Särsenbi, 27 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4613. Qaytıs bolğandar — 37
46 - söz 5418 0 pikir 8 Şilde, 2015 sağat 15:00

SARA NAZARBAEVA ELBASIN TUĞAN KÜNİMEN QWTTIQTAP HAT JAZDI

 "Bizdiñ qımbattı prezidentimiz, Sizdi osınau erekşe künmen qwttıqtaymın! Birinşi kezekte sizge wzaq ömir tilegim keledi. Men täuelsizdigimiz qalıptasqan qiın-qıstau kezeñde Sizdiñ orınıñızda köp adam bola almas edi ğoy dep jii oylaymın. Sizdiñ arqañızda biz sol joldı topalañsız, bilik üşin talassız öte aldıq. Biz elimizde beybitşilik pen tınıştıqtı saqtay aldıq. Men bar jüregimmen Sizdi qostaymın jäne soñına deyin Sizdi qoldaymın. Siz tek jaqsı Elbası emes, jaqsı adamsız, men onı sezemin. Sizdiñ ärdayım baqıttı bolğanıñızdı qalaymın! Densaulıq tileymin, sebebi tabiği baylığı mol, aumağı jağınan älemde toğızınşı orında twrğan Qazaqstan siyaqtı eldiñ Prezidenti bolu oñay emes. Sizdi tek adal äri jaqsı adamdar qorşasın".

«Komsomol'skaya pravda» gazetinde jariyalanğan Sara Nazarbaevanıñ (surette) bwl hatın qazaq sayttarı da köşirip jariya etude. Qazaqstan Prezidentin qwttıqtağan hatında Sara Nazarbaeva tağı da bılay deydi: 

"Äjem meniñ tärbiemde ülken röl atqardı... Meniñ ata-anam bir sınıpta oqıp, 18 jastarında üylengen, köp wzamay men ömirge keldim! Äjem jastarğa bar jağınan kömek körsetti. Atam men tuılğanda ömirden ötti, sondıqtan meniñ esimde joq", - deydi Sara Nazarbaeva.

Ol ne sebepti Qazaqstan Prezidentin gazet arqılı qwttıqtağısı kelgenin de jasırmadı.

"Men mektep jasınan bastap adamdardıñ nazarında boluğa üyrendim. Men qazir Süleyman Demirel' universitetiniñ filologiya fakul'tetiniñ törtinşi kursında oqimın. Men öz bolaşağımdı josparlauğa tırısamın jäne mende ärdayım jaña maqsat bar. Biraq onıñ bärin elge jariya ete berudi wnatpaymın. Eñ äuelgi josparlarımnıñ biri - oqudı bitirip, öz universitetimde nemese qazaq-türik liceyinde sabaq beru", - deydi student qız.

 Sarağa «Sara» dep  äjesi at qoyıptı. Qızılorda qalasınıñ twrğını Sara Nazarbaeva esimdi 21 jastağı student qızdıñ el Prezidentin qwttıqtağısı kelgen ötinişin "Komsomol'skaya pravda" gazeti jariyaladı: http://www.kp.kz/society/9877-sara-nazarbaeva-pozdravila-prezidenta-s-dnem-rozhdeniya-cherez-komsomolku

 Esteriñizge sala keteyik, Prezidenttiñ zayıbı Sara Nazarbaeva özi irgetasın qalağan «Böbek» qorınıñ törayımı. Bılayğı jariya ömiri jwrtqa belgisiz. 1990 jıldarı el közine jiirek tüsip jürgen kezinde birinşi hanım: «Sizge ata-anañızdıñ «Sara» dep at qoyğanına qarağanda olardıñ önerge qandayda bir jaqındığı bolğan ğoy?» degen tilşi swrağına: «Joq, olar dwrıs adamdar bolğan» («Net, oni bıli normal'nımıy lyudmi») dep jauap bergeni esimizde.

Abai.kz  

0 pikir