığı OQO filialı men Şımkent qalası äkimdiginiñ qoldauımen, «Rixos Khadisha Shymkent – 2015» qayırımdılıq veloşerui ötti. Sporttıq şerudiñ özindik erekşeligi sol, şarağa älemdik arenada esimi belgili bolğan Aleksandr Vinokurov, Serik Säpiev jäne Zülfiya Zabirova sındı sportşılar arnayı kelip qatıstı. Sonımen qatar, sportşılar Şımkent qalasınıñ äkimi Ğabidolla Äbdirahımovpen, sonday-aq, qalalıq №2 balalar men jasöspirimderdiñ sport mektebiniñ şäkirtterimen de kezdesti.

Sportsüyer qauım men Olimpiada çempionı boludı armandap, el Tuın älemdik arenalarda jelbiretken sportşılarğa elikteytin jastar demalıs künderi Şımkentte ötken is-şaranıñ kuägeri boldı. Jas sportşılar dañqtı ağalarımen jaqınıraq tanısıp, äñgimelesuge mümkindik aldı. Eki dürkin älem çempionı, 2012 jılğı Olimpiada çempionı, Vel Barker kubogınıñ iegeri Serik Säpiev pen Londondağı XXX jazğı Olimpiada oyındarınıñ çempionı, Sidney Olimpiadasınıñ vice çempionı, älem birinşiliginiñ qola jüldegeri, «Vuel'ta» köpkündiginiñ jeñimpazı Aleksandr Vinokurov, halıqaralıq jarıstarda aldına jan salmağan  veloşabandoz Zülfiya Zabirova qayırımdılıq veloşeruge qatısıp, jas sportşılarmen kezdesu ötkizdi.

Şımkent qalasınıñ äkimi Ğ.Äbdirahımovpen birge qaladağı №2 jeñil atletika jäne velosport mektebinde jas sportşılarmen kezdesken A.Vinokurov mektep wjımına «Vino» käsibi sporttıq velosipedin sıyğa tarttı. Jastarğa elimizdiñ bayrağın älemdik jarıstarda joğarı köteruge tilektestigin bildirdi. Öz kezeginde qala äkimi mwnday kezdesuler jas sportşılarğa qanat bitiretinin, jeñiske talpınısın eseleytinin ayta kele, dañqtı sportşılarğa alğısın jetkizdi.

«Rixos Khadisha Shymkent-2015» qayırımdılıq veloşeruine jüzden astam sportşı qatıstı. «Rixos Khadisha Shymkent» qonaqüyinen bastalğan şeru qaşıqtığı – 15 şaqırım. YAğni, qatısuşılar Jeltoqsan, Qonaev köşeleri arqılı «Naurız» alañına jetip,

qonaqüyge qayta qayırıldı. Veloşerude belsendilik tanıtqan qatısuşılarğa «Alğıs hat» pen bağalı sıylıqtar tabıs etildi. Sporttıq şara soñı qayırımdılıq aukcionına wlastı. Mwnday is-şaralar sporttıñ damuına ıqpal etetinine toqtalğan A.Vinokurov demeuşilerge alğıs ayttı. Söytip, aukcionda Aleksandr Vinokurovtıñ London Olimpiadasında kigen jeydesi 120 mıñ teñgege satıp alındı. Al Zülfiya Zabirovanıñ velojeydesi 50 mıñ teñge boldı. Olimpiada çempionı Serik Säpievtiñ qol qoyğan boks qolğabı 150 mıñ teñgege satılsa, «Vuel'ta – Ispaniya-2015» köpkündiginiñ jeñimpazı Fabio Arudıñ jeydesin 90 mıñ teñgege aluşılar tabıldı. Aukcionda eñ qımbat bağalanğan, Aleksandr Vinokurov üşin arnayı jasalğan «Uno» brendindegi velosiped

1 mln 650 mıñ teñge bolıp, jaña iesin taptı. Onı «Smart Oyl» kompaniyasınıñ basşısı Erlan Nwrhanov satıp aldı. Sonday-aq, elektrmotorlı, jalqı dana velosiped 900 mıñ teñgege bağalandı.

Qayırımdılıq aukcionnan tüsken qarjı eldegi velosport mektepterine qajetti jabdıqtar aluğa jwmsalatın boladı.

Abai.kz

0 pikir