Beysenbi, 2 Säuir 2020
COVID-19 QAZAQSTANDA. Jwqtırğandar — 402. Jazılğandar — 27. Qaytıs bolğandar — 3
Qayratker 6011 0 pikir 9 Qañtar, 2015 sağat 18:24

MEMLEKETŞİL MENEDJER

Eldik mwrat jolında eleuli eñbek etip jürgen qayratkerlerimiz jaylı aytuğa kelgende sarañdıq tanıtpauımız kerek. Älbette, memleket damuına qızmet etu, ter tögu – bügingi wlt janaşırlarınıñ kieli parızı bolmaqqa kerek. Jäne qazirgi qazaq qoğamınıñ jauapkerşiligin iığına artqan memleketşil twlğalar üşin ol parızdıñ jügi eki eselene tüsetini tağı anıq. Ras, halıqqa qızmet etudiñ bağasın da halıq beredi. Mezgil minberinen köringen twlğanıñ bolmısın ayşıqtau – uaqıttıñ enşisi ekeni tağı ayan. Dep kelgende, Täuelsiz Qazaqstannıñ damuına bilim-biligimen, aqıl-parasatımen üles qosıp jürgen azamattar jayında jılı lebizge kezek berudiñ ayıbı bolmas.

Bügingi tañda elimizdegi memlekettik qızmetkerler arasında biz tilge tiek etip otırğan twlğalıq qasietter boyınan tabılatın azamattar az emes. Bilik satısındağı biik qızmetke käsibi maman-menedjer retinde qol jetkizgen twlğanıñ boyında memleketşildik, wltjandılıq qasietteri wştasıp jatuı – jaqsılıq nışanı. Osı talaptardıñ üdesine tolıqtay say keletin bügingi künniñ memleketşil qayratkerleriniñ biri dep Bağlan Maylıbaev mırzanı aytuğa äbden boladı.

Bağlan Asaubaywlı – qatardağı qarapayım qızmetkerden biik därejeli memleket qızmetşisine deyingi eñbek jolınan ötip, şıñdalğan twlğa. Onıñ twlğalıq qalıptasu jolınıñ özindik erekşeligi bar. Öytkeni, Bağlan mırzanıñ azamat retinde qalıptasuı elimizdiñ Täuelsizdik aluımen qatar örbigen. Demek, bügingi bilik satısındağı azattıqtı bala küninen añsağan jäne sol Täuelsizdikti bayandı etuge jastayınan bel buğan buınnıñ ökili retinde de Maylıbaevtıñ mereyi arta beretini tüsinikti. Ol öziniñ memlekettik qızmettegi jetistigi men tabısın Qazaqstannıñ Täuelsiz el retindegi damuı men Memleket Basşısınıñ saliqalı sayasatınıñ jemisimen tığız baylanıstıradı.

İlgerirektegi bir swhbatında Bağlan Asaubaywlı bılay depti: «Memleket basşısınıñ köş bastauımen eldiñ jañ­ğıruı men industriyalıq-innovaciyalıq ekonomikanıñ qwrıluı – Qazaqstannıñ HHİ ğasırdağı qarıştı damuınıñ kepili. Beybitşilik, kelisim, qoğamnıñ birligi, ekonomikalıq jäne äleumettik twraqtılıq, ha­lıq­aralıq deñgeyde moyındalu – osınıñ bar­lığı elimizdiñ şın mäninde maqtan twtuğa qwqılı tabıstarı. Qazaqstan Memleket bas­şısınıñ arqasında Täuelsizdiktiñ üşin­şi onjıldığına öz bolaşağınıñ örisin añdatar ölşemderdi ayqın köre otırıp qadam basuda. Birinşiden, biz älem kartasındağı ornı­mız­dı ayqın körip otırmız. Köptegen jaña elder üşin şekarasınıñ daulı şekteri üşin küres qazirge deyin jalğasuda. Keybir jağday­larda bwl aşıq qaqtığıstarğa da wlastı. Qazaqstan onday scenariydi aynalıp ötti. Memleket basşısı bizdiñ tarihi jerlerimiz ben bükil Qazaqstan halqın twtastıruşı twlğağa aynaldı. Biz barşamız Prezidenttiñ osı biregey bitimgerşil, köşbasşılıq darı­nına tänti boluğa tiispiz. Ekinşiden, biz bolaşaqtağı maqsattarı­mızğa säykes äreket etudemiz. Prezidenttiñ «Qazaq­stan-2050» Strategiyası – älemdegi eñ wzaq merzimdi jäne tiimdi forsaytingilik jobalardıñ biri. Bwl – bizdiñ damuımızdıñ Qazaqstandı uaqıt sınınan sürinbey alıp öter kartası. Üşinşiden, Memleket basşısı qoğamnıñ ruhani özegin – etnosaralıq jäne dinaralıq kelisimdi qalıptastırdı. Biz tüyindi şeşimder qabıldarda soğan süyenemiz. Qazaqstan­dıqtardıñ quattı industriyalıq-innovaciya­lıq ekonomika qwruğa degen senimdiligi de soğan negizdelgen...»

Qırıqtıñ qırqasına endi qadam basqan azamatqa Prezident Äkimşiligi basşısınıñ orınbasarı degen abıroylı qızmetti atqaru maqtanış qana emes, mindet pen jauapkerşilik sezimin de sıylaytını anıq. Äri Maylıbaevtıñ bwl orıntaqtağı missiyası elimizdi ideologiyalıq bağıtta örkendetumen wştasıp jatır. Sol sebepten şığar, wlt ruhaniyatına etene jaqın şeneunik retinde ziyalı qauım arasında sarabdal sın men orındı madaqqa jii wşırap jatatını... Qalay degenmen de, qazaq ruhaniyatı üşin qabırğası qayısatın atqaminerler arasında Asaubaywlınıñ twlğası bir töbe. Äsirese, elimizdiñ aqparattıq sayasatına qatıstı wstanımdardı ekşeytin twsta Maylıbaev mırzanıñ qazaq tildi bwqaralıq aqparat qwraldarına iş tartuı anıq seziledi. Wlt baspasözindegi jañaşıldıqtı qoldau twrğısınan da bwl kisiniñ jaña tolqınnıñ ökili retinde ozıq közqarasta ekendigin aytuımız kerek. Otandıq aqparattıq keñistiktegi media-kontentterdiñ qarqındı qadamın Prezident äkimşiligi tarapınan jasalıp otırğan qoldaudıñ bir körinisi retinde qabıldağan orındı bolar edi. «Qazaqstanda 2700-den astam bwqaralıq aqparat qwraldarı nätijeli jwmıs isteude. Olardıñ barlığı eñ bastı baylığımız - Täuelsizdigimizdiñ bayandı boluı üşin eñbektenip jür. Qazaq jurnalistikasınıñ şejiresi osıdan 100 jıl bwrın bastaldı. Bir ğasır bwrın Ahmet Baytwrsınwlı «Qazaq» gazetin şığarıp, qazaq baspasöziniñ tarihın bastağanı belgili. Sodan beri Qazaqstan jurnalistikası egemendigimizdiñ arqasında jaña serpinmen damıp keledi. Bügin bizdiñ salada eki mıñ jeti jüzden astam bwqaralıq aqparat qwralı nätijeli jwmıs isteude. Sondıqtan, şınayı tilegim osı qarqınnan ayrılmañızdar», – degen edi Bağlan Maylıbaev jurnalisterdiñ merekesinde ağınan jarılıp. Demek, ol özi de bir kezderi redakciyadağı jwmıstıñ ıstıq-suığına bir kisidey aralasqan adam retinde qazaq baspasöziniñ tamır bülkilin tap basıp otıradı eken. Endeşe memleket damuındağı bwqaralıq aqparat qwraldarınıñ alatın ornı men mañızına layıqtı bağasın beretin lauazım iesi retinde de Bağlan Asaubaywlına qazaq jurnalisteriniñ senimi zor.

Aytpaqşı, qazirgi küni otandıq telekörermender qauımınıñ süyikti bağdarlamasına aynalıp ülgergen «Poeziya älemi» habarınıñ düniege keluine Bağlan Asaubaywlı tikeley sebepşi bolğan körinedi. «Qazaqstan» wlttıq telearnasındağı wtqır jobalardıñ biri retinde jwrt jüregine jol tapqan beyne-antologiya Prezident äkimşiligi basşısınıñ orınbasarı men şığarmaşıl jastardıñ kezdesuinde bolğan ruhani äñgimeden keyin qolğa alınğan bolatın.

Elimizdiñ mädenieti men tarihınıñ janaşırı, ruhani qoldauşısı bolu dästürin aldımen Elbasımızdıñ är jıldardağı aytqan sözderi men naqtı is-äreketterinen körip kele jatqanımız şındıq. «Qazaq halqınıñ tarihı – birlik pen ıntımaqtıñ tarihı» degen sözdi aytqan Prezident Nazarbaev ärkez «qazaq halqınıñ öz tarihında wyalatınday şetin oqiğalardıñ joq ekendigin de» jii esimizge salıp otıradı. «Qazaqta memleket bolmağan», «tarih bolmağan» dep keletin birjaqtı közqarastar men pikirler şoğırına Elbasımız ärkez joğarıday jauap qayırıp kelgen edi, endi sonıñ naqtı däleli retinde ağımdağı jılı Qazaq handığınıñ 550 jıldığı dübir salıp, dürkirep ötpek. Osı bir igi bastamanıñ da bası-qasında bizdiñ zamandasımız Bağlan Maylıbaevtıñ tabıluı köñilimizdi ösirip, jan-düniemizdi jadıratıp, jelpintip tastadı. 

Abay.kz 

0 pikir