Qazaqstan preziydentining jýldesi ýshin qazaq kýresinen ótken «Qazaqstan Barysy» respublikalyq turniyrinde jeniske jetken Beybit Ystybaevqa «Altyn taytúyaqty» preziydent Núrsúltan Nazarbaev tabys etti. Sonymen birge jenimpazgha 150 myng dollar aqshalay syilyghy tapsyryldy.

Núrsúltan Nazarbaev  songhy jyldary tәuelsizdikting bir simvoly retinde últtyq sport týri – qazaqsha kýres qayta janghyrghanyn atap ótti.

- Búl bizding halqymyzdyng dәstýrli kýres óneri. Auyldaghy balalar ejelden kýrespen shúghyldanyp, óz mashyqtaryn jetildirgen. Ákeler óz balalaryna kýresting amal-tәsilderin ýiretken. Men búl jarysty tolyq qoldaymyn. Bolashaqta jarystyng odan әri damitynyna, al onyng qazirgi qatysushylarynyng arasynan Baluan Sholaq, Qajymúqan siyaqty qazaqtyng kóptegen úly baluandarynyng danqty jolyn jalghastyratyn sportshylar shyghatynyna senemin. Turnir halyqaralyq dengeyge shyghyp, qúrlyqtyq jәne olimpiadalyq oiyndar baghdarlamalarynyng bir bólshegine ainalady, elimizding atyn shygharady dep ýmittenemin, – dedi Qazaqstan Preziydenti.

Jarys finalyna irikteu sayystarynyng ýsh kezeninen ótken 32 baluan, sonday-aq byltyrghy jyldyng jenimpazy M. Túrsynov qatysty.

Ystybaev búghan deyin – 2012 jyly ótken «Qazaqstan Barysy» turniyrinde jenimpaz atanghan. Onyng búl jolghy jarystaghy salmaghy - 145 keli.

Biylghy «Qazaqstan barysy» sayysynda Ruslan Ábdirazaqov kýmis jýldeger atansa, qola jýldeni Ghany Seydildaev iyelendi.

Abay-aqparat