Särsenbi, 1 Säuir 2020
Qoğam 5243 0 pikir 30 Mausım, 2015 sağat 16:26

JIRINOVSKIY QAZAQSTANNIÑ MÄRTEBESİ TURALI SÖYLEDİ

#t" type="application/x-shockwave-flash">#t" />#t" />

RLDP köşbasşısı Vladimir Jirinovskiy “Razgovor po duşam” videoblogınıñ avtorımen öz keñsesinde jolığıp, Qazaqstanğa degen şınayı közqarası jaylı swhbat berdi. Nur.kz jañalıqtarınıñ jazuınşa, Qazaqstandıqtar üşin asa jağımsız osı sayasatker Qazaqstanğa qatıstı aytılğan pikirleriniñ mağınasın jurnalister özgertip jibergenin aytqan.

“Almatı – meniñ tuğan qalam. Men Qazaqstanda 18 jıl twrdım… Reseyde eşkim Qazaqstannıñ märtebesi men şekarasına kümän keltirmeydi. Bizdiñ sözderimizdi key jurnalister basqaşa etip jetkizip jatadı. Mäselen “Eho Moskvı” radiosında Plyuşevke swhbat bergenmin. Biz Ukraina, Donbasstı talqılap otırdıq. Ol “kelesi kezekte kim, Qazaqstan ba?” degen swraq qoydı. Men “keyin” dep bwl mäseleni talqılap jatpağanımızdı añdatu üşin aytqan edim. Alayda qazaqstandıqtar mwnı özderinşe tüsinip, kelesi kezekte Qazaqstan twr dep wğıp qaldı”, – dep tüsindiredi Jirinovskiy.

Sayasatker Qazaqstannıñ şekarasın eşkim özgertuge nietti emes ekenin eskertedi. Ol bwğan keri aqparat taratuşılar – Qazaqstan men Reseydiñ qarım-qatınasına qayau tüsirgisi keletinder degen pikirde.

Söz arasında Jirinovskiy Almatıdağı Masançi köşesiniñ atauına öz esimin beruge äzir ekenin bayqatıp, Men tipti Almatıdağı Masançi köşesiniñ atauın Jirinovskiy dep özgertse de qarsı emespin degen.

“Qazaqstan – meniñ kişigirim tuğan jerim. Men tipti Almatıdağı Masançi köşesiniñ atauın Jirinovskiy dep özgertse de qarsı emespin. Al №25 mektepti Jirinovskiy atındağı dep te atay bersin. Mümkin bolaşaqta solay istegisi keletinder tabılar? Esesine turister köp keletin boladı. Bwl özderiñe tiimdi. Sondıqtan aldın-ala kelisimimdi beremin”, –deydi Jirinovskiy.

Abai.kz

0 pikir