Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
46 - söz 9315 1 pikir 9 Mausım, 2014 sağat 12:11

Gey bolu oñay emes

Biıl naurızdıñ 29 küni Angliya men Uel'ste birjınıstı nekeni zañdastıru turalı zañ küşine endi. Ağılşın prem'eri Devid Kemeron mwnı «el üşin mañızdı sät» dep bağalağan. Senbige qarağan tüni eñ birinşi bolıp nekelesuge kelgen birneşe jwp birden üylenu toyın ötkizdi.
Angliyadan tıs jerge jürgen birjınıstı nekege täueldi wlıbritaniyalıqtarğa sol elderdegi konsul'dıq qızmet körsetedi. Mäskeudegi Angliya konsuldığı osı eldegi «ğaşıqtardı» tirkeytin boldı.

«Kögildirler» qazaq jerinde de köp. Astana qalasındağı gey klubtardı aralap qaytqan Sırımbek Töleuwlınıñ jurnalistik zertteui köp şındıqtıñ betin aşadı.

Gey bolu oñay emes

Astanalıq geylerdiñ jinalatın ortası orıstildi eken. Biz olardıñ «bastañğısına» bardıq. Jertölege ornalasıptı. Tünniñ jartısı aua jwmısı qızadı eken. Birin-biri qoltıqtağan örimdey wl-qız ağılıp jatır. Esik közindegi eñgezerdey küzetşilerdiñ közi qırağı. Kimniñ gey, kimniñ äuesqoy ekenin birden tanidı. Menen nege kelgenimdi swradı. Aldın ala dayındığım boyınşa, «jwp» izdep jürgenimdi ayttım. Ol işki jaqtağı bir jigitke: mına «balapandı» qabıldañdar» - dep bwyrıq berdi. Meni jetektegen älgi jigit bardıñ qasınan biik orındıq wsındı. Wzın moyın qızıl şarap ta sutegin kele qaldı.
- Sizge qanday jwp kerek? Tañdauıñız kimge tüsip twr?- dep qiıldı älgi meni ertip kirgen jigit. Ol zaldı meñzep: «Bügin siz siyaqtı «novinkiler» köp» - dep ırjaqtaydı.
- Tañdau jasap ülgergen joqpın - dedim sasqanımnan. Ol iığın qiqañ etkizip qızmetine kirisip ketti.
Arada 15 minut ötken. Aydarı qws qanatınday aluan tüske boyalğan, közi men qasın süzip alğan, bwtı şidigen bireu keldi qasıma. Twrqı kebenek bolğan eşkidey wsqınsız. Tanıstıq. Mağan qaray öñmeñdep twr. Men aralıq saqtauğa tırısıp jatırmın, biraq «dertti» adam emes ekenimdi sezdirmeuim kerek.
- Meni Berik deseñiz de boldı - dedi ol.
- Qayda tuıp-ösken ediñiz? (Bwl swrağımnıñ mına ortağa bötendeu bolğanım tüsindim)
- Astanağa Qarağandıdan kelgenmin.
- Qızğa ğaşıq bolıp kördiñiz be? (Öz tilderimen söylesuge tırısqan türim. Eger ol qızğa ğaşıq bolğan bolsa, qızğanğan sıñay tanıtpaqşımın)
- Joq. Bala ke­zim­­nen-aq qızdarğa qızığuşılığım bolmağan.
Men barmağımdı köterip, mäz bolğan ray berdim. Ol mağan qaray jaqındap keledi.
- «Kögildirler» nelikten köbeyip baradı?
Ol tiksinip qaldı. Meniñ basımnan ayağıma deyin qarap şığıp: «kimsiñ?» dedi qorazdanıp. Sezik aldı. Biraq is nasırğa şappauı kerek. «Bügin adam köp eken klubta», - dedim tek twrmay. Qızıl aydarlı jigit bir sät ünsiz twrdı da: «Biz üşin qızdar mäsele emes, olardı kez kelgen uaqıtta op-oñay satıp-aq alasıñ. Äyel zatı erkekşora bolıp ketti. Qanatıñnıñ astına alıp, qorğaytın qız joq qoy. Kimdi qorğaysız?», - dedi esi dwrıs adam siyaqtı sözin jalğap.
- Balalı bolğıñ kelmey me?
- Mwnda swlu jigitter köp. Äzirge naqtı bi­reuimen birge twratınday «ob'ektim» bolmay twr...
- Jigitiñ qanday jan boluı kerek? (Bwl jolı solardıñ tilin tapqanday boldım)
- Eñ bastısı meni tüsinetin, basqalardan qızğanbaytın, mağan jwmıs isteuge mümkindik beretin jan bolsa deymin!..
Beriktiñ sözin tıñdap otırıp, denem türşigip ketti. Biraq älgi sabazıñ selt etpeydi. Öziniñ osı kespirimen maqtanatın siyaqtı. Jüzi bal-bwl janıp, sımbattı jigitterge swqtana qaraydı. Kespeltek mwrını demeseñiz, jüzinen erkekke tän belgi az.

Änşisi gey Astana

Bizdiñ äñgimeni denesi näzik, twrqı qızday bir jigit bölip jiberdi. Ol tırnağın boyap alıptı, şarap qwyılğan qırlı stakandı on sausağı mayısıp äreñ köteredi. Qwddı, qız dersiñ! Qızdar da mwnday qılıqtı emes şığar, üzilip twr! Ol sol üzilgen qalpımen meniñ sol jağıma jayğastı. Al Berik meni qızğandı ma, tınışı qaşıp otır.
- Siz, bizge adasıp kelgen joqsız ba?
Bwl ekinşi auıştıñ alğaşqı swrağı. «Özderiñnen bolamın. Almatıdan keldim», - dedim boyım üyrenise bastağanday bolğan soñ. Onıñ atı Jänibek eken. Semeyde tuıp-ösipti. Jänibek meni sırttay bağıp otırğanın ayttı. «Siz, gey emessiz. Jasırmay-aq qoyıñızşı. Odan da ne keregin aytıñız. Bärin aytıp bereyin», - dedi wzın tırnağımen meniñ stakanımdı şwqıp.
- Bilip otırsañız aytayın, men qalıptı adammın. Qızteke emespin. Mwnda kelgendegi maqsatım - sizderdiñ ömirdi köru - dedim.
- Jurnalissiñ ğoy?
- Joq. Äuestenip jürgen janmın.
- Onda kör de, tabanıñdı jaltırat! Eger mwnda jwbıñ bolmasa, basıñnan ayırılasıñ - dep şort ketti semeylik qızteke.
Bwdan arı zertteuge bolmaytının özim de sezip otırğam, biik orındıqtan sırği berdim. Al älgi Berigim menen dämeli siyaqtı, esik közinde kütip twr. «Meni alıp ketseñşi», - dedi, demin qwlaq tübime taqap. Jılan şağıp alğanday sekirip kettim. Klubtan şığa bere qazaq estradasındağı tanımal bir änşiniñ, juan qara jigittiñ qwşağında ketip bara jatqanın közim şalıp qaldı...

Esil teris ağadı

Ğalamtordı aşa qalsañız, elde öz jınısınan bezgen miskinder turalı derekke köz sürinedi. Geyler men erkekşoralarğa arnalğan portaldar men forumdarğa toqtau bolsa ğoy, şirkin! Qayta orıstildi aqparat közderi solardıñ qwqığın qorğap, soyılın soğıp älek. Söytsek, Astana men Almatı äldeqaşan «Qazaqstan geyleriniñ ordası» degen ataqtı «qorğap» qoyğan eken. Osı keşte bizge semeylik qızteke jigit Almatıda jüzden astam geyklubtıñ barın ayttı. Onıñ qanşası öz jınısınan bezingen beybaqtarğa tiesili ekenin eseptep jatqan eşkim joq. «Astanada äzirge 60 şaqtı gey-klub tüngi qalağa esigin ayqara aşadı» - deydi ol. Olar eşqaşan özderin aşıq jarnamalamaydı. Mañdayşalarına «bar-klub» dep jazıp qoyadı. Al işine kirseñ, jın-oynaq.
Esteriñizde bolsa, Latviyanıñ bas qalası Rigada erkekşoralardıñ şerui ötti. Şeruge qatısuşılar öz elderiniñ memlekettik tuın wstap şıqqanda, olardıñ arasınan bizdiñ kök jalau da körinip qaldı. Al bwl -qazaqstandıq qıztekelerdiñ özderinşe, halıqaralıq arenada joğarı märtebege qol jetkizgen türi.
Birjınıstılar wyımı bizdiñ elimizde de keñ etek aluda. Resmi tirkelmedi demeseñ, jwmısı jürip twr.
Astana äzirge tınış bolğanımen, elordağa arqası tiip twrğan Qarağandıda (el estimegen masqara!) eki qızdıñ dürkiretip toy jasağanı Batıs baspasözin bir dürliktirgen joq pa! Birjınıstı jwbaylar Qarağandınıñ qaq ortasında «Limuzinmen» qıdırdı. Köpşilik orındarğa barıp, «mahabbattarın» jar salıp jarnamaladı. Tanımal VOXPOPULI.KZ jurnalı mwnı tamsanıp, tebirenip, özge elderge ülgi etip jazdı. Osı oqiğanıñ ayağı nemen tınğanın bärimiz bilemiz. Ölimmen ayaqtaldı.
Säduaqas meşitiniñ imamı Säbit Erejepov: «Payğambarımızdıñ hadis-şärifterinde: «Qılıqtarı erkekke wqsaytın äyelge jäne äyelge wqsaytın erkekke lağınet bolsın!» - dep jazılğanın ayttı. Sonday-aq: «Erkekke wqsauğa tırısatın äyel jäne äyelge wqsauğa tırısatın erkek meniñ ümbetimnen emes», - degenin de alğa tarttı. Deputat Aldan Smayıl: «Qazaqtıñ wlttıq bolmısına keri äser etetin närsege elimizde jol beruge bolmaydı. Bwl birjınıstılardıñ äreketine qoğam bolıp, memleket bolıp toqtau saluımız kerek», - dedi.
Alayda psiholog mamandardıñ aytuınşa, otbasındağı äke tärbiesiniñ jetkiliksizdiginen jigitterdiñ minezi jibektey bolıp ketkeni eşkimge qwpiya emes. Balabaqşa tärbieşisi - qızdar men jas kelinşekter, mektepte sabaq beretin adam - näzik jandı äyel zatı, üyde ülgi körsetetin kisi - ana. Osı jağdaydıñ bäri balanı äyel minezdi adam etip ösiredi.
Jasıratın tügi joq, bügingi boyjetkenderdiñ auızınan: «Osı ömirim özime wnaydı. Keyin özim üşin bireu tauıp alamın», - deytin masqara sözdi jii estitin boldıq. Bwl da - qoğam derti.
«Jetim ösken, äke tärbiesin körmegen bala ruhani kedeyşilikke aldımen wşıraydı», - deydi psiholog Aybolat Tölekwlı. Mümkin, qızteke bolıp ketken zamandastarımızdıñ bala tağdırı jetimdikpen ötken şığar, kim bilsin!?

Esil erkelep ağadı. Ağıstıñ ayaq jağında eki ğaşıq qoltıqtasıp bara jatır. «Eki ğaşıq, qol wstasıp» degen öleñ jolına swranıp-aq twrğan körinis. Biraq tilim barmaydı. Öytkeni, onıñ ekeui de eñgezerdey jigitter edi. Esil teris ağatın siyaqtı...

Sırımbek Töleuwlı,
Astana qalası
"Jas qazaq" gazeti
Taqırıp özgertilip alındı. Tüpnwsqadağı taqırıp: Qıztekesi qızğan qala
1 pikir