Júma, 29 Nauryz 2024
Jalqy súraq 4515 0 pikir 3 Shilde, 2015 saghat 15:13

TQB KÓZBOYaUShYLYQPEN KÓGERE ME?

Halyqqa qoljetimdi túrghyn-ýige baylanysty memleketting sayasaty – qaytse de jenildik jasau, bankiden jenildetilgen ósimmen nesie berip, baspanagha qol jetkizu dep maqtauyn kelistirip-aq aityp jatamyz. Sol ýshin ashylghan «Túrghyn-ýy qúrylysy banki» (TQB) de bar. Oghan alatyn pәterine qajetti somanyng jartysyn jinasang boldy, qalghan jartysyn qosyp nesie beredi, sosyn túrghyn-ýy satyp alyp, shalqy da otyr deymiz.

«Baqsaq baqa eken», búl TQB-nyng da halyqty qarq qylyp jatqany shamaly kórinedi. Ony Mәjilis deputaty Túrsynbek Ómirzaqov әshkerelep, Premier-ministr Kәrim Mәsimovtyng atyna saual joldap: «ókimetting jәrdem beredi degen bankysynyng siqyn qaranyz, múnyng jekemenshik kommersiyalyq bankterden esh aiyrmashylyghy joq eken ghoy», - dep jar saldy.     

Mәselede mynada bolyp shyqty: kliyent satyp almaq ýiining jartysyn TQB-da jinaqtap, endi sonyng eki ese kólemindegi nesie alyp, kózdegen ýiimdi alayyn dep barady ghoy. Jinaghan qory 50 myng AQSh dollarynday bolsa, bank oghan 100 myng dollar beruge tiyisti.  

Sóitse... TQB jinaghan qarajatyna qosyp 50 myng dollar bermeydi eken de... birden ózining 100 myng dollaryn ústatatyn kórinedi. Nege deysiz ghoy? Óitkeni, 100 myng dollargha esepteletin banktyng ósimpúly 50 myng dollardan eki ese kóp qoy. Sóitip, 100 myng dollar ýshin jyldyq 7,5 payyzdy sanap berip otyratyn kórinesiz.

Ou, ózimning jinaghan 50 myng dollarym qayda ketti deysiz ghoy siz. Saspanyz. Ony bank sizding atynyzgha depozit ashyp, salyp qoyatyn kórinedi. Banktyng oghan beretin jyldyq ósimi kóp bolsa 3 payyzdyng tóniregi ghana. Al ózi sizden 100 myng dollar ýshin jyldyq 7,5 payyzdyq ósimpúl alady. Búl shamamen 7500 dollar bolsa, sizge beretin 50 myng dollardyng ósimi 1500 dollardyng tónireginde ghana. Ayyrmashylyghy 6000 dollar... Ósimpúlmen óndirsheging ýzilgir bank halyqty óstip qan qaqsatady eken. Múny kim bilgen, nesie beredi dep mәz bolyp jýremiz ghoy.   

Búl búl ma, TQB kliyentke nesie bergende ózderining atqaratyn esepshot ashu, ótinishti qarau, jyljymaytyn mýlikti saqtandyru, nesiyeni úiymdastyru, tipti esepshottaghy aqshany qolma-qol aqshagha ainaldyru siyaqty tolyp jatqan qyzmetteri ýshin de qosymsha aqsha alady eken. 

Mine, halyqqa jany ashityn boldy dep ókimetting ashyp bergen bankynyng siqy osynday. Tolyp jatqan «Jenil», «Bastau» degen baghdarlamalary boyynsha alghan 100 myng dollar nesiyenizding ýstine 6,2 mln. artyq aqsha tóleydi ekensiz. Búnyng basqa bankterdikinen aiyrmashylyghy shamaly ghana.

Osy mәselelerding bәrin Kәrim Mәsimovke jazghan deputat múnday kózboyaushy jenildikterden arylu joldaryn tabynyz degen talap qoydy. Sodan birdene shyqsa iygi.

 

Serik ELEU, sarapshy 

Abai.kz

 

0 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1583
Alashorda

Qojanov mejeleu nauqanynda (Jalghasy)

Beybit Qoyshybaev 2284
Ghibyrat

Qaysar ruhty ghaziz jan

Múhtar Qúl-Múhammed 3621